مركز المتحدة .... اسعار المصنعيات الخرافية
كنت عند مركز المتحدة من كام يوم كدا علشان اصلح شوية حاجات
تغيير تنك البنزين
تعديل الشدادات الخلفية
كبس دورة المياة
تغيير فلتر البنزين
والمفاجأة ... حساب المصنعيات ٣٠٠ ج
تغيير تنك البنزين ب ١٥٠ ج مش عارف ايه الكيميا اللي فيه انا فكيته وركبته في الفيوم ب ٣٠ ج بس
فك الشدادات وتطويلها ٣ مم بالدق عليها بالشاكوش ب ١٢٠ ج والموضوع ما خدش اكتر من ١٠ دقائق
كبس دورة المياه ب ٥٠ ج والدورة طلعت مفهاش تسريب رغم ان المياه بتنقص بس قليل قوي
طبعا لما قالي المصنعيات ٣٠٠ ج اتخانقت معاهم وشديت قوي في الكلام مع استاذ محمود والراجل زعل مني فعلشان يراضوني عملولي خصم ٥٠ ج بعد المصنعية قلتهم انا مش هدفع وفكوا اللي انتوا عملته تاني مش عايز منكم حاجة .... المهم الاسطى حسين جه وقالي ما تزعلش نفسك هما يكتبوا الاسعار براحتهم وانت راجل زبون دائم عندنا وانا هضبطك ..... دخل الراجل وراح عمل خصم ٥٠ ج كمان يعني الحساب ٢٠٠ج قلته كتير برضو كفاية ١٥٠ ج بس قالي مش هينفع وانا عملت كدا علشان انتا بتجيلي من مكان بعيد سفر من الفيوم وبتشتغل معانا على طول ...
في الاخر سلمت امري لله ودفعت وقلتهم انا مش هاجي هنا تاني خلاص لان ده تهريج في الاسعار ورحت صالحت استاذ محمود علشان انا كنت زعلته بالكلام وكان زعلان قوي ّ......
بعد تغيير التنك مشيت على الفيوم وفولت بنزين من اكتوبر ... والمفاجاة ... لقيت التنك بيشر تاني .... بصراحة اتضايقت قوي ... اتصلت بيهم قالولي تعالى مرة تانية علشان نشوف فيه ايه .... رجعتلهم تاني ..... تخيلوا طلع التنقيط سببه ايه ؟
البشوات مش مقفلين طرمبة البنزين كويس فالبنزين بيشر من حواليها ..
استاذ محمود قالي لو احتاجت نفك التنك تاني هتفكه .....
قلت سبحان الله هيتكلفوا الموضوع مرتين
الحمد لله التنك ماتفكش .. فكوا الطرمبة وقفلوها كويس وبقت تمام
حسين قالي انت اكيد ماشي مش راضي عننا علشان كدا رجعتلنا تاني
ضحكت وقلته بصراحة كنت ماشي متضايق قوي بس كده حسيت بالراحة ...
الحمد لله الموضوع انتهى على خير ... بس انا اتعلمت اني مش هصلح عندهم حاجة تاني الا لم اعرف تمن المصنعية بتاعتها كام بالضبط حتى لو تغيير فلتر ..... وكمان مش بشتري من عندهم قطع غيار لانهم غاليين قوي قوي في قطه الغيار حوالي ٣٠ ٪ زيادة في سعر كل قطعة وممكن توصل ل ٥٠ ٪ وكمان ممكن تبقى بضعف السعر ....
انا مش عارف هما بيعملوا كدا ليه كل ما قلهم ليه دا غالي يقولولي اصل انت بتتعامل مع المتحدة والخبرة ليها تمن .....
حبيت اذكر الموضوع للفائدة
