حد جرب يحول أكسنت من مانيوال لأتوماتيك

**kar!m** · 12-06-2013 01:43 PM

السلام عليكم و رحمة الله

واحد صاحبي معاه هيونداي أكسنت 1500 .. موديل 99

عاوز يحولها لأتوماتيك .. عشان بتاعة والده و راجل كبير و كده

هو معندوش مشكلة انه يشتري فتيس أتوماتيك أو موتور بفتيسه .. و رادياتير و كونصوله .. بس هو مش عاوز يلعب في الشاسيه .. يعني في اللانوس بيبقى في فردة شاسه محتاجه يتغير فيها حاجه .. هل في الهيونداي نفس الكلام؟

و هو مش عاوز يبيع العربية و يجيب واحده تانية أتوماتيك.

حد جرب يعمل الموضوع ده في هيونداي قبل كده؟

**myself112** · 12-06-2013 03:11 PM

تقريبا بينزل عليها فتيس فيرنا اوتو بدون مشاكل ... اسأل اى عفشجى و هو هيفيدك .

**kar!m** · 12-06-2013 03:40 PM

المشاركة الأصلية كتبت بواسطة myself112

تقريبا بينزل عليها فتيس فيرنا اوتو بدون مشاكل ... اسأل اى عفشجى و هو هيفيدك .

الكلام ده أكيد ولا ايه

**khaabas** · 12-06-2013 04:09 PM

انا شفت الحوار ده فى الفيرنا واتهري كتير الموضوع ده ومفيهوش مشاكل وبسيط

**haysam2000** · 13-06-2013 01:40 PM

المشاركة الأصلية كتبت بواسطة kar!m

الكلام ده أكيد ولا ايه

راى شخصى يا كريم (على فكرة احنا زمايل فى الشغل

) بلاش موضوع التحويل لآن نسبه المشاكل فيه كتيير و هتغير حاجات كتيير زى الفتيس و الكنترول و ضفيرة الكهربا و الموضوع مش هيكون زى الأتوماتيك و هتفرق فى سعر البيع جداااااااا لآنه هيبقى مغير ضفيره

**kar!m** · 16-06-2013 12:07 PM

المشاركة الأصلية كتبت بواسطة haysam2000

راى شخصى يا كريم (على فكرة احنا زمايل فى الشغل :_alshmokh15[1]: ) بلاش موضوع التحويل لآن نسبه المشاكل فيه كتيير و هتغير حاجات كتيير زى الفتيس و الكنترول و ضفيرة الكهربا و الموضوع مش هيكون زى الأتوماتيك و هتفرق فى سعر البيع جداااااااا لآنه هيبقى مغير ضفيره

المشاركة الأصلية كتبت بواسطة mhkorayem

الافضل تبيعها زي ما هي وتدور على حاجه اتوماتيك نضيفه
النتيجه مضمونه وهترحم نفسك من المرمطه مع الصنايعيه

و الله أنا كاتب بالأحمر انه مش عاوز يبيعها عشان مسمعش الرد ده :-)

**mhkorayem** · 17-06-2013 10:46 PM

المشاركة الأصلية كتبت بواسطة kar!m

و الله أنا كاتب بالأحمر انه مش عاوز يبيعها عشان مسمعش الرد ده :-)

ما هو اي رد تاني غير كده ممكن يخلي صاحبك يبيع العربيه برضوا بس بعد ما يتمرمط مع الصنايعيه ويدفع فلوس كتير وفي الاخر تبوظ منه ويبيعها بخساره
الواحد لما بيغير لمبه بيبقى حاطط ايده على قلبه احسن يبوظوا حاجه أقوم اغير فتيس بحاله وسليم كمان
ياباشا ده انا رحت اغير لمبه محروقه في الطابلوه (لمبه بشلن) كسروا القطعه الخاصه بزراير ضبط الساعه وعدادات المسافات ولفيت كعب داير عشان الاقيها ولما لاقتها طلعت معديه الـ 300 جنيه ده عشان اتجننت في عقلي وقررت اغير لمبه محروقه
يبقى ازاي الواحد يطمن يغير فتيس كامل
يا باشا نصيحه لوجه الله يا يبيعها ويجيب حاجه اتوماتيك نضيفه يا يسيبها زي ما هي
لو قلتلك غير كده يبقى انا راجل مش تمام

**nasserexpress** · 24-06-2013 02:02 PM

السلام عليكم
وجزى الله خيرا، كل من ينصح أخيه في الله
اخي العزيز، ان تغيير من عادي إلى أتوماتيك، محتاجة حد يكون مستغني عن العربية، علشان يلعب فيها اللعبة دي، ويكون هيعملها بأيده، ويكون عنده ورشة، واذا العربية لم تعمل بالشكل المطلوب، يقوم يرجع كل حاجة زي ما كانت، والاخوة هنا ما شاء الله عليهم، أبلغوك بالرد المفيد، وبلاش تبهدل نفسك مع الصناعية، وفي الاخر برضه تبيع العربية بخسارة فادحة

**Satan_satan** · 28-07-2013 07:48 PM

يا جدعان ده انا اعرف واحد عامل
بيتلز 2010
كورولا 2001
كورولا 98
من مانيوال لاوتوماتيك وزى الفل

وناس صحابي كتير اوى عملو الحوارات دى
بس اهم حاجه تبقى فاهم انت بتعمل ايه علشان متعكش الدنيا والمصاريف تفتح معاك على الفاضي

اما لو ملكش خبره بالعربيات يبقى الاحسن زى ما الناس قالتلك انك تبيعها ( انا عارف ان الكلمه دى بتضايقك )

-

الموضوع: حد جرب يحول أكسنت من مانيوال لأتوماتيك

LinkBack

أدوات الموضوع

عرض

حد جرب يحول أكسنت من مانيوال لأتوماتيك - انشر الموضوع فى :

-

-

-

-

المواضيع المتشابهه

طلب تسعير نيو أكسنت 2010 مانيوال فول أوبشن

تحويل كورولا جنوب أفريقى من مانيوال لأتوماتيك

نيو أكسنت 2010 مانيوال

ما الأفضل بالنسبه للنيو أكسنت أتوماتيك أم مانيوال

نيو أكسنت أتوماتيك , ماتريكس مانيوال , هوندا سيتى مانيوال ما1ا تفعل لو كنت مكانى؟

الكلمات الدلالية لهذا الموضوع

المفضلات

المفضلات

ضوابط المشاركة