عداد حرارة خارجي بالحساس بتاعه

السلام عليكم ورحمة الله وبركاته
انا انهردة جبت عداد حرارة بالسيلك بتاعه من التوفيقية وفي ف اخر السيلك كدة حاجة زي حساس وفيها صامولة
هو شبه العداد ده كدة بس بتاع الحرارة مش بنزين
http://kenanaonline.com/photos/11737...1173780213.jpg

والحساس بتاعه شبه ده كدة بس بسلك متوصل بالعداد
http://www.saudi4x4team.com/upload//...5eaf7bd8ab.jpg

السؤال بقي الحساس ده اركبه مكان الحساس القديم ولا بيركب فين
انا عربيتي 128 ومفهاش مؤشر فيها لمبة مبفهمش منها اي حاجة وفي الحساس بتاعها راكب بسلكة في الموتور جانب
البوجيهات كدة هل اشيل ديه واركب ديه ولا بتوصل في الريداتير
في حاجة الراجل جربلي بيها العداد جاب ولاعة وسخن علي الحساس اشتغل من غير اي كهربة
ياريت اللي يعرف يقول واكون شاكر ليكو اوي

المفروض انك تفك الحساس اللى عندك ف الموتور وتركب مكانه الجديد

اقتباس:

---

المشاركة الأصلية كتبت بواسطة mrghost

المفروض انك تفك الحساس اللى عندك ف الموتور وتركب مكانه الجديد

---

تسلم يامحمد انا هجرب انهردة كدة افك ده واحط ده مكانه واشوف النتيجة ايه وهبقي اقول ان شاء الله

ياريت تحط صوره العداد عشان مش ظاهره وجبته بكام ومنين

اقتباس:

---

المشاركة الأصلية كتبت بواسطة darsh_darsh

ياريت تحط صوره العداد عشان مش ظاهره وجبته بكام ومنين

---

http://www.richard-halford.co.uk/rac...ter/temp/6.jpg

بص هو شبه ده كدة اوي جبته امبارح من التوفيقية ب 75 جنيه بس التقفيل بتاع اللي في الصورة انضف منه بصراحة انا معلش معرفتش اصوره عشان التليفون اللي معايا الكاميرا بتاعته تعبانة اوي هحاول اصوره واحطه ان شاء الله وكان فيه واحد تاني التقفيل بتاعه حلو وشكله شيك كان ب 50 جنيه بس كان من غير سلك ولا حساس انت بتشتريهم وتوصلهم

مبروك يا باشا وفى انتظار النتائج
على فكرة موضوعاتك فى تعديل العدادات بجد تحفة
والاجمل من كده قدرتك على الابتكار ... انا مغرم بمواضيع " اصنع بنفسك" ربنا يباركلك فى عقلك ويحفظك
انا لسه شايف الموضوعات دلوقتى ... هقراها على رواقه ... وابقى استفسر منك بقى يا نجم

اقتباس:

---

المشاركة الأصلية كتبت بواسطة aymangalal510

مبروك يا باشا وفى انتظار النتائج
على فكرة موضوعاتك فى تعديل العدادات بجد تحفة
والاجمل من كده قدرتك على الابتكار ... انا مغرم بمواضيع " اصنع بنفسك" ربنا يباركلك فى عقلك ويحفظك
انا لسه شايف الموضوعات دلوقتى ... هقراها على رواقه ... وابقى استفسر منك بقى يا نجم

---

الله يبارك فيك ياباشا والله ده من ذوقك وان شاء الله تستفاد من المواضيع وتعمل حاجة كويسة

مبرووووووووووك!! ناوي تعمل بيه أيه بظبط.. انا عارفك .. لما بتخطط لحاجة يبقى عايز تعمل بيها موضوع صاروخ!! =))

اقتباس:

---

المشاركة الأصلية كتبت بواسطة smsm_nabawy

مبرووووووووووك!! ناوي تعمل بيه أيه بظبط.. انا عارفك .. لما بتخطط لحاجة يبقى عايز تعمل بيها موضوع صاروخ!! =))

---

الله يبارك فيك ياسمسم انا والله امبير الحرارة اللي في العربية عندي لمبة وانت عارف انها اختراع فاشل فكرت اجيب واحدة واحدة كدة الاول عداد الحرارة وبعدين ان شاء الله اجيب عداد بنزين وار بي ام واحطهم مع بعض كدة في التابلوه بشكل حلو بس طبعا بعد اللعب في اساسهم ههههههه وتسلم ياسمسم علي الثقة ديه

مش بقولك ناوي على حاجة كبيرة!!

أنت مبدع ماشاء الله!! :)

اقتباس:

---

المشاركة الأصلية كتبت بواسطة smsm_nabawy

مش بقولك ناوي على حاجة كبيرة!!

أنت مبدع ماشاء الله!! :)

---

من بعض ما عندكم ياسمسم انت كمان مبدع والله ومواضيعك كلها في الجون تحياتي ياكبير

بالتوفيق ان شاء الله ياباشا

مبروك ومتابع بعد التركيب .

اخيرا لاقيت طلبى اللى عايزه من شهور الله ينور ياباشا فى هنفذها ان شاء الله

اقتباس:

---

المشاركة الأصلية كتبت بواسطة ahmed air

اخيرا لاقيت طلبى اللى عايزه من شهور الله ينور ياباشا فى هنفذها ان شاء الله

---

حبيب قلبي بص ياسيدي انا عايزك تستني بس لحد اما اركبه عشان والله مش فاضي اليومين دول بسبب ان صامولة الحساس بتاعه عايزة تروح عند خراط عشان تقل حاجة بسيطة بس في مشكلة بنت ستين في سبعين فيه ان اللمبة بتاعت العداد طبعا عادية اللي هي الصفرة ديه ومع الوقت اللمبة ديه بتسخن وتخلي العداد يقرا عالي انا كنت موصل كل حاجة بس الحساس جانب القربة مش راكب يعني لقيت الحرارة وصلت ل 140 من ايه مش عارف فتحت الكبوت وببص علي السلك بتاح الحساس والحساس نفسه لقيته بارد مفهوش اي حاجة جيت امسك العداد لقيته مولع من اللمبة ديه مشكلة بليل بالنهار بقي مش عارف السبب برده ساعات بيقرا كتير عايز احطه في حتة مفيهاش سخونية واوصل الحساس في وش السلندر واقولك ايه النتيجة اذا كنت تجيبه او لا معلش طولت عليكوا عشان بس اقدر اقول راي فيه بكل صراحة عشان محدش يجيبه ويدبس فيه

اقتباس:

---

المشاركة الأصلية كتبت بواسطة ashraf_sms

حبيب قلبي بص ياسيدي انا عايزك تستني بس لحد اما اركبه عشان والله مش فاضي اليومين دول بسبب ان صامولة الحساس بتاعه عايزة تروح عند خراط عشان تقل حاجة بسيطة بس في مشكلة بنت ستين في سبعين فيه ان اللمبة بتاعت العداد طبعا عادية اللي هي الصفرة ديه ومع الوقت اللمبة ديه بتسخن وتخلي العداد يقرا عالي انا كنت موصل كل حاجة بس الحساس جانب القربة مش راكب يعني لقيت الحرارة وصلت ل 140 من ايه مش عارف فتحت الكبوت وببص علي السلك بتاح الحساس والحساس نفسه لقيته بارد مفهوش اي حاجة جيت امسك العداد لقيته مولع من اللمبة ديه مشكلة بليل بالنهار بقي مش عارف السبب برده ساعات بيقرا كتير عايز احطه في حتة مفيهاش سخونية واوصل الحساس في وش السلندر واقولك ايه النتيجة اذا كنت تجيبه او لا معلش طولت عليكما عشان بس اقدر اقول راي فيه بكل صراحة عشان محدش يجيبه ويدبس فيه

---

فى انتظارك يا كبير انت بتقرأ افكارى والله

انا رحت للخراط وعملي الصامولة بتاعت الحساس وركبت الحمد لله بس فيه مشكلة ان الصامولة داخل فيها الحساس بيتربط كدة فبيسرب مية من مابين الصامولة والحساس فا انا عايز اروح عند بتاع الريداتير يلحمه رصاص عشان ميعديش مية وحكاية السخونية بتاعت اللمبة حلتها بلمبة بيضة ليدات بس هات اصغر حاجة عشان تخش والاحسن من ده كله انت تجيب ابو 50 جنيه احسن واشد بس من غير حساس وتجيب حساس بتاع 128 معدل اللي هو بتاع المؤشر مش بتاع اللمبة وتخلي الكهربائي يركبهالك احسن بكتير من وجع القلب اللي انا عملته يارتني بقي كنت عملت كدة بس الحمد لله هي تقريبا بنفس الرينج العداد 50 جنيه والحساس تقريبا 20 - 25 جنيه لاكن اللي انا جايبه كان ب 70 او 75 جنيه