بالصور : سواقين التوك توك بيتهجموا على سواق الملاكي في ٦ اكتوبر !

( ملاحظة : جميع مايرد من مشاركات مني انا بالذات من وحي الخيال ولا يمت للواقع ببصلة )

المهم

في ٦ اكتوبر فاقت مشكلت التكاتيك كل الحدود من حيث السواقين الشمامين والمعاتيه .
لكن من بعد الثورة اي سواق ملاكي يخبط او يفكر يلمس توك توك يتكاتفوا عليه اولاد اللزينة ويسطفرتوا بيه ... طبعاً ماهو الريس اشاد بيهم. فمن حقهم يعملوا كل الي هما عاوزينوا

الصور دي حدثة ( في الاحلام والخيال وفوتوشوب ). حدثة عند ميدان النجدة في ٦ اكتوبر
في وقت خروج الموظفين ... عربية فيرنا ماشية عادي قام التوك توك داس بانزين حب يخطفها بسرعه من قدام الملاكي وبتاع الفيرنا عقبال ما وقف كان قلب سواق التوك توك كلمه من هنا على كلمة من هنا اتفرجوا على الصور وانتوا تعرفوا . معليش بقه على قدي في التصوير .

في الصورة دي بقه عربية فيرنا من وحي الخيال والعربية البيضة مش عارف ١٢٧ ولا ايه لبس في الفيرنا والعربية الي وراه كمان لبست فيه وكل ده علشان بتاع التوك توك حب يخطفها ويعدي بسرعه الافندي قدام العربية

https://fbcdn-sphotos-b-a.akamaihd.n...41805740_n.jpg

طبعاً التوك توك اتقلب والناس ابدت تعدلوا

https://fbcdn-sphotos-f-a.akamaihd.n...82111805_n.jpg

في ظرف ثانية الطريق كلو اتعطل
وفي ظرف جزء صغير من الثانية يعني فونتوا ثانية جه موتسيكل صيني يتضامن مع سواق التوك توك
في تلات اعشار الثانية جم توك توكين مع سواق التوك المصدوم

https://fbcdn-sphotos-c-a.akamaihd.n...88046052_n.jpg

صورة من الخيال ومن عالم الاوهام
شوفو في ظرف فونتو ثانية الرابعه كام توك توك اتلم على سواق الملاكي
وشوفوا كمية العربيات الي اتعطلت ومحدش طبعاً هيسيب عربيتوا علشان ينزل يضرب عيل شمام سواق توك توك او ينزل يحوش عن سواق غلبان. صاحب عربية ملاكي

https://fbcdn-sphotos-h-a.akamaihd.n...21973908_n.jpg

لكي الله يا مصررررررر. لكي الله
لمن بتوع التكاتيك بقوا هما ملوك الاسفلت واحنا اصحاب العربيات نعتبر نكرة والطريق ليس من حقنا .... لكي الله يا مصر لمن سواق التوك توك يمشي في الشارع فارد عضلاتوا والي مش عاجبوا يشرب من البحر. لكي الله يا مصر لمن رئيسك يشيييييد بسواق التوك توك .... اتفرج يا ريس الاشادة بتاعتك وصليتنا. لايه !!!

الانصاااااااااص. قامت والعين انرفعت عن الحاجب واصبح شوية حثالة هما ملوك البلد وملوك الطريق
ياعاااااااااااالم كفايه. يانااااااااس فوقو بقه. لحد ايمتى العذاب ده كلو. .... ازاي حتت عيل زبالة يتطاول على اسيادوا ... يا اخي بلاش اسيادوا كلنا. اولاد سبعة ياخي مفيش احترام للسن. مفيش احترام ان صاحب العربية ده واحد من ابناء البلد وسواق التوك توك ده مغترب جي من محافظة مجاورة ياكول عيش وبدل ما يكول عيش قام زبل المدينة وبهدلها .... احنا عندنا في اكتوبر عصاباااااااااااات
( عصابة الميكروباص السوزوكي الاصفر)
(عصابة التكسي الابيض)
( عصابة عربيات المخصوص)
عصابة ميكروبصات ميدان لبنان
وعصابة ميكروباص وسط البلد
وعصابة مسكروباص بشتيل وطلح. وقليوب
واخيراً وليس أخراً ( عصابة التكاتيك)

واي سواق ملاكي اموا داعيه عليه خليه يفكر بس يخبط او يتخبط من احد هؤلاء السواقين
رنة وحده من موبايلوا تلاقي امة لا أله الا الله من افراد عصابتوا محاوطاه ونزلين في سواق الملاكي تنفيض لحد ما يبنلوا صاحب

لكي الله يامصر .... لكي الله يابلدي
( ملاحظة : كل ما ورد من وحي الخيااااااااااااال. ولا يمت بالواقع بصيلة )
( والحياة زي الفل )

@@@@@@@@@@@@@@@

وتحياتي

بتوع التكاتك دول كلهم عيال شمامة من اول طلقة كله بيجرى

فى اسكندريه سواقين التكاتيك و التروسيكل و الموتويسكلات حاجه استغفر الله العظيم


الطف بينا يارب

اغلبية بتوع التكاتك دول عيال شمامة وصايعة

الحمد الله احلي مايميز القاهرة الجديدة عدم وجود اي توتك نهائي الف حمد وشكر انا من ساعت مارحت مع صحبي 6 اكتوبر وانا بقولة 6 اكتوبر دي منطقة عشوائية علي شكل جديد

حسبي الله و نعم الوكيل

اكتوبر اصبحت حى شعبى بسبب عدم وجود لا شرطه ولا داخليه
نقل
تكاتك
ميكروباس
مينى باس
والبتاع الغريب الى اسمه سوزوكى الى بيتقلب لوحدة
سيبوا اكتوبر وهاجروا منها لو عاوزين تعيشوا

هو ده حقيقه ولا خيال ؟؟

احنا اللي عاملين كده في نفسنا
ما نعمل عصابه احنا كمان و نبقي نتكتل قدامهم
بس كله بيقول يلا نفسي

العيال دي عايزه واحد يقف قدامهم بطبنجه مش أكتر وهيطيرو زي ما العصافير بتطير من البندقيه الرش.

هما عارفين ان
اذا سلمت العقاب بقي ...

اعمل زى وهات طبنجه صوت ولو اتحتيط فى موقف زى ده ارفعها فى الهوا واضرب طلقتين وكله هايبقى بخ

البلد راحت مننا خلاص

30 قرب

اقتباس:

---

المشاركة الأصلية كتبت بواسطة yasserelsayad

بتوع التكاتك دول كلهم عيال شمامة من اول طلقة كله بيجرى

---

مسلحين ياباشا
مانتا من اكتوبر وعارف ... لا والسلاح محطوط جمب منوا ولا خوف ولا خشى. ... ياراجل ده انا مره رحت الحي السادس لقيتهم بيلعبوا بالاليكترك هناك ... ولاد الوحشه فاكرينوا ليزر بينور ههههههههه

اقتباس:

---

المشاركة الأصلية كتبت بواسطة yahiaashraf

فى اسكندريه سواقين التكاتيك و التروسيكل و الموتويسكلات حاجه استغفر الله العظيم

الطف بينا يارب

---

انتا هتقولي يا باشا ... ده احنا كقاهريين بيتحرق دمنا اول ما نوصل اسكندرية ونعدي البوابة نلاقي لجنة نعدي اللجنة من هنا نلاقي الطريق ديق ومنحنيات وفجئة كده تبص تلاقي تكاتك بتطلعلك من المفارق من بين الشجر من تحت الارض عاملين زي الصراصير كدة متعرفش بيطلعلوك منييييين ... شوف حياة كام اسرة مصرية ممكن تضيع في الاسكندرية بسبب التكاتيك. الي موجودة في الحته الي بعد البوابة على طول على الطريق السريع ... اتمنى المحافظة بجد يلاقيلهم حل بالذات ان الموسم الي جي كلوا في الاسكندرية انشاء الله ... وتحياتي لاخوتنا الاسكندرانية :)

اقتباس:

---

المشاركة الأصلية كتبت بواسطة m i d o

اغلبية بتوع التكاتك دول عيال شمامة وصايعة

---

المشكلة انهم سايبينهم
يعني مثلاً عندنا ميدان مشهور اسمو ميدان الحصري يعتبر معلم سياحي للمدينة. ومت صدقنا مشينا الميكروبصات منو دلوقتي التكاتيك واقفين بالطول بالعرض وعارف تلاقي الزابط واقف بيعمل مخالفات للعربيات والميكروبصات والتكاتيك داخله جمب منو ولا كأن في ضابط واقف. او حتى لجنة واقفه
فبالتالي انا كمواطن احترم جهاز الشرطة ازاي ... انا كده الناس دي بالنسبة ليا مكبرة دماغها. لدرجة الجبن فازاي احترم جهاز شرطة اتخن ضابط فيه مش قادر يسيطر على توك توك !!!

انا من سكان الحي التالت ... لسة والله كنت بركب العربية السوزوكى الصفرا امبارح من الحصري عشان اروح البيت .. المهم وانا راكب واحد جة قال للسواق هات جنية ياسطي السواق بيقولة لية ! قالو بالحب ! شوية بلطجية بياخدو أتاوة يعنى ! انا بصراحة كنت عاوز انزل امسك فية بس طالما السواق راضي خلاص هعملة مشاكل لية ! .. بجد انا حزين عالحال الى وصلنا لية دة لما يتاخد من الناس الى تعبانة فلوس من شوية عيال اسف فالتعبير يعنى بشخة مالهمش لازمة فالمجتمع ! الشرطة السبب الاول الى مريحة دماغها خالص ! ويقولك الامن رجع قال ! وتانى حاجة مننا احنا الشعب الى بنسكت عالناس دى لو سواق الميكروباص دة نزل ادا الواد دة على قفاة حتى لو معاة سلاح ماكنوش برتعو كدة ! بجد انا حزين للحالة الى وصلت ليها المدينة الى عشت فيها 20 سنة

اقتباس:

---

المشاركة الأصلية كتبت بواسطة mahmoud_anwar

الحمد الله احلي مايميز القاهرة الجديدة عدم وجود اي توتك نهائي الف حمد وشكر انا من ساعت مارحت مع صحبي 6 اكتوبر وانا بقولة 6 اكتوبر دي منطقة عشوائية علي شكل جديد

---

هههه يا بختكم. بجد انا كل ما اعصابي بتتعب بروح
اتمشى عندكم في القاهرة الجديدة وفي التجمع او الرحاب ياااااااه قد ايه بكون سعيد واعصابي هادية. الناس محترمة وكل واحد في حالوا مفيش الاشكال الضالة الي عندنا دي ( بسم الله مشاء الله ) ، بجد بجد هيا دي الحياة ولا بلاش ... بس صحيح انا سمعت ان سكان الزمالك كمان منعين دخول او نزول التكاتيك عندهم في الزمالك حتى تلاقيه هيا تاني مدينة على مستوى الجمهورية مفهاش ولا توك توك ... مشكلت اكتوبر ان اي مشكلة في القاهرة يقوموا يبعتوها على اكتوبر مثلاً ناس بيوتها وقعت. ابعت على اكتوبر. شباب مش لاقي يتجوز اولا ياكول. ابعت على اكتوبر ... عمال فيومين مش لاقين شغل في الفيوم. ابعت اكتوبر عيال صايعه من البحيرة او بني سويف. ابعت على اكتوبر ... ده حتى مساجين وادي النطرون. ولا مساجين الفيوم لمن هربوا من السجون ايام الثوره ههههه مش يروحوا على بيوتهم لأأاااااا. أبعت على اكتوبر لكي الله يا اكتوبر :)

اقتباس:

---

المشاركة الأصلية كتبت بواسطة lanos2004

اكتوبر اصبحت حى شعبى بسبب عدم وجود لا شرطه ولا داخليه
نقل
تكاتك
ميكروباس
مينى باس
والبتاع الغريب الى اسمه سوزوكى الى بيتقلب لوحدة
سيبوا اكتوبر وهاجروا منها لو عاوزين تعيشوا

---

احمد باشا ياااااااااااااااريت
بس بقول لنفسي بقه معقوله بعد للعمر ده كلو وبعد ماعشت فيها وهيا صحرة ... اسيب بيتي اسيب حتتي. اسيب منطقتي وجيراني واقريبني والناس الي بيحبوني وبحبهم وبيعرفوني واعرفهم. واسيب شغلي واسيب عيالي مدارسهم وابعدهم عن اصحابهم وكل ده. علشان الداخليه والحكومة مش عارفه تسيطر على شوية عيال شمامة ... دي دولة ايه بقه دي الي اجنا عايشين فيها ده احنا كده منبقاش ساكنين في جمهورية مصر العربية لأ ده احنا ساعتها في جمهورية ذنبوا على جنبوا :)

اقتباس:

---

المشاركة الأصلية كتبت بواسطة hossam_elwani

هو ده حقيقه ولا خيال ؟؟

---

ههههههه
حبيبي يا حسام. خياااااااال خيااااااال ياباشا مفيش منو الكلام ده ... بس ادينا بنقول وبنصرخ باعلى صوتنا يمكن حد يسمع صرختنا ...

اقتباس:

---

المشاركة الأصلية كتبت بواسطة horas3000

احنا اللي عاملين كده في نفسنا
ما نعمل عصابه احنا كمان و نبقي نتكتل قدامهم
بس كله بيقول يلا نفسي

---

كان زمان لمن سواق تريلة يغلط كان بتوع الملاكي يتحاوطوا عليه وكل ينزل من عربيتوا ويقلك ده عيل وغلطططط ولازم يتربى النهرده فعلاً الكل خايف ويقول يالله نفسي ... بالك لو عيل سواق توك توك اضرب واتربى علقة ورى علقه. هتلاقيهم ماشين زي الكلاب على جنب ويحترموا نفسيهم بس مع الاسف الريس اشاد بيهم

https://fbcdn-sphotos-g-a.akamaihd.n...37735389_n.jpg

اقتباس:

---

المشاركة الأصلية كتبت بواسطة Ahmed_Adham

العيال دي عايزه واحد يقف قدامهم بطبنجه مش أكتر وهيطيرو زي ما العصافير بتطير من البندقيه الرش.

---

هتقف قدام مين ولا مين يا احمد باشا
بوظوا اكتوبر ولاد اللذينة وخلوها لا تطاق وعلى فكرة سواقين التكاتيك ياقرايب في بعض. يا اصحاب ويقعدوا يتسايروا مع بعض فبالتالي لو واحد خبط عربية ملاكي او ملاكي خبطوا اكيد هينزل يجامل سواق التوك توك زميلوا حتى لو كان غلطان. ... بالنسبه لهم. سواق العربية ده ابن - - -تييييت - - وعندوا فلوس كتيرررر وممكن نقلبوا في قرشين !
ونطلع منوا بأي مصلحة ... وتحياتي :)

اقتباس:

---

المشاركة الأصلية كتبت بواسطة S O P H O S

هما عارفين ان
اذا سلمت العقاب بقي ...

---

حبيبي يا بوحميد
فعلاًمعاك حق ياعزيزي من سلم من العقاب اساء في الحساب

اقتباس:

---

المشاركة الأصلية كتبت بواسطة el diesel

اعمل زى وهات طبنجه صوت ولو اتحتيط فى موقف زى ده ارفعها فى الهوا واضرب طلقتين وكله هايبقى بخ

---

ههههههه
هم دول ينفع معاهم طلقتين ولا حتى صاروخين دول بيلعبوا بالشماريخ لعب يوماتي
وبالنسبهلهم صوت الرصاص او البومب شيء عادي. بالك انتا. العيل من دول لو عندوا مكنة صيني تلاقيه ميتسلطنش. ولا يتمزك او يتكييف غير لمن يعمل مدفع من شكمان الموتسيكل عندوا ويخض الناس كلهاااا

اقتباس:

---

المشاركة الأصلية كتبت بواسطة p r i n c e

البلد راحت مننا خلاص

---

فعلاً عليه العوض ومنو العوض

اقتباس:

---

المشاركة الأصلية كتبت بواسطة estimation

30 قرب

---

ماهو ياباشا بسبب المظاهرات والاعتصمات
فالشرطة ملهيه والحكومة ملهية بالمليونيات والتشكيلات والئئتلافات والمعارضة وبكل الجو ده. والنتيجة ان الباعه المتجوليين وسواقين التكاتيك والبلطجية واخدددددين راحتهم على الاخر وعايشين حياتهم ٢٤ قرااااط فالمظاهرات مش في صالحنا نهائي. لان العيال دي بتزيط مع الزيطططه ... بالك انتا لو وقفت اي واد سواق توك توك وكلمتوا كلمتين يقلك احنا لمن قمنا بالثورة ونزلنا ميدان التحرير
طبعاً انتا هتقولوا. لا لا لا حيلك حيلك حيلك ثووورة ايه الي قمت بيها يا ابن الشمامة انتا ... هو كل واحد نزل باعلوا علم ولا كان بيسرح بعربيت تيرمس او بطاطا او وقف يشوي كوزين درة في التحرير بقه من ضمن الثوار ... الله يمسيك بالخير يا مصطفى ... مصطفى ده كان عامل نظافة عندنا في الشغل. كان ايام الثورة بيغيب كتيرررر في النهاية واحد من الموظفين فتن عليه كان بيروح. يجيب كشري من عند زيزووو ويسرح بيهم ايام الاحداث ... فالقصد لو تفتكر مصر كلها كانت ثائرة ضدد حسني واشكال البوابين وسواقين التكاتيك والاشكال الضالة دي. راحت هجمت على كارفور المعادي جابتوا ارض ارض. وهجمو على اركديا صف صفوو ياعيني وحرقوا ونزلوا المهندسين .... والي كسرلك شاشة مكنة الاي تي ام فاكر لمن هيكسر الشاشة هيلاقي فلوس تحتها ههههه العيال دي خطر على المجتمع بجددد وجو المظاهرات بيخليهم يزيدو وينتشروا ويتوغلوا ... وتحياتي

اقتباس:

---

المشاركة الأصلية كتبت بواسطة arch_mido

انا من سكان الحي التالت ... لسة والله كنت بركب العربية السوزوكى الصفرا امبارح من الحصري عشان اروح البيت .. المهم وانا راكب واحد جة قال للسواق هات جنية ياسطي السواق بيقولة لية ! قالو بالحب ! شوية بلطجية بياخدو أتاوة يعنى ! انا بصراحة كنت عاوز انزل امسك فية بس طالما السواق راضي خلاص هعملة مشاكل لية ! .. بجد انا حزين عالحال الى وصلنا لية دة لما يتاخد من الناس الى تعبانة فلوس من شوية عيال اسف فالتعبير يعنى بشخة مالهمش لازمة فالمجتمع ! الشرطة السبب الاول الى مريحة دماغها خالص ! ويقولك الامن رجع قال ! وتانى حاجة مننا احنا الشعب الى بنسكت عالناس دى لو سواق الميكروباص دة نزل ادا الواد دة على قفاة حتى لو معاة سلاح ماكنوش برتعو كدة ! بجد انا حزين للحالة الى وصلت ليها المدينة الى عشت فيها 20 سنة

---

اهو الميكروبصات الصفرة السوزوكي دي اللعنة رقم ٢ لاكتوبر
برضو اطفال بيسوقوها ١٢ و ١٥ سنة ولمن الجهاز ومجلس الامناء تصدى لهم ونقلهم الموقف قاموا قطعو الطريق عند
الجهاز يعني بجد بجد ربنا ياخودهم واهي ابدان بتتسلط على ابدان

https://fbcdn-sphotos-d-a.akamaihd.n...43500332_n.jpg

https://fbcdn-sphotos-g-a.akamaihd.n...41802626_n.jpg

اهو ده الي كان ناقص كمان حتى بتوع السوزوكي بيقطعوا الطريق
وطلع لييييييهم صووووت ... حسبي الله ونعم الوكيل فيهم انا مش هقدر اقول حاجة تانية
غير : زغررررررتي يا أمو أحمددد ههههه. وتحياتي :)

هو مش مفروض الضريبه الي بندفعها كل سنه دي تقل بسبب الطرق والتكاتك وكل الحاجات دي

بس انا هقلكو علي حاجه بجد التكاتك دي فاتحه بيوت ناس وكل الي في مصر دا من الفقر

ربنا يهدى
ربنا يستر
ربنا ياخدهم

فعلا يوم 30 قرب

اقتباس:

---

المشاركة الأصلية كتبت بواسطة horas3000

احنا اللي عاملين كده في نفسنا
ما نعمل عصابه احنا كمان و نبقي نتكتل قدامهم
بس كله بيقول يلا نفسي

---

اقتباس:

---

المشاركة الأصلية كتبت بواسطة ahmed_adham

العيال دي عايزه واحد يقف قدامهم بطبنجه مش أكتر وهيطيرو زي ما العصافير بتطير من البندقيه الرش.

---

للأسف ياكده يا الاشكال دي هتخلص علينا
طالما مافيش قانون يمنع
يبقى يا احنا يا هما

سواق التوكتوك لو غلطان و بجحك فيك اقلع الجزمة و اديلو بيها بس معلش يا جماعة فى احيانا سواقين ملاكى بيبقوا غلطنين دا مش معناة ان سواقيت التوكتوك ملايكة لا دى عيال شمامة وصياعة بتبحس عن لقمة عيش حلال

هما عملوها فترة هنا انه بيتلموا على اي حد ضدهم
لكن لاننا فى الصعيد عائلات وكدا مكترتش كتير
لان العائلات حطت عليهم جامد ويكفى ان مبقاش فى حد بيتخانق دلوقتي وايده فاضيه

ربنا يسترها

لك الله يامصر

فى الشروق أحنا بنحارب التكاتك هو بيظهر واحد كل فتره زمنية بيجى من بدر من مدقات ما بين الشروق و هليوبليس و بدر بس احنا بنعمل دوشة لما بيظهر و بنروح القسم و الجهاز و فى القسم الظباط بيأكدو علينا اننا نبلغهم لما نشوفو بس لسا مجربناش مستنينو يظهر تاتى يا رب ما يبقى موجود فى شروق ده وباء

و ده العادي من شعب مصر

لا حول ولا قوة الا بالله

ياجماعة ماهو طالما مافيش رادع يوقف الناس دية , هيعملوا اكتر من كدة , دلوقتى ماشيين عكس , بيطلعوا على المحور والدائرى , وبيمشوا فى الميادين , وقدام الشرطة واللوائات ومحدش فيهم بيتكلم , ولا بيفتح بقة

وكل دة وعيال هما اللى سايقين , يعنى عيل عندة 8-9 سنين يبقى سايق توكتوك ومعاة ارواح وناس , وعدم خبرة , وفى الاخر يمشى قدام الحكومة ويعدى من قدام لجنة ومحدش يعملة حاجة , ولو شافوا واحد حاطط فامية , بس تعالى خد حاطط دة لية

الواحد مش عايز يقول حاجة وحشة , والله

دة من فترة بسبب توكتوك كان ماشى عكس الساعة 10 بليل , فى شارع اصلا طريق واحد خبط عربية خلاها تتطلع فوق رصيف ويخبط فى شجرة , وفى الاخر بهدلوا الراجل صاحب اللانسر وتلاقى صف تكاتك واقف , قال اية عايزين ياخدوا منة حق التصليح ( ياولاد التييييييييييييت )

دول لو ماتلحقوش والله هيبرطعوا فى البلد ومحدش هيعرف يوقفهم

لان سبب كل الحوادث التكاتك الزفت دية , ربنا يكفينا شرهم

اقتباس:

---

المشاركة الأصلية كتبت بواسطة sameh_fouad

ياجماعة ماهو طالما مافيش رادع يوقف الناس دية , هيعملوا اكتر من كدة , دلوقتى ماشيين عكس , بيطلعوا على المحور والدائرى , وبيمشوا فى الميادين , وقدام الشرطة واللوائات ومحدش فيهم بيتكلم , ولا بيفتح بقة

وكل دة وعيال هما اللى سايقين , يعنى عيل عندة 8-9 سنين يبقى سايق توكتوك ومعاة ارواح وناس , وعدم خبرة , وفى الاخر يمشى قدام الحكومة ويعدى من قدام لجنة ومحدش يعملة حاجة , ولو شافوا واحد حاطط فامية , بس تعالى خد حاطط دة لية

الواحد مش عايز يقول حاجة وحشة , والله

دة من فترة بسبب توكتوك كان ماشى عكس الساعة 10 بليل , فى شارع اصلا طريق واحد خبط عربية خلاها تتطلع فوق رصيف ويخبط فى شجرة , وفى الاخر بهدلوا الراجل صاحب اللانسر وتلاقى صف تكاتك واقف , قال اية عايزين ياخدوا منة حق التصليح ( ياولاد التييييييييييييت )

دول لو ماتلحقوش والله هيبرطعوا فى البلد ومحدش هيعرف يوقفهم

لان سبب كل الحوادث التكاتك الزفت دية , ربنا يكفينا شرهم

---

١١١١١١+
فعلاً دي حقيقة ١٠٠٪
يتلمو صف تكاتيك على صاحب العربية ويبهدلوه ويبهدلو عربيتوا وعاوزين يجيبوا حق زميلهم الي اساساً اساساً غلطان مش مهم المهم يقلبوا صاحب العربية في قرشين

للأسف الشديييد ....التوك توك خلاص بقى امر واقع.... وفي ملايين التكاتيك ماشية على الأرض.... بس المفروض يتعمل قانون للتوك توك "تصورات للعبد الفقير الي الله"

1-لا يسير الا داخل القرى والعشوائيات والحواري الضيقة التي لا تصلح معها التاكسي او الميكروباص وكل توك توك يترخص فيه القريه اللي هيشتغل فيها وغير مسموح له الخروج الا لأقرب محطة بنزين.

2-ممنوع السير على الطرق الرئيسيه...."زي سواق التوك توك المعتوه اللي ماشي الساعة 8 ليلا على كورنيش المعادي عكس الاتجاه وكمان مشغل ليزر اخضر في عين العربيات اللي جاية وطبعا لو دهسته بالعربية أهلو يتلمو عليك ويقولولك منك لله كان شاب زي الورد وكان هيطلع طيار مدني!!!!"


3-تحديد سن سائق التوك توك لا يقل عن 16 سنة "مش عيال عندها 9 سنين بتلعب بالتوكتوك وكأنه
راكب عربيات تصادم في الملاهي"".
4-سحب الرخصة من التوك توك اللي يشغل اغاني بصوت عالي لانه طبعا مفيش زجاج هيقفلة ويسمع الأغاني اللي فيها اصوات اسوأ من نهيق الحيوانات.

5-تترخص التكاتيك وتعلق نمر وتدفع ضريبه ويتسجل اسم السائق "مش كل شويه توك توك يعمل مصيبة واقصى وصف للشهود يقولو الولد كان راكب توك توك لونه أظن كان أسوووووود!!!!!!! ياه الحمد لله انه مكانش اخضر!!!!!!

وفي النهاية ربنا يصلح مصر ويبعد عنها الفتن والسوء ويعين من يريد بها الخير ويدمر من يريد بها الشر .
قولو أميين
.................................................. ...............
.................................................. ...............
.................................................. ..............