الموضوع: نصيحة بخصوص هيونداى فيرنا

المشاركة الأصلية كتبت بواسطة mr a7med

الفيرنا مش عربيه سفر :)

ليه مش عربية سفر؟

المشاركة الأصلية كتبت بواسطة mamoud salah h

العربية هتتعب منك بسرعة

يعني إيه هتتعب منك بسرعة مش فاهم؟
ياريت حضرتك توضحلي اللي انا معرفوش عن عربيتي

المشاركة الأصلية كتبت بواسطة elfiky81

بسم الله الرحمن الرحيم

بعد التحية والإحترام
قررت وبعد طول تفكير ان اشترى هيونداى فيرنا مانيوال كاملة زجاج ملون موديل 2013
لاستخدامها فى السفر من البحيرة الى سيوة حوالى 700 كم وزيهم راجع
مرة شهريا والتنقل فى الاجازات مابين البحيرة والاسكندرية والقاهرة لزوم الترفيه والتسوق والزيارات العائلية.
أيه رأيكم فى الإختيار ده؟ وايه نصيحتكم لى علشان احافظ على السيارة بإذن الله؟
ارجوكم لاتبخلوا على بإبداء النصيحة لأنى لسه جديد فى السيارات اول سيارة اجيبها فى حياتى
وجزاكم الله عنى خير الجزاء

توكل علي الله .. الفيرنا ممتازه شرط
1-الحفاظ علي مواعيد صيانتها
2-الحفاظ علي مواعيد تغيير زيوتها
3-الحفاظ علي مواعيد تغيير السيور والاهم سير الكاتينه كل 60.000 الف كيلو
4-ما تسترخصش فيها قطع غيار اصليه

لو اتحققت دول ... توكل علي الله والعربيه مش ها تشتكي ابدا

توكل على الله

العربية معايا بألها 5 سنين مشاوير كل يوم و شغل و طرق طوالى و زحمة و اشارات فى الشتاء و حر الصيف
و سفر اسكندرية و الفيوم كفور و نجوع و نشبع كل حاجه :)

- عفشة واداء و نعومة
- استهلاك بنزين 92 معقول طول ما عديتش الـ 3 ار بى ام - فوق كده وحش مخيف بس على حساب استهلاك عالى للبنزين
- مش شرط يعنى - لكن ممكن بعد ما تستلم فوراً تروح تغير الكاوتش الى 185/65-13 على نفس الجنط ال 13 للزيادة فى الثبات - أو تجنط 15 بس ده هايكلفك أكتر بكتير
- تلين لمدة 1000 كم بدون تشغيل التكييف و لا الشد و لا الحرق
- بعد كده - حاول مع وزن العربية الخفيف ماتزودش السرعه عن 120 كم / س - للأمان ليك و لأسرتك
- الزيوت شيل الترا فى معاده كل 10 الاف كم - و تغيير زيت فتيس شيل على 40 الف ( لسه بدرى )
و مجموعة السيور 60 الف / أو 3 سنين و شكراً على كده لأنها مش هاتطلب حاجه تانى ..

- و نصيحه اخيرة ماتفتريش على باقى العربيات التانية اللى معاك على الطريق .........

تحياتى و آى خدمة

و لو عاوز تبحر فى بحر الاراء و التفاصيل - خد الرابط ده و ادعيلى :

http://www.nilemotors.net/Nile/299492-a.html