الموضوع: احتمال اجيب البرسونا

والله أنا أخاف اركب بيجو وستروين حتى لو رخيصة ... وجهة نظري الشخصية المتواضعة ان الاوروبي الوحيد اللي يستاهل فلوسه هو الالماني غير كده يبقى هرية فلوس في كل شئ تصليح وقطع غيار غالية ... تخسر كتير في تمن العربية في اعادة البيع باستثناء بعض الحالات الشاذة

اما بالنسبة للاوبترا فمش احسن من البرسونا ولا حاجة ... البرسونا هورس باور اعلى وموتور اقوى ده غير ان الاوبترا مفيهاش فرامل ايه بي اس

وشوية كماليات مش موجوده الطارة المالتي فانكشن وسنسور البارك وحجات تانية مش في الاوبترا ... وادائها على الطريق اعتقد انه احسن واعتماديتها عالية ومفيهاش اعطال كتير وفوق كل ده ارخص فبالنسبالي البرسونا افضل

العربية في حد ذاتها ممتازة، عيبها الأساسي التوكيل وارتفاع اسعار قطع الغيار.

أما بالنسبة للعربية، ممكن تلاقي بعض عيوب التقفيل الخارجية البسيطة، يعني فوارق الشنطة مثلاً مش دقيقة، وكذلك تثبيت الاكصدامات مش مظبوطة تمامًا، الحاجة متثبتة تمام، ولكن الدقة والمطابقة - التقفيل مية واحدة - لا يتم مراعاتهما كما ينبغي.

كذلك البوية ضيعفة، من أول مشوار بعد استلام العربية، لو طلعت على الدائري مثلا، ترجع تلاقي في نقر صغيرة في الكبوت والاكصدام بسبب الزلط والرمل.

من ناحية، أنك تقعد رايح جاي على التوكيل، ده أنت وحظك، يعني أنا لم أكمل 10 آلاف كيلو بعد، وروحت التوكيل 5 مرات بسبب صوت في التابلوه، وصفارة الفرامل.

على حسب علمي ومن واقع تجربتي، صفارة الفرامل عيب شائع في برسونا لأن خامة مكونات الفرامل سيئة.

وطبعًا التوكيل جميل وظريف وخفيف، ويتحب من أول صيانة الألف. :)

واقرأ شويتين تلاتة أربعة عن العربية قبل ما تقرر تجيبها، وربنا يقدر لك الخير.

المشاركة الأصلية كتبت بواسطة al-farooq

لا ياباشا مش عيب شائع ولا حاجة ، ان شاء الله يتحل عندك :)

يا رب ما يكون كذلك.

ولكن كذا حد مع برسونا سواء 2012 أو 2013، وعاني أو لا زال يعاني من صوت صفير الفرامل. الحمد لله الصوت عندي شبه اختفي بعد ما روحت عند عصا صفا، وصنفروا التيل.

ولكن لا أزال عند رأيي أنا خامة الفرامل سواء الطانبير أو الأتيال دون المستوى. عصام صفا قالوا لي أن التيل خامته سيئة، ولما قولت لهم ده البوش الأصلي بتاع العربية، استغربوا، وبعدين رجعوا في كلامهم، وقالوا لي لأ كويس :)

الخلاصة: سبب الصفارة التيل البوش الألماني بزعمهم!

لأن بعد صنفرته الصوت خبا وخف خالص.