بالظبط انا كل قصدي مش لازم نتفائل اوي ولا نياس اوي ...
و ندرس كل حاجة بهدوء ..... و نحللها .......عشان نحلها
و بصراحة ان مش من مصلحتي ان المياة تبقي بديل للوقود العضوي ...:devil:
بالظبط انا كل قصدي مش لازم نتفائل اوي ولا نياس اوي ...
و ندرس كل حاجة بهدوء ..... و نحللها .......عشان نحلها
و بصراحة ان مش من مصلحتي ان المياة تبقي بديل للوقود العضوي ...:devil:
المياه اسهل حاجة وعندنا البحار والمحيطات والطريقة دى لا تشترط ماء عذب ممكن مياه مالحة فالموضوع مفيهوش مشكلة على مياه الشرب
وموضوع تحليه المياه كل دول الخليج شغالة عليه ومفيش مشكلة إن شاء الله منه المهم الفكرة تطلع من تحت ايد الكبار وتتعمل صح وتدرس وتتطور الى ان تخرج للنور بصورة مشرفة ويمكن فى بدايتها استخدام خليط بين البنزين ومحفز كالهيدروجين وشوية شوية الموضع يتطور وتظهر اختراعات جديدة
لو حد تابع شركات السيارات العالمية وعرف تاريخ تطور السيارة لكل شركة هيعرف ليه الواحد متفائل
هل تعلم ان شركة اوبل اصلا كانت بتصنع ماكينات خياطة وشركة اسكودا كانت بتعمل دراجات
وبدأت الصناعة للسيارة ولو شفنا موديلات 1920 هنضحك وبعده 1930 وبعدها 1940 ثم 1950 ثم 70 80 90 2000
وحطيت السيارة سنة 2008 بجوار سنه 1950 من نفس الشركةهتعرف الفرق بوضوح وان كل حاجة مش صعبة
الله ينور عليك يا عبد الشافى , دة الدكتور مسارو ايموتو دة مشهور جدا يا عبد الشافى الرجل دة صور بلورات المياة بعد و قبل قرائة ايات قرأنية و لفظ الجلالة على المياة , و اكتشف ان المياة بعد القرائة بتكون بلورات غاية فى الاتساق والجمال و بالفعل صور البلورات دى و عمل كتاب كمان و نشر صور كتير للبلورات دى, و اثبت بشكل علمى ان هذة الكلمات لها تاثير مباشر على جزئات المياة .سبحان الله
لاء واللى اجمل من كدة ان فى دكتور اردنى على ما اتذكر , استوحى من مشروع ايموتو دة اختراع جديد و عمل جهاز يقراء القران الكريم على المياة , و استخدم المياة دى بعد القارئة فى علاج بعض الامراض النفسية و العضوية , و انا شوفت الجهاز بالفعل فى التلفزيون .
الفكرة ان العلم ملوش حدود و احنا علمنا محدود جدا , و كل يوم ربنا بيكشف لنا علوم جديدة و يفتح لنا افاق جديدة , لكن للاسف الانسان بيغتر بهذة العلوم و يفتكر انة هوة صاحب الفضل فى الوصول ليها , و لكل مجتهد نصيب اللى حيشتغل و يفكر و يجرب اكيد بعون الله حيوصل لنتيجة فى النهاية , و احنا هنا على الارض لعمارتها و لاكتشفها مع حفظ الفضل للخالق فى كل ما نصل الية من علوم .
يعنى لو من 100 سنة بس روحت لواحد و قولت لة ان بحتتة الحديدة دى "الموبيل" تقدر تكلم و تشفو اى حد انت عوزة فى العالم , تفتكر كان حيقول عليك اية وقتها .
بلاش من خمسة عشرة سنة بالضبط لم يكن هناك شىء اسمة انترنت متاح لاى حد, شوف انت بقى الانترنت دة تقدر ازى تعيش من غيرة النهاردا , و تخيل معاية كدة كمان كام سنة حنوصل لاية و حنستعمل اية و حنركب اية :)
بالظبط كدا يا استاذ wawoo هوا دا اللى حبيت اوضحة ان مفيش حاجة اسمها مستحيله وخصوصا بعد بدأ ظهور بدائل تعتبر فى مراحلها الاولية للطاقة البترولية من كهرباء لاستخراج غازات من الماء لها القدرة على تحريك محرك بس لسا اكيد عاوزة تطوير وتنقيح ومش هتظهر للنور فى يوم وليلة ولكن ممكن تلاقيها بعد 10 سنوات او 20 سنه مثلا. وان كل شئ له اكثر من طريق فلنا ان نتخيل لو لم يخترع الانسان المصباح الكهربائى وتطور هذه التقنية عبر مائة عام فقط لتصبح على مانراة الان
لكان (على سبيل التخيل والمثال) من الممكن اختراع مصباح يعمل بفوتونات مخزنة من الشمس على سبيل التخيل والمثال
كان من الممكن ان يخترع عالم ويقوم بوضع اساس علمى لتخزين طاقة الفوتونات من ضوء الشمس الساقط على الارض وياتر عالم اخر ليخترع طريقة ما يتم من خلالها نقل هذة الفتونات عبر الياف مثل الالياف الضوئية (تخيل) وياتى عالم ثالث ليخترع لنا جهاز مصباح يعمل بهذة الفوتونات بتقنية ما (على سبيل المثال والتخيل)
وهناك ابحاث سمعت عنها لتقنية جديدة وهى الاستفادة من الطاقة الحرارية المختزنة بالارض من الشمس
فمثلا هل تعلم ان المنشأت الخراسنية للمبانى والمساكن تختزن بداخلها حرارة الشمس نهارا وتقوم باخراجها ليلا بعد غروب الشمس ولذلك تلاحظ ان بعض حوائط الغرف المعرضة لسقوط الشمس الخارجى ليلا دافئة وتخرج منها حرارة ملحوظة............العلم ليس له حدود وليس له نقطة لنقف عندها ولا نكمل او حتى نتخيل ما قد يحدث مستقبلا
مشكور على الموضوع