الله ينور عليك ياباشا .. هو ده بالظبط اللي أنا عايزه , وياترى بيمسك الموبايل كويس بقى ولا ممكن يتزحلق منه ؟
عرض للطباعة
ردا على الاخوه اللي بيقولوا بلاش على القزاز ... أنا معظم الوقت بابقى قافل القزاز عشان التكييف يااما فاتح ناحيتي انا بس
وكمان انا دلوقتي معظم الوقت باحط الموبايل في الدرج اللي تحت الكاسيت .. لكن انا الحامل ده هاينفعني لما أحب اشغل الـ gps او مثلا لو عايز أتكلم وانا سايق .
وكمان انا في نيتي احطه جنب مراية الصالون زي ما الأخ أشرف قال .. وده هايساعد كتير لما اشغل الـ gps .
اه هو بيمسك الموبايل جامد جداً يعني عمره ما وقع و لا اتهز حتى من مكانه
و كمان الشفاط بتاعه الي بيمسك في الزجاج ممتاز جداً
و بينفع لاحجام كتير
انا جربت عليه نوت 1
طيب ده كده يبقى حلو جدا ياباشا .. ماشاء الله ربنا يباركلك فيه
بس هو اللي مع حضرتك زي اللي في الصوره بالظبط ؟
وياريت لو تعرف مكان تاني ألاقيه فيه بدل الهرم ده أحسن انا بعدي عليا شويه
أو لو حضرتك أكدتلي انه لسه موجود في نفس المكان اللي انت جبت منه ممكن أبقى أروحله
وشكرا لتعبك معايا
هو نفس صورة الي محطوط فيه الموبايل
هو حضرتك ساكن فين
انا هعدي عليه اكيد يوم الجمعة الي جاية
لو عايزني اجيبهولك و اقابلك في حتة قريبة ليك مافيش مشاكل خالص
ياباشا ربنا يخليك أنا مش عايز أتعبك معايا ... أنا كده كده ليا واحد صاحبي ساكن هناك في شارع فيصل وممكن أقابله قريب
انت بس أكدلي ان الحامل ده لسه موجود وانا ممكن أخليه يجيبهولي أو لو انا روحت قابلته عند بيته .
وانا ياسيدي ساكن في الأميريه ( ناحية حدائق القبه كده ) يعني كأني في بلد تانيه :bump1:
خلاص انا هتأكدلك بكرة ان شاء
تسلم ياغالي
كل حاجه موجوده في السراج مول وببلاش تقريبا المشكله بس ان مفيش اي هولدر بيستحمل الحراره وبعد فتره هيفك من الازاز واظن حتي لو جبت الاصلي بتاع بلده مش هيكمل شهرين ف الحر ده وهيبوظ برضه.. لكن طبعا انا مستغناش عنه عشان الجي بس اس.. الغريب اني كنت بشترط الدراع او التطويله دي عشان يبقه جنب ايدي واتحكم اسهل!
للأسف روحت و قالي انه خلص و هيجيب منه خلال الاسبوع ده