الموضوع: باركولي يا جماعة جبت أول عربية ليا في حياتي

السلام عليكم ورحمة الله

أول عربية يقع الاختيار عليها ( لادا 2105 موديل 82 ) رغم انها قديمة لكن فابريقة بالكامل برة وجوة من كلة حوض وقوايم وشنطة. وتابلوهات المصنع وفرش المصنع وحالة الماتور أكثر من ممتازة وهو

(سير) مش كاتينة وما شاء الله سحب عالي جداا وعفشة جميلة قوية
فية بس شوية تظبيطات في الدريكسيون عايز يتغير , وعداد السرعة برضة مش شغااال والبنزين برضة المؤشر عمال يروح يمين وشمال ,, اة دة انا نسيت المهم هي فيها (نتشات كدة سمكرة ودوكو ) بس الميكانيكي المعلم بتاعي حسين قالي خليها شوية لحد لما تقدم في السواقة عشان هو عارف ان انا لسة جديد

نصايحكم ليا ومنتظر ردودكم الغالية وانتظروا مني صور للعربية ان شاء الله في أقرب فرصة

الله يبارك فيك
تسلم حبيبي neel منور الدنيا يا معلم

الف مبروك يا هندسة و ربنا يباركللك فيها

المشاركة الأصلية كتبت بواسطة mohammedabdallh

الف مبروك
ربنا يديك خيرها ويكفيك شرها
بس ادبح حاجه علشان العين اى حاجه باربع رجول
ملقتشى ادبح فرختين

يخليك ليا يا أبو حميد

الصراحة العين كانت ح تفرقع الكاوتش النهاردة بس ربنا ستر ههههههه
وانا عند القول فية ديك رومي النهاردة وانت أول المعازيم جاي ولا اكلة لوحدي ههههههههه

المشاركة الأصلية كتبت بواسطة optiplex

الف مبروك يا هندسة و ربنا يباركللك فيها

الله يبارك فيك يا قمر تسلم وتعيش يا غالي

المشاركة الأصلية كتبت بواسطة monamize4

الف مبروك يا باشا و ربنا يديك خيرها و يكفيك شرها
,
انا شايف برضه انك متعملش شغل السمكرة دلؤقتى

ربنا يبارك فيك ويحفظك يا هندسة ,,
والله عارف دة كان اول كلام حسين الميكانيكي بتاعي ,, قالي بقولك اية يا واد يا حنوفة اوعي تعمل شغل فيها دلوقتي الا لما تبقي اسطي فيها اد الدنيا قولتلة خلاص ح تنزل المرادي هههههههه