الـــمــــلـــيـــــون جــنـــيــة الــنــهـــارده .. تجيب إيه غير شقة و عربية .

أصدقائى أعضاء المنتدى الكرام ..

انا بكتب الموضوع ده من كتر ما فكرت فيه ..

يا ترى مع الاسعار اللى بنسمع عنها سواء الشقق او العربيات او ..... او......

دلوقتى لما الواحد اللى عايش فى مستوى متوسط زى الغالبية .. لما يسأل على شقة فى منطقة متوسطة زى الزيتون ولا سراى القبة او حتى المدن الجديدة و يكون سعر الشقة 600 ألف جنية و يوضبها بحوالى 100 ألف تانى و طبعاً ده بعد اسعار السيراميك و الحاجات اللى زادت من اول السنة دى و ضربت فى العالى ..

عمارات جديدة فى الزيتون الشقة بـ 600 ألف و 700 ألف ..
هوضبها بكام و اجيب عفش بكام

طبعاً ماتكلمناش على المناطق الراقية المتميزة زى مصر الجديدة ولا مدينة نصر ..

فى الحالة دى ممكن المليون جنية مايكفوش تمن شقة بس ..

و لـما يسأل على عربية من اللى ماليين شوارع البلد و ليكن زى السيراتو ولا النيسان و يلاقى العربية بـ 140 ألف جنية ..

يا ترى الاسعار دى طبيعية ولا فعلاً اصبح المليون جنية النهاردة على أد الشقة و العربية ..

و الاغرب ان تلاقى العماير اللى بالاسعار دى متباعة كلها ..

و العربيات اللى تمنها فوق الـ 100 ألف مالية الشوارع طبعاً ..

و أكن الـ 128 بتاعة زمان بقت الفيرنا و اللانوس النهارده اللى سعرهم 70 ألف جنية ..

بجد يا ريت حد يقولى أبل ما أتلحس ..


هـــل ده طبيعى ؟؟؟

بصراحة ربنا يستر
اسعار كل شئ بقت شئ خيالي
وطموح بعيد عن المشتري

هي مش المليون جنيه دي يعني 125000 دولار امريكي ؟ ما دول ما يجيبوش شقة تمليك وعربية كاش في اي حتة في العالم مش مصر بس!!

للاسف قيمة الجنية طول ما هى فى النازل حيبقى اسعار العقارات والسيارات فى الطالع ودة الطبيعى فى بلد مفيش فيها مشاريع او بتستورد وبتقترض فقط مفيش فيها انتاج غير بسيط مقابل عدد السكان البيزيد والاغلبية ماشية بدون ضابط ولا رابط سواء فى شراء او فى بيع فا طول ما احنا كدة توقع ان بعد سنين قليلة فئات السيارات الصغيرة حتبقى بسعر المتوسطة والمتوسطة بسعر الفئات الاعلى منها دة لو مشينا بمبدأ الاسعار فى مصر والتسعير الجميل

يعنى توقع تلاقى الاسعار فى المستقبل وطبعا فى كوكب مصر فقط :) اللوجان والفيرنا والصنى بيصل سعرها من 100.000 ل 120.000

الفئات المتوسطة هيونداى اكسنت وكيا ريو 130.000 ل 150.000

الفئات الاعلى من المتوسطة السيراتو والالنترا والكروز 240.000 ل 290.000

الفئات الاعلى باسات وبيجو 508 وفورد مونديو سعرها 300.000 ل 400.000

ربنا يسترها علينا جميعا ...

باشا اسمحلي اختلف معاك

المليون جنيه ممكن يجيبولك عربية احلامك وشقة في المكان الليرتخبه وانت حاطط رجل على رجل

بس تغير شوية زاوية النظر للمبلغ ده

انك تنظر له على أنه حجر أساس لحياتك اللي انت حابب تعيشها 'تبدأ تستثمر الفلوس دي في المجال اللي بتشتغل فيه بافضل شكل ممكن وفي خلال 5 سنين الأرنب ده هيولدلك كام أرنب تقدر بيهم ساعتها تحقق كل اللي نفسك فيه.. وممكن خلال ال5 سنين دول تعتمد على الايجار بالنسبة للشقة وتشتري عربية في حدود ال100 الف تقضيك في الفترة دي

موفق

تمام انتا كدة خلتنى اتفاءل :guitarplay1:

اقتباس:

---

المشاركة الأصلية كتبت بواسطة mohamed.ramah

يعنى توقع تلاقى الاسعار فى المستقبل وطبعا فى كوكب مصر فقط :) اللوجان والفيرنا والصنى بيصل سعرها من 100.000 ل 120.000

الفئات المتوسطة هيونداى اكسنت وكيا ريو 130.000 ل 150.000

---

العربيات دي سعرها وصل كده فعلا ،انت مش متابع ولا ايه ؟ الصني ب ١٢٠ و اللوجان ب ٩٦

و اكسنت و ريو ب ١٤٠ تقريبا

سباق العصا والجزرة

اقتباس:

---

باشا اسمحلي اختلف معاك

المليون جنيه ممكن يجيبولك عربية احلامك وشقة في المكان الليرتخبه وانت حاطط رجل على رجل

بس تغير شوية زاوية النظر للمبلغ ده

انك تنظر له على أنه حجر أساس لحياتك اللي انت حابب تعيشها 'تبدأ تستثمر الفلوس دي في المجال اللي بتشتغل فيه بافضل شكل ممكن وفي خلال 5 سنين الأرنب ده هيولدلك كام أرنب تقدر بيهم ساعتها تحقق كل اللي نفسك فيه.. وممكن خلال ال5 سنين دول تعتمد على الايجار بالنسبة للشقة وتشتري عربية في حدود ال100 الف تقضيك في الفترة دي

موفق

---

هههههه

ده على اساس ان الراجل معاه المليون جنيه ومحتار يعمل بيهم ايه ؟

يا باشا الراجل بيتكلم على حال 80 % من الشعب المصرى اللى اصلا لا يمتلك ربع المبلغ ده

يعملوا ايه ؟

[frame="7 10"]على فكرة انتوا بتتكلموا عن اقل من 10% من الشعب المصرى
فيه ناس كتيــــــــــــــــــــــ ـــــــــــــــــــــــــ ـــــــــــــر بتتجوز و تجيب شقه و تركب عربية ب50 الف جنيه طب نزودها شوية 100 الف جنيه
المشكلة مش فى انا بجيب ايه المشكلة فى انا هجيبوا ازاى( طريقة كسبى للمال و طريقة صرفه) و نسبة الرضا قد ايه
انا أؤيد فكرة الاستثمار جداااااااااااا لان انا من اصحاب نظرية انك لو هتجيب شقة و عربية بمليون جنيه يبقى انت معاك 2-3 مليون جنيه
لما تجيب الشقة ابقى اعزمنا :ask:[/frame]

اللي معاه يتواضع شوية في الشقة و العربية و ممكن يفيض منهم ربع مليون ولا حاجة :)))

الجواب في جمله واحده القوي بياكل الضعيف