الموضوع: تجربة قيادة الفابيا الجديدة حصريا

الموديل :فابيا 2008 الجديدة اول موديل فيها 1400سى سى مانيوال
الطريق :من 6 اكتوبر حتى قرية مراقية فى الساحل الشمالى ......طبعا العربية مش بتاعتى دة بتاعت صاحب ابنى وكنا رايحين كلنا الساحل وهوة جة معانا وكان لسة جايب العربية جديدة ربنا يحفظهالة من العين....وطبعا كنت لازم اخدة تجربة بالغصب والاقتدار

الانطباع الاول:السيارة اجمل بكتير من الصور....انا مكنش بيعجبنى اصلا شكلها من الخلف فى الصور بس لما شفتها على الواقع كانت تحفة ...
الصاج بتاعها حدث ولا حرج حاجة كدة محترمة .....الدهان محترم .....من الاخر الشكل الخارجة كويس اوى
طبعا هية ناقصها من الخارج عن الفول اوبشن الجنوط الاسبور والفوج لايت والعتب الجانبى والاسبويلر والسقف الابيض

اول لما ركبت العربية كنت فاكر انها صغيرة .....بس بقولها وبكل فخر العربية دة تشيل 5 مستريح وعلى فكرة انا طولى 191 سم واللى عايز يشوف دة يروح التوكيل ويشوف

المهم : الصراحة اختبارى للعربية دة كان ل كدة سبب :
1:الموتور كنت حسة ضعيف ........طلعتة ضعيفة شوية من0 الى 100 خد بتاع 15 ثانية .....التسارع لحد 120 كويس جدا بس بعد كدة بطئ شوية......جبت بالعربية 165 وخفت ادوس اكتر لانى بخاف من السرعة والولد صاحب العربية بيقولى انها بتجيب 180 بس هوة مش عايز يقرص عليها علشان لسة عاملة 1200 كيلو
2:الثبات :ممتاز لحد 150 او اكتر بس بجد انا كنت سايق لحد 165 وحاسس ان العربية ممتازة ....وبينى وبينكم لما ركب اليارس بعدها عرفت يعنى اة الثبات فى العربيات الصغيرة دة
3:استهلاك البنزين :طبعا اغلب اختبار السواقة كان على الطريق السريع من غير تكيف اقدر اقولكم انها تقريبا بتعمل 300 فى ال 20 لتر
والولد بيقولى انها فى المدينة بتعمل بتاع 250 الى 280 فى ال 20 لتر
4:التجهيزات الداخلية واحدة فى كل الموديلا ت يعنى مش هيشلك الكاسيت والكلام الفاضى دة
5:التكيف كليماترونيك ممكن تدفى نص العربية وتسقع النص التانى
6:التابلوة مع شكل العدادات مع الدركسيون شيك اوى

وعموما العربية كمجمل ممتازة يمكن انا ملحقتش اجربها كتير بس دة انطباعى عن سيارة كاملة التجهيز من ايرباج لوسائل مساعدة للفرامل بجميع انواعها بسعر 100 الف واقدر اقول انها طبعا احسن من اليارس والانسر والجين تو .....يمكن المنافس الوحيد ليها الابيزا
ولكن تتميز عن الابيزا بالوسع الداخلى بالذات فى الكنبة الخلفية................ وياريت نلاقى حد كمان جربها ويقولنا راية