عرض للطباعة
السلام عليكم ورحمة الله وبركاته
انا قدامى عربية فورد مونديو 1998 .. بصراحة انا خايف من ندرة قطع الغيار والاهم الصيانة بتاعتها لانى اعرف انى مش اى حد يشتغل فيها وكمان انا من طنطا ومعرفش فى حد موجود جبنى شغال فيهم وكفاة ولا لا ... والعربية مواصفاتها 1600 cc - مانيوال - 110000 ك م - والحالة فبريكة دواخل ورشة بره نظافة والتكييف عايز خرطوم كبس واعادة شحن ومعرفش هايتكلف كام ؟؟؟
تنصحونى باية خصوصا موضوع الصيانة .. ولكم جزيل الشكر
11 مشاهدة ولا رد .. طيب ايه رايكم فى العربية بشكل عام والمواصفات دى تعمل سعر كام ؟؟؟ .. وايه اهم حاجة اخد بالى منها قبل ما اشترى
العربيه دي هايله ولو كانت 2000 سي سي تبقا احسناقتباس:
المشاركة الأصلية كتبت بواسطة hopa102
وعلي فكره كانت معايا حوالي 3 سنين قبل ما اجيب الفوكس
بس بصراحه تعبت من الصنايعيه وكمان علشان العربيه موديل التسعينيات تجار الاستيراد بقو بيستهبلو قوي في اسعار قطع غيارها
وبعدين لازم تروح للمكانيكي بتاعها كتير (بحكم قدم موديلها)
وانا رائي بلاش علشان انتا زي ما قولت من طنطا
خليك في الفوكس لو بتحب تركب فورد
قطع غيارها نار ومقرفة فى الصيانة خليك فى الاسكورت او الفوكس ال2002 احسن
بارك الله فيكم اخوتى MohamedSotohy و waley على اهتمامكم بس للاسف المشكلة فى الميزانية لانى اقصى حاجة 35000 فتصحونى بايه بقى فى الرنج دا لانى حابب المونديو ولقيت قطع الغيار متوفرة عند نشأت فوزى فى طنطا بس خايف من الصيانة لانى مش عارف اوصل لحد بيشتغل فيها وفاهم
قدامك حاجة من اتنين
اما تزود شوية وتجيب فوكس موديلات بدء من 2001 او بالى معاك ممكن تجيب اسكورت ميه ميه 1600 زتك انجكشن وابعد عن ال 1600 العادة زجاج وتكيف ومرايات كمان
اقتباس:
المشاركة الأصلية كتبت بواسطة waley
طيب اخى waley الاسكورت سهلة فى الصيانة يعنى اى حد يشتغل فيها ولا زى المنديو
الاسكورت 1600 نفس موتور و نفس الصيانة لكن الامونديو افضل في العفشة من الاسكورت لانها لا تهلك جلب مقصات
ده غير الفخامة في المونديو عن الاسكورت
بما انك لقيت قطع الغيار عند نشات يبقي تسالة مين بيشتغل فيها كويس
اخي معاه نفس العربيه وبصراحه ممتازه ثبات وسرعه واتساع وسحب وحتي استهلاكها في البنزين حلو وقطع غيارها موجوده واعتقد ان اي مركز خدمه نظيف هايشتغل عادي فيها
ولو حضرتك لقيت حد راكبها عندك ممكن تساله بتصينها فين
عيبها الوحيد انها تقيله في بيعها شويه
والله مش عارف اشكركم ازاى على التفاعل والمساعدات دى ... بصراحة من افضل المنتديات اللى اشتركت فيها بدون مجاملة ... وبارك الله فيكم جميعا
انا كلمت الاستاذ نشأت فوزى وقاللى اهم حاجة ابص عليها ضفيرة الكهربا واى حاجة تانية مقدور عليها .. واكدلى ان فى ناس بتصينها على مسؤليته الشخصية
الاسكورت اسهل طبعا فى الصيانة وااقل فى ثمن قطع الغيار واحسن فى البيع من المونديو والفورد عموما بكل موديلاتة ثباتة ممتاز عيب الاسكورت انها بتستهلك مقصات قدام بس ولك الاختيار
اقتباس:
المشاركة الأصلية كتبت بواسطة waley
بارك الله فيك وربنا يوفقنا الى الخير ان شاء الله
اتعب سنه وهات فوكساقتباس:
المشاركة الأصلية كتبت بواسطة hopa102
قطع غيار متوفره وعربيه موش عجوزه
اسمع كلامي والله عن تجربه
اقتباس:
المشاركة الأصلية كتبت بواسطة MohamedSotohy
والله اخى محمد الفلوس اللى معاك هيا اللى بتحكم .. وانته زعلتنى لانى معنى كلامك ان المونديو عربية عجوزة ... وهل المونديو اعطالها كتير ؟؟؟ ... انا اللى ماخرنى انى اروح اخلص فيها انى موش لاقى حد فاهم يجى يبص عليها لانى مضحكش عليك خبرتى ضعيفة جدا فى فرز العربيات وكل اما اقول لواحد يقولى بلاش خلينا فى الكورى والصينى احسن ... هههههههههههه ... :10D5C8w1107: شعب بتاع 128 للاسف .. انته عارف لو يقولوا انهم مش بيفهموا فيها عادى انما يقولك احنا نشتغل فى الجن بس بلاش الفورد .. سدوا نفس الواحد والله
بص والله هي عربيه حلوه خالصاقتباس:
المشاركة الأصلية كتبت بواسطة hopa102
بس لو انتا بتمشي بيها كتير هتلاقي نفسك بتروح للميكانيكي كتير
علشان كده انا قولتلك هات فوكس حتي لو موديل قديم ها تبقا احسن من المونديو
وبعدين انا مره احمد فرج الميكانيكي قللي بيع عربيتك لان بقت المونديو بتجيلي كتير (عمر افتراضي للاجزاء)
وبعدين انتا لو جبت عربيه مونديو حالتها كويسه هاتكون موش اققل من 45
زود عليهم 5 او 10 وهات فوكس يبقا انتا ضربت عصفورين بحجر
1600 ccيعني اقل في استهلاك البنزين
قطع غيار متوفره
عربيه منتشره
ممكن رقم موبايلك يا استاذ محمد