اتصلت بمعرض للسيارات لشراء السيارة m11 بالتقسيط و اجابنى ان السيارة ليس لها وجود الان و انها مش بتنزل.. ارجو الافادة ممن لديه معلومات... شكرا للاخوة الاعضاء
عرض للطباعة
اتصلت بمعرض للسيارات لشراء السيارة m11 بالتقسيط و اجابنى ان السيارة ليس لها وجود الان و انها مش بتنزل.. ارجو الافادة ممن لديه معلومات... شكرا للاخوة الاعضاء
انا سالت في صفحة ابو الفتوح علي النت و الادمن قالي ان الان بيتم استيراد بعض الاجزاء الناقصة من الخارج وقريبا جدا سيتم اعادة انتاجها
عقبال آل 51٦
للأسف أنا عندئ مشاكل صحية تمنعنى من سواقة ائ عربية مانيوال
عشان كدة انت بعت عربيتى لأخويا الله يرحمة و جبت الصنى الأوتو
فعلا لو العربية ده منها أوتو كنت جبتها
نأ نصحتنى أقلب ألماتور و الفتيش أوتو بتاع اللنسر
بس أنا محبس العب. فئ العربية
بس فعلا واحد متخصص قال انا ماتور لانسر مع m11 ممتاز جدا مع وزن العربيه وكان قال سعره 4000 جنيه بس انا كمان مش بحب اللعب فى العربيه
انا خايف يكونوا بيعطشوا السوق من الـ m11 و بعد ما شوقوا الناس ليها هينزلوها جديدة بسعر عالى ... ساعتها هزعل قوى لو بقت فوق التمانين الف جنيه
أبو الفتوح قالى ان m11 و m12 غير متوفرين الان
ولكن سيتوفروا قريبا باذن الله
مافيش جديد ولا ايه...؟؟؟؟؟؟
أعتقد إنها هتنزل بسعر قريب من التسعين ألف ف تقديري
بصراحة عربية تستاهل 90 الف بس اكيد هينزل ايرباج وطارة مالتى
لا طبعا مستحيلة لان العربية اصلا مش منتشرة بشكل كبير وعشان كدة ابو الفتوح نزل سعرها ل 72 الف وبعدين رجع رفعة 75 الف تاني بعد غلاء الاسعار وحاليا بيعطش السوق دة سبب وكمان بيدي مجال بيع للانفي عشان العربية في رايي الشخصي سوقها في البيع واقع جدا لانها من ساعة منزلت ما شفتش غير 2 بس واحدة راكنة جمب عمارة وواحدة علي الطريق وانا ماشي عشان كدة عاوز يجبر الناس تشتري الانفي ومتفكرش في الام 11 ولو غليت ممكن توصل كحد اقصي ل 85 الف بس دة هيكون بالتعديلات الجديدة من تغيير الطابلوة و العدادات و اضافة 2 ايرباج و طارة مالتي فنكشن لاكن لو مغيرش الطابلوة و العدادات ومحطش ايرباج ولا طارة مالتي يبقي اخرها 80 الف
كدة جالى احباط... دانا كنت حاطط عينى عليها عشان سعرها الحنين.... وبعدين الناس ملهوفة عليها عشان سعرها اللى اقل من امكانياتها لكن لو غليت فوق التمانين يبقى فقدت اجمل ميزة فيها وهى تمنها المغرى المنافس لاى عربية تانية
اظن ان موديلات ابو الفتوح السيدان 1600 كلها هاتنضرب في مقتل
مفيش غير التيجو الجديده اللي ابتديت اشوفها في الشارع
انما الانفي نهائي ماشفتهاش
الجيلي الاميجراند
هاتقضي عليهم
فعلا موديلات ال 1600 بتاعة ابوالفتوح قربت تنتهي ودة بسبب انة مبينزلش الام 11 ولا 12 و لغي ال 516 الفرخة الي كانت بتبيضلة بيضة ذهب عشان عيون الانفي الي لحد دلوقتي مشفتهاش غير مرتين و التيجو الجديدة مشفتهاش ولا مرة و الامجراند فعلا انتشرت جامد جدا رغم ان فيها عيوب زي التكييف الكمبريسور من نوع ردئ و الدهان الي بيبهت في الشمس بس لو الام 11 رجعت دلوقتي هتاخد نصيب من السوق وناس كتير هتجيبها لاكن لو تقل عليها كمان شوية عشان يبيع الانفي يبقي لا الانفي هتتباع و الامجراند هتكتسح اكتر واكتر و الناس هتقول اجيب العربية البياعة عشان قطع الغيار و هيبور كل عربياتة مش هيبقالة الا النيو تيجو
ممكن تكون منتشرة عندكم لاكن العربية مش منتشرة في طنطا خالص يعني ممكن يوم اشوف عربية ولا اتنين ويوم ما اشفهاش خالص و اصلا العربية كانت عند ابوالفتوح رقم 3 في المبيعات بعد ال 516 و التيجو عشان كدة نزل سعرها ل 72 الف عشان تبيع وصعب اوي العربية سعرها يعدي 80 الف الا لو اضاف ليها تحديثات 2013 واعتقد انة هيعمل كدة وينزلها علي شهر 8 ولا 9 بموديل 2014