-
مشكلة بجهاز الانذار
السلام عليكم ورحمة الله وبركاته
أمبارح بعد مارجعت بالعربية جيت أقفلها بالريموت مقفلتش قولت يمكن الريموت باظ جبت الريموت الاحطياطي بردو مشتغلش قولت أكيد دة فيوز فتحت صفحة الفيوزات عرفت ان رقم 16 مسئول عن السنتر لوك المهم الفيوز طلع سليم والسنتر كمان سليم بس بيشتغل لما بحط الفتاح فى الباب وبقفل العربية الاربع ابواب بيقفلو مع بعض
المهم جهاز الانذار عندي موجود فى اسفل الطابلوة نزلته لقيت علية فيوز بردو الفيوز سليم
والعلبة الصغيرة اللى فيها مفتاح الرجلاش بتاع الجهاز كان فيها لمبة حمرا المفروض بتبقي منورة مش منورة خالص
ياتري ممكن المشكلة من اية
هحاول اصور العلبة الصغيرة والجهاز ونحاول نحل المشكلة الجهاز نوعة وولف
منتظر إقتراحات الاعضاء
-
ارضى جهاز الأنذار اكيد مفصول بيبقى سلكة لونها اسود !!
-
بص بتحصل معايا كتير بس بعد شوية بيشتغل السبب اية معرفش
-
متابع معاك علشان انا بقالى اكتر من شهر سايب جهاز الانذار فى الصيانة برده نوعه وولف
-
حصل معايا ورحت عند كهربائى وكل اللى عملو رستر جهاز الانذار يعنى شاه من الكهرباء وسابو شويه وركبو تانى اشتغل
-
اشكركم يا جماعة على الردود
وللاسف اميارح كنت تعبان جدا ونمت بعد الشغل على طول لحد تاني يوم
اليوم ان شاء الله هشوف الموضوع
واشوف موضوع سلك الارضي
واحاول افك الجهاز واركبة من اول وجديد علشان حاسس ان فيه زحمة سلوك تحت الطابلوة
-
الحمد لله حليت مشكلة جهاز الانذار
عملت بحث فى المنتدي وجبت خريطة جهاز الانذار واطراف التوصيل
فكيت جهاز الانذار ونزلتة من مكانة ونضفتة وابتديت اوصل سلكة سلكة زي مابليقول الكتالوج والحمد لله الجهاز شغال تمام التمام
بس سؤال ياتري حد فكر يركب الزار بتاع الكبود او الشنطة والزارا بيبقي عبارة عن سوستة ولا اية بلظبط
اشكر كل من ساهم فى حل المشكلة
Content Relevant URLs by
vBSEO 3.6.0 PL2