هل السيارة m11 نزلت تانى

**MACATHIUS** · 10-07-2013 10:43 AM

كدة جالى احباط... دانا كنت حاطط عينى عليها عشان سعرها الحنين.... وبعدين الناس ملهوفة عليها عشان سعرها اللى اقل من امكانياتها لكن لو غليت فوق التمانين يبقى فقدت اجمل ميزة فيها وهى تمنها المغرى المنافس لاى عربية تانية

**M I D O** · 10-07-2013 06:59 PM

المشاركة الأصلية كتبت بواسطة macathius

كدة جالى احباط... دانا كنت حاطط عينى عليها عشان سعرها الحنين.... وبعدين الناس ملهوفة عليها عشان سعرها اللى اقل من امكانياتها لكن لو غليت فوق التمانين يبقى فقدت اجمل ميزة فيها وهى تمنها المغرى المنافس لاى عربية تانية

لا اعتقد انها هتعدي ال 80 الف الا في الحالات الي ذكرتها في المشاركات السابقة

**hugan** · 10-07-2013 07:17 PM

اظن ان موديلات ابو الفتوح السيدان 1600 كلها هاتنضرب في مقتل
مفيش غير التيجو الجديده اللي ابتديت اشوفها في الشارع
انما الانفي نهائي ماشفتهاش
الجيلي الاميجراند
هاتقضي عليهم

**M I D O** · 10-07-2013 07:58 PM

المشاركة الأصلية كتبت بواسطة hugan

اظن ان موديلات ابو الفتوح السيدان 1600 كلها هاتنضرب في مقتل
مفيش غير التيجو الجديده اللي ابتديت اشوفها في الشارع
انما الانفي نهائي ماشفتهاش
الجيلي الاميجراند
هاتقضي عليهم

فعلا موديلات ال 1600 بتاعة ابوالفتوح قربت تنتهي ودة بسبب انة مبينزلش الام 11 ولا 12 و لغي ال 516 الفرخة الي كانت بتبيضلة بيضة ذهب عشان عيون الانفي الي لحد دلوقتي مشفتهاش غير مرتين و التيجو الجديدة مشفتهاش ولا مرة و الامجراند فعلا انتشرت جامد جدا رغم ان فيها عيوب زي التكييف الكمبريسور من نوع ردئ و الدهان الي بيبهت في الشمس بس لو الام 11 رجعت دلوقتي هتاخد نصيب من السوق وناس كتير هتجيبها لاكن لو تقل عليها كمان شوية عشان يبيع الانفي يبقي لا الانفي هتتباع و الامجراند هتكتسح اكتر واكتر و الناس هتقول اجيب العربية البياعة عشان قطع الغيار و هيبور كل عربياتة مش هيبقالة الا النيو تيجو

**M I D O** · 11-07-2013 03:23 PM

المشاركة الأصلية كتبت بواسطة aftr

بس فى الشرقية ممكن اشوف كل يوم 4 او 5 عربيات m11 كلام عدم انتشار العربية كان 2011 تقريبا بس دلوقت معظم تجار قطع الغيار اشتغلو فيها وده سبب انتشار العربية بس مش زى 516

ممكن تكون منتشرة عندكم لاكن العربية مش منتشرة في طنطا خالص يعني ممكن يوم اشوف عربية ولا اتنين ويوم ما اشفهاش خالص و اصلا العربية كانت عند ابوالفتوح رقم 3 في المبيعات بعد ال 516 و التيجو عشان كدة نزل سعرها ل 72 الف عشان تبيع وصعب اوي العربية سعرها يعدي 80 الف الا لو اضاف ليها تحديثات 2013 واعتقد انة هيعمل كدة وينزلها علي شهر 8 ولا 9 بموديل 2014