حملة نايل موتورزية (( متتفرجوش على التليفزيون ))

**1.8Tee** · 26-08-2008 06:37 PM

المشاركة الأصلية كتبت بواسطة أبو عبدالله

ياريت اللي مش عاوز يشارك في الحمله ياريت لا يشارك من اساسه في الموضوع علشان الكلام مينحرفشي عن هدف الموضوع الأساسي
وشكرا

مع احترامى الشديد لرأى حضرتك يا أ أبو عبدالله,

لو فى موضوع ليا فى رأى مختلف أو مخالف مشاركش من اساسة لية ؟ يا حضرتك تقنعنى بعدم صواب رأيى او توضحلى حاجة مكنتش واخد بالى منها أو انا اوضحلك وجهة نظرى ( مش هقول أقنعك).

هو انا مقدرش أتفرغ للعبادة و مشاهدة التلفزيون, الواحد مش يتفرج علية 24 ساعة......و هل هو مش بيقدم اى مادة مفيدة عشان نقاطعة ؟.

على نفس المنهج يبقى الواحد يقاطع الكمبيوتر والراديو برضة.

انا اصلا مش بتفرج علية كتير بس فكرة حملة مقاطعة التلفزيون فى شهر رمضان مش مستوعبها.

شكرا.

المشاركة الأصلية كتبت بواسطة katkootaya

أستاذ محمد المفروض إن رمضان = العبادة
مش التليفزيون !!!!!
ما طول السنة هاريين نفسنا تلفزيون مش قادرين نعمل كنترول على نفسنا شهر !!!!! لأ وإيه شهر خير من ألف شهر !!!!!!!

^^^^

**Goodle** · 26-08-2008 06:58 PM

أنا بالفعل بقالي 3 أو 4 شهور الدش بايظ ومكسل أصلحه (وماعنديش إيريال للتلفزيون من أساسه)
وبعد الفترة دي ما حسيتش إني فايتني حاجة كبيرة

ربنا يقدرنا ويجعل صلاتي ونسكي ومحيايا ومماتي خالصين لوجهه الكريم
قولوا آمين.. :)

**أبومعاذ** · 26-08-2008 09:36 PM

كان العلماء في شهر رمضان يتركون حلق العلم و التعلم و يتفرغون للقرآن فقط

**TICOXX** · 27-08-2008 12:10 AM

هوة رمضان ايه غير تلفيزيون؟

**OlaOsman** · 27-08-2008 05:07 PM

طيب بالراحة كده يا جماعة.. انا لية من الأول تحفظ على عنوان الموضوع بس ما رضتش أقوله عشان ما أبوظش الهدف الأساسي من الدعوة و هي دعوة حميدة بلا شك جزى الله خيرا كل من دعى إليها. تحفظي هو على جزئية ((ماتتفرجوش على التليفزيون))، هي شوية صادمة للي بيعتز بحريته في يعمل ايه و ما يعملش ايه أو معتبر انه ازاي يقضي رمضان ده حاجة بينه و بين ربنا و مش من حق حد انه يقول له اعمل في الشهر ده و ما تعملش.

اما بالنسبة للي شايفين ان رمضان = تليفزيون او رمضان ايه غير التليفزيون فمعلش يا جماعة، حتى لو ده رأيكوا يعني ما يتقالش كده.. يعني المشاركين في الموضوع بكل حماس بيدعوا لحاجة معينة، و جيتوا انتوا بكل بساطة و بتدعوا لحاجة عكسها تماما.. ده غير ان حتة رمضان هو التليفزيون او مش حاجة غير التليفزيون طبعا صادمة جدا بالنسبة لشهر الصيام و العبادة يا جماعة.. مش كده و لا ايييييييييييييه؟ :)

**Mohamed-Saoud** · 27-08-2008 10:39 PM

القايمة دي بالنسبالي ممنوع الفرجه عليها في رمضان ان شاء الله:
-ممثلين و ممثلات
-مغنيين و مغنيات
-رقاصات
-لاعيبة كورة
-اعلاميين تافهيين و اعلاميات تافهات هااااات :)

أنا لسة ماعنديش دش ... مش عارف هيتبقى حاجة اتفرج عليها و لا لأ ؟!!! بس و لووووووو

**sniper2010** · 28-08-2008 03:32 PM

أنا معا ا ا ا اكو و و و و

**dr_abooody** · 28-08-2008 09:52 PM

بصراحة رمضان ما بعرفش افتح التلفزيون من اساسة الصبح صيام و شغل و بعد الفطار تراويح و بعدين تلاقي نفسك عايز تنام و تصحى تتسحر و بعدين تصلي الفجر و تنام تاني
هنشوف التلفزيون امتى
ممكن اتفرج شوية و انا بفطر بس
الحمد لله و ربنا يعيننا على قيام الليل و ختم القران

**dr_abooody** · 28-08-2008 09:59 PM

الشياطين عشان عارفين انهم بيتسلسلوا في رمضان فيعملوا حسابهم في الايام دة في هيئة مسلسلات و برامج تقضي الغرض بدالهم

-

الموضوع: حملة نايل موتورزية (( متتفرجوش على التليفزيون ))

LinkBack

أدوات الموضوع

عرض

-

-

-

-

-

المواضيع المتشابهه

حملة بطاطين نايل موتورز 2013

باك سبيس يا نايل موتورزية

مقابلة نايل موتورزية فى معرض الأهرام

انقضاضة نايل موتورزية على فورميلا الاهرام

الكلمات الدلالية لهذا الموضوع

المفضلات

المفضلات

ضوابط المشاركة