محتاج ارائكوا بين ال 2
قطع غيار ال 2 قريبه من بعض
ال 2 ثبات و امكانيات جمده
صقر قريش جمبى للميجان و فى ميكانيكيه اوبل قريبين برضه
تنصحونى بانهى
طبعا هنكشف فى التوكيل
عرض للطباعة
محتاج ارائكوا بين ال 2
قطع غيار ال 2 قريبه من بعض
ال 2 ثبات و امكانيات جمده
صقر قريش جمبى للميجان و فى ميكانيكيه اوبل قريبين برضه
تنصحونى بانهى
طبعا هنكشف فى التوكيل
أنا شايف ميجان أحسن وأنا مش بقبل أسترا كشكل وشكلها يوحى أنها من جووا أصغر من ميجان
ابعد عن موديل 2005 و 2006 في الميجان
لو موديل 2007 تكسب طبعا
بس انا شايف الاوبل افضل من ميجان 2006
مع احترامي لكل من يختلف معي
انا شايف الميجان افضل كاوبشنر و وسع
متابع وممكن بعد اذن صاحب الموضوع نضيف لهم ستروين c3/c4 لانى كنت هشتري ميجان والناس خوقتنى ولسه محتار
أساسا ميجان 2 كله زى بعضه 2005 زي 2010 الفروق حاجات بسيطة جدا مفيش فرق جوهرى
دا كلام مش سليم .... هما غيروا سوفت وير فتيس مش أكتر وعلى فكرة ميجان 2005 بحبها أكتر وبرتاح لعدادتها وشاشتها اللى بتنور أحمر أكتر من عندى:grinder:
والفتيس هو هو متغيرش فيه حاجة .... فيه هبدة خفيفة ممكن تظهر معاك بين الأول والتانى فقط عند آر بى معين يعنى مش فى كل الحالات لأن الفتيس ليه أكتر من برنامج قيادة حسب دوسة رجلك ع دواسة البنزين
ودى مش عيب بس هما عملو تعديل للسوفت وير بتاع 2005 غيروا مواعيد النقل مش أكتر ولا أقل عشان فقلت الهبدة قوى وأنا ركبت ال 2005 وطبعا ركبت 2007 والاتنين نفس الفتيس وسيبك من أى كلام غير كدا
بص حضرتك أنا عايزك تطلع الأسترا من حساباتك خااالص
خليك فى ميجان وبجد مش هتندم لو اشتريتها بحالة كويسة ومش هتدفع كتير برضه على عربية بمواصفات رائعة بجد
فيه ناس برضه هتقول لك عفشتها ناعمة عفشتها بسكوت وعايزة طرق حرير
برضه الكلام دا مش صح دى عفشتها حمالة أسية قوى وعربيتى ماشية 121 ألف كيلو مش عايز أقول لك خدت مطبات قد أيه دا أنا ياما كلت مطبات بسرعات عالية وربنا سترها
وفى النهاية إيه اللى اتغير من العفشة ؟ بطاحة مساعد ب 100 جنيه دا بعد ما غلت كانت ب 75
والمساعدين حالتهم مش قد كدا بس شغالين برضه مش ميتين يعنى
والمقصات حالتهم كويسة جدا
شكراا جدا على اهتمامك يا باشا
بس ليه حضرتك مطلع الاسترا خالص كده هل هى سيئه فعلا؟؟؟
و ايه ممكن نقارنه بالميجان فى نفس السعر؟
انا الى مخوفنى من الميجان الكلام بتاع كتره الاعطال و الكمبيوتر
انا عارف ان سعر قطع غيارها مش اكتر من الالمانى مثلا لكن هل كعمر افتراضى زيها؟؟؟
و هل الميجان تفوق الالمانى لو بلاش الاسترا ممكن الفيكنرا او حتى البورا ؟؟؟