نصيحة فى شراء سيارة فورد مونديو 1998 .. ؟

**hopa102** · 12-06-2013 05:21 PM

السلام عليكم ورحمة الله وبركاته

انا قدامى عربية فورد مونديو 1998 .. بصراحة انا خايف من ندرة قطع الغيار والاهم الصيانة بتاعتها لانى اعرف انى مش اى حد يشتغل فيها وكمان انا من طنطا ومعرفش فى حد موجود جبنى شغال فيهم وكفاة ولا لا ... والعربية مواصفاتها 1600 cc - مانيوال - 110000 ك م - والحالة فبريكة دواخل ورشة بره نظافة والتكييف عايز خرطوم كبس واعادة شحن ومعرفش هايتكلف كام ؟؟؟

تنصحونى باية خصوصا موضوع الصيانة .. ولكم جزيل الشكر

**hopa102** · 12-06-2013 07:48 PM

11 مشاهدة ولا رد .. طيب ايه رايكم فى العربية بشكل عام والمواصفات دى تعمل سعر كام ؟؟؟ .. وايه اهم حاجة اخد بالى منها قبل ما اشترى

**MohamedSotohy** · 13-06-2013 03:45 AM

المشاركة الأصلية كتبت بواسطة hopa102

11 مشاهدة ولا رد .. طيب ايه رايكم فى العربية بشكل عام والمواصفات دى تعمل سعر كام ؟؟؟ .. وايه اهم حاجة اخد بالى منها قبل ما اشترى

العربيه دي هايله ولو كانت 2000 سي سي تبقا احسن
وعلي فكره كانت معايا حوالي 3 سنين قبل ما اجيب الفوكس
بس بصراحه تعبت من الصنايعيه وكمان علشان العربيه موديل التسعينيات تجار الاستيراد بقو بيستهبلو قوي في اسعار قطع غيارها
وبعدين لازم تروح للمكانيكي بتاعها كتير (بحكم قدم موديلها)
وانا رائي بلاش علشان انتا زي ما قولت من طنطا
خليك في الفوكس لو بتحب تركب فورد

**waley** · 13-06-2013 02:51 PM

قطع غيارها نار ومقرفة فى الصيانة خليك فى الاسكورت او الفوكس ال2002 احسن

**hopa102** · 13-06-2013 05:33 PM

بارك الله فيكم اخوتى MohamedSotohy و waley على اهتمامكم بس للاسف المشكلة فى الميزانية لانى اقصى حاجة 35000 فتصحونى بايه بقى فى الرنج دا لانى حابب المونديو ولقيت قطع الغيار متوفرة عند نشأت فوزى فى طنطا بس خايف من الصيانة لانى مش عارف اوصل لحد بيشتغل فيها وفاهم

**waley** · 14-06-2013 10:26 PM

قدامك حاجة من اتنين
اما تزود شوية وتجيب فوكس موديلات بدء من 2001 او بالى معاك ممكن تجيب اسكورت ميه ميه 1600 زتك انجكشن وابعد عن ال 1600 العادة زجاج وتكيف ومرايات كمان

**hopa102** · 15-06-2013 12:19 AM

المشاركة الأصلية كتبت بواسطة waley

قدامك حاجة من اتنين
اما تزود شوية وتجيب فوكس موديلات بدء من 2001 او بالى معاك ممكن تجيب اسكورت ميه ميه 1600 زتك انجكشن وابعد عن ال 1600 العادة زجاج وتكيف ومرايات كمان

طيب اخى waley الاسكورت سهلة فى الصيانة يعنى اى حد يشتغل فيها ولا زى المنديو

**aYaBooY** · 15-06-2013 03:05 PM

الاسكورت 1600 نفس موتور و نفس الصيانة لكن الامونديو افضل في العفشة من الاسكورت لانها لا تهلك جلب مقصات
ده غير الفخامة في المونديو عن الاسكورت
بما انك لقيت قطع الغيار عند نشات يبقي تسالة مين بيشتغل فيها كويس

**abdoumahros** · 15-06-2013 03:10 PM

اخي معاه نفس العربيه وبصراحه ممتازه ثبات وسرعه واتساع وسحب وحتي استهلاكها في البنزين حلو وقطع غيارها موجوده واعتقد ان اي مركز خدمه نظيف هايشتغل عادي فيها
ولو حضرتك لقيت حد راكبها عندك ممكن تساله بتصينها فين
عيبها الوحيد انها تقيله في بيعها شويه

**hopa102** · 15-06-2013 04:21 PM

والله مش عارف اشكركم ازاى على التفاعل والمساعدات دى ... بصراحة من افضل المنتديات اللى اشتركت فيها بدون مجاملة ... وبارك الله فيكم جميعا

الموضوع: نصيحة فى شراء سيارة فورد مونديو 1998 .. ؟

LinkBack

أدوات الموضوع

عرض

-

-

المواضيع المتشابهه

نصيحة فى شراء سيارة فورد مونديو 1998 .. ؟؟

فورد مونديو 1998/1999 vs سبيرانزا 2007

مطلوب فورد مونديو جيا 1998 2000 سى سى

مشكلة فى فورد مونديو 1998

فورد مونديو 1998 ساعدوني من فضلكم

الكلمات الدلالية لهذا الموضوع

المفضلات

المفضلات

ضوابط المشاركة