السلام عليكم اشتريت عربيه بتوكيل مرور القوات المسلحة وصاحبها وقف امام شباك دفع المخالفات وقالي خلصت ودفعت الكلام ده في شهر 6 عام 2012 وجدد الرخصة باسمه ..... المهم في شهر مارس اللي فات بشوف المخالفات على النت لقيت مخالفة ب 300 جنيه تجاوز سرعه في الشرقية عرفت انها من المالك القديم وكانت بتاريخ مارس 2012 يعني قبل ما اشتري العربية ب ثلاث شهور استعوضت ربنا وقلت مش مشكلة حسبي الله ونعم الوكيل ولكن الكارثة النهاردة بشوف مخالفات واحد صاحبي الموقع مجمعش قالي جرب رخصتك وياريته ما قالي لقيت المخالفات بقت 1815
يا نهار ازاي
300 مخالفة قديمة بتاعة السرعة
1000 عكس سير بتاريخ 14 اكتوبر في مدينة نصر و500 جنيه مخالفة تعطيل مرور بنفس التاريخ والمكان ازاي يا جدعان لا حول ولا قوة إلا بالله اساسا 14 ده يوم احد مستحيل اكون روحت مدينة نصر انا لا ساكن هناك ولا شغال هناك ومش بروح مدينة نصر إلا كل شهرين ثلاثة لو هروح سيتي ستارز وده لازم يكون يوم خميس او جمعه في الاجازة انا هتجنن وواثق جدا اني ما روحتش هناك وكمان مخالفة تعمد سير عكس اتجاه مع مخالفة تعطيل المرور واحداث فوضى كل ده ومش هاخد بالي منها
مش عارف اعمل ايه وبيقولوا هذه المخالفات ما ينفعش فيها تظلم حد عنده سبيل للمشكلة
وحسبي الله ونعم الوكيل
المفضلات