الموضوع: مشكلة غريبة جدا خلتنى هتجنن وانا مسافر

المشاركة الأصلية كتبت بواسطة kareemshafik

الموضوع بسيط انت كنت سايب الشنطة مفتوجة ونور الشنطة فضل شغال لحد البطارية ما نامت وعملت كدا ولما اتشحنت كله بقي تمام متقلقش

تصدق ان هو دا الى حصل بالضبط فعلا دا بعد ما استاذ فليكس قلى ان فى واحد ممكن يكون فتح الشنطى فكرت فى القصة دى وخصوصا انى سيبت العربيى يومين بالشكل دا
فعلا ياجماعة لا خاب من استشار

المشاركة الأصلية كتبت بواسطة tutankhamoun

حصلت معايا نفس اللي انت بتقوله
نسيت نور الصالون شغال
صحيت الصبح حصل كل اللي انت بتقوله بالظبط

شحنت البطارية ......... و رجعت زي ما كانت .
لا تقلق .

الف شكر لحضارتكم ياجماعة والله انا من غيركم مبقباش مطمن
ربنا يخليكم دايما فى خدمة بعض يااحلى منتدى فى نيل موتورز

المشاركة الأصلية كتبت بواسطة amrrageb

حصل معايا انى قفلت الباب اللى ورى ومتقفلش كويس عندى البيبان بتعلق شوية لازم ارزعها وغطيت العربية وطلعت نمت يوم والتانى العربيى فى الشارع متحركتش يومين نزلت اروح بيها مشوار لا السنتر عايز يفتح ولا حتى الباب عايز يفتح بالمفتاح قعدت افكر اكسر انهى شباك قولت اروح اجيب المفتاح التانى واجربة والحمد لله فتحت بالمفتاح التانى لقيت الاخت بطارية نايمة فى سابع نومة وقعدت ازق واجيب الناس تزق وانتش تانى على راى حلمى انها تدور ولا الهوى
لقيت عربية الكهربا ماشية فى الشارع بتوع العمدان دول رحت واخد منة سلكين المونيوم وصل يعم الحاج شغلت اشتغل وسبتها ساعة ويمكن اكتر شغالة المهم محدش يوصل بسلك عريان علشان متعملش قفلة لو لمست جسم العربية
فعادى طالما رجعت مظبوطة اعمل نفسك من بنها زى الستنر سعات يشتغل وسعات ميجلوش مزاج فا اللى يعدى عدية انت كمان

هو دا الى حصل لحد الجزء بتاع العمود دا انا استبدلتة بوصلة من البطارية بتاعت عربية مرشيدس
حلوة مرشيدس دى
والحمد لله دارت بس مش عارف لية مدارتش بالزق

المشاركة الأصلية كتبت بواسطة amrrageb

حلوة طبعا و انا ملقتش مرشيدس قدامى مكنش فى غير بتاع الكهربا ربنا يكرمة

مش مشكلة المهم مشيت ودارت والحمد لله

فعلا لما سبت الشنطة وفتوحة فضل نورها منور لغاية ما فضى البطارية شوية ... وخلي بالك كل العربيات الجديدة البطارية فيها تمثل جزء مهم جدا من كل الأنظمة بتاعتها .. ولو فضيت جزء كبير منها مش كلها العربية ممكن ترفض تشتغل ولا تفصل الإنذار حتى لو الأنوار بتاعتها شغالة ... وده اعتقاد مني لأن القصة دى حصلت معايا في كذا عربية مش بروتون فقط منهم سوزوكي ولانسر بوما

المشاركة الأصلية كتبت بواسطة shshtawy

هو دا الى حصل لحد الجزء بتاع العمود دا انا استبدلتة بوصلة من البطارية بتاعت عربية مرشيدس
حلوة مرشيدس دى
والحمد لله دارت بس مش عارف لية مدارتش بالزق

طالما لبطارية فضيت منك للآخر زي ما حصل مش هاتدور زق خالص مهما عملت