مساعدة في شراء اي فون 4s CDMA

السلام عليكم
الصراحة انا داخل دماغي الاي فون قوي من فترة وعايز اجيب جهاز بس طبعا الجديد انا شايف انو غالي جدا فقلت اجيب واحد مستعمل ارخص.
المهم في واحد بيبيع جهاز اي فون 4s CDMA بيقول انو جايلو من امريكا وبيقلي ان الجهاز ممكن يركبلو جييل بريك او جيفي سيم حاجة زي كدا مش عارف اسمها بصراحة ويخلي الجهاز يشتغل عادي.
سئلت واحد صاحبي قالي لا النوع دا مينفعشي يشتغل في مصر ابدا ونصحني اكبر دماغي احسن وواحد تاني قالي لا ممكن تتحل الشفرة بتاعت الجهاز ويشتغل كويس وعادي من غير ميركبلو جييل بريك او جيفي سيم لانهم بيتقلو الجهاز وميخلوش الفرجن الجديد من السفت وير ينزل علية.
فياريت الي يعرف في الموضوع دا يقلي رئيو .
وشكرا ليكو مقدما

بص يا باشا , اولا خد منى الكلام اللى هقوله ومتسالش بعديا , لانى معايا واحد CDMA

اولا الايفون ال CDMA ده ايفون 4 مش 4s
لان من اول ال 4s و 5 كله بقى نوع واحد لان شريحة الداتا بيبقى فيها كل ترددات الشبكات

ثانيا , الايفون ده استحالة يشتغل ك تليفون , استحااالة , لا شفرة وجيفى ولا حاجة , الحاجة الوحيدة اللى ممكن تشغله عبارة عن جهاز كده قد تلات او اربع صوابع من ايديك بيتحط فيها شريحة وبيتوصل للافون عن طريق البلوتوث

وطبعا صينى وسعره غاالى ف حدود 750 وانت طالع ومشفتوش هنا ف مصر , وبعدين ده اصلا معمول للايبود تاتش

ثالثا بقى , نصيحتى بلاش تجيبه , لانك هتزهق منه , لانه عبارة عن ايبود تاتش وفيه كاميرا 5 ميجا بكسل بس
وكمان حجمه كبير ف الجيب يعنى مش هتمشى بيه وتمشى بموبايل كمان

صدقنى جيبلك موبايل اندرويد احسن من الكلام ده , جيبلك حاجة فيها كل حاجة


ده الخلاصة يا باشا

شكرا ليك يا محمود علي ردك عليا بالسرعة دي
التليفون 4s مش 4 لان من اول ال 4s بقي ينزل جهاز واحد بيشتغل علي كل الشبكات الي ملخبطني ان جي اس ام ارينا كاتبة في الريفيو مرة انو ينفع يشتغل عادي ومرة انو مينفعشي فدا الي ملخبطني

نصيحة مني اوعااااااااااا تجيبه ،،، لانك مش هتعرف تعمل update واحتمال كبير الشريحة متشتغلش حتى لو جيفي سيم ... نصيحة عشان متكرهش الايفون هات واحد مفتوح رسمي ويستحسن لو 5

الموبايل فى مصر تشغيله gsm
cdma نظام تشغيل الموبايل فى امريكا واليابان
فى مصر بيشغل التليفون الارضى الهوائى

نظام التشغيل اقصد بيه الترددات اللى الجهاز بيستقبلها

ازاى هتشغله هنا
اتصل بالشركة الاول اتاكد

شكرا ليكم جميعا علي النصيحة واكيد بعد كلامكم دا هطنش الجهاز دا خالص وخلينا في السالك احسن بدل مجيبو وااتعب نفسي علي الفاضي.

اقتباس:

---

المشاركة الأصلية كتبت بواسطة egytamer

شكرا ليك يا محمود علي ردك عليا بالسرعة دي
التليفون 4s مش 4 لان من اول ال 4s بقي ينزل جهاز واحد بيشتغل علي كل الشبكات الي ملخبطني ان جي اس ام ارينا كاتبة في الريفيو مرة انو ينفع يشتغل عادي ومرة انو مينفعشي فدا الي ملخبطني

---

بص يا باشا كده الكلام اختلف , انا كنت فاكرك بتتكلم عن النسخة 4 CDMA وده اللى انا رديت على اساسها

لو انت بتتكلم عن ال 4s فهو اصلا مش فارق غير ان هو معموله لوك , يعنى مينفعش يتقال عليه CDMA لانه فى الاساس CDMA GSM HSPDA كمان , يعنى تقريبا كل الترددات

كل الفكرة انك تعرف الايفون ده على شبكة ايه verizon ولا sprint ولا اى حاجة تانية

وبعدين تدخل على اى موقع تعرف لو انه Bad ESN يعنى الخط عليه فواتير او مسروق او متبلغ , ساعتها صعب جدا انك تفكه

ولو طلع clean ESN يعنى تمام

ده بيتفك بفلوس , والفلوس بتختلف على حسب الشبكة

بس اقولك حاجة , لو انت مش دايس فى الليلة ده , ابعد لان هيتعمل عليك احلى شغل

راي بلاش منه افضل

الصراحة سعرو كان عاجبني جدا 1400 جنية بس فعلا هوا عايز حد فاهم علشان ميتدبشي ويدفع الفرق في فك الشفرات ويبقي مكسبشي غير وجع القلب.
ابعد عن الشر احسن
وشكرا ليكو جميعا