متابع باهتمام
عرض للطباعة
متابع باهتمام
أنا بصراحه معنديش مشكله مع التكييف
أنا بعملها علي 3 في الأول وبعد 10 دقايق كده بخليها علي 2 بتخلي العربيه تمام الحمد لله
حتي في عز الضهر والزحمه
ضغط الفريون لو زيادة كفاءة التكييف تقل، لازم حد متخصص تكييف بيوزن كمية الفريون المشحون وكل موديل عريبة له كمية معينة بالجرام
رينو كليو 660 جرام
رينو ميجان القديم 760 جرام
رينو ميجان2 550 جرام
رينو سينيك 550 جرام
معدل الزيادة او النقصان المسموح 30 جرام
بصراحة أراء جميلة جدا وأنا أحب أضيف حاجة ،هل العربية أختلفت من أول شرائها حتى الآن ولا نفس المشكل ؟ لآن إجابة السؤال هتعرفك فين المشكلة ومتى حدثت ؟.
أفضل شئ أفصل السخن
السخن عندنا فى ميجان مش مجرد إنه جنب البارد لأ دا نظام خلاط يا جماعة فيه نسبة هواء سخن لازم تدخل مع الهواء البارد ولو فصلته هتحس بفرق بالتأكيد
أنا عندى نفس المشكلة فى التكييف , وفى مشكلة تانية من فترة بدأت تظهر معايا,
لما بشغل التكييف ال rpm بيزيد ويقل بسرعة , متهيألى الكمبرسور بيشتغل ويفصل بصورة متكررة.
ومؤشر الحرارة بيفضل يعلى ويمكن لو سبت التكييف شغال المؤشر يوصل لأخره.يا ترا حد عنده فكرة عن تشخيص العيب ده وايه ممكن يكون الحل؟؟؟؟؟؟؟
وبخصوص نقطة فصل السخن, أى حد متخصص فى التكييف ممكن يعملها ولا لازم حد متخصص فى الميجان , أى ميكانيكى رينو يعنى ؟؟؟؟
اغسل السربنتينة كويس لان التراب بيسدها وبيأثر علي التبريد ------زي تكييف البيت