هام الي عباقرة نايل موتورز ساعدوني .............

انا اول مرة اسال بجد عشان المنتدي جامد جدا وفية ناس كتير فاهمة فارجوكم حد يقولي علي حل للمشكلتين اللي عندي :
اولا : انا معايا 128 موديل 80 جابت لي الفكر الفتيس اول ما ادور العربية حلو وسط مش هنقول ناعم بس بعد مابمشي شوية والعربية تسخن الاقي الغيرات تقيلة جدا خصوصا الثالث والرابع كشفت علي الزيت والمعلقة والعصاية وكلة تمام والمارشيدير ثقيل كدة كدة

ثانيا :ازاي اعرف ان المساعدين الاماميين وحشين او عايزين يتغيروا لان انا تعبت من الموضوع ده العربية وانا ماشي بحس بكل طوبة وياسلام لو دخلت في شارع مكسر بحس ان العربية بترقص والاقي تخبيط تحت رجلية و روحت لمليون واحد بتاع عفشة واحد غيرلي الجلب للمقصات مع انها كانت سليمة وواحد غير جلب الميزان مع انها برد كانت سليمة دة غير علبة الدركسيون اللي اتلعب فيها مائة مرة وهي نفس المشكلة اخر حاجة واحد قالي المساعدين بجد انا تعبت
ساعدوني عشان انا جالي الخفيف لاما هبعها واخلص بس العربية اصيلة وحلوة وكانت زي الفل :sorry::sorry::bouncy::bouncy:

بص بالنسبة للفتيس مادام الزيت كويس يبقى غالبا العضة من الدبرياج, اكشف على سلك الدبرياج ممكن جدا يكون السلك مش مظبوط كويس فمبيفصلش الدبرياج للأخر, و حاول تعليه شوية و دى حاجة بسيطة.
المساعد الامامى ليه اختبار بسيط جدا,
اقف جنب العربية و دوس بقوة على العربية المفترض انو المساعد يرد بنعومة مرة واحدة.
لو المساعد رد أكثر من مرة يبقى خفيف و لازم يتغير,
لو المساعد منزلش بنعومة و رد بخشونة و سرعة يبقى المساعد قافش و برضو لازم يتغير,
مع ملاحظة انو مساعد ال128 بطبيعته يتميز بالخشونة.
لازم تغير المساعدين لو قافشين عشان الشاسيه ميفتحش منك, و انشاالله العربية تبقى كويسة, بصراحة العربية دى كانت معايا و هى عربية ممتعة جدا فى سواقتها و بسيطة و واسعة من جوه بالنسبة لحجمها و فيه متعة غريبة فى سواقتها.

شكوى حضرتك بالنسبة للمساعدين تدل على إنهم بايظين و عايزين يتغيروا

و على العموم اختبار المساعد بيكون عن طريق إنك تقف جنبه و تضغط ع العربية و تشوف هل هي محجرة و لا بترجع تاني بسلاسة

والله يا باشا موضوع الفتيش ده غريب شوية لانك بتقول خصوصا النقلات الاخيره :)
عموما يا ريت تراجع على التيش ويا حبذا لو غيرت الزيت بتاعه ...

وبالنسبة للمساعدين يا باشا حسب كلامك وكلام الناس الي كشفت عندهم غيرهم

عفشه عربيتك محتاجه انها تتراجع عند حد كويس
و بكلامك كده اكيد حتحتاج جوز مساعدين اماميين.
اما بالنسبه للفتيس غير الزيت الاول و شوف حيبقي عامل ازاي
واعتقد ان الزيت هو السبب بدرجه كبيره
لان ممكن يكوةن بقاله كتير و فقد خواصهه و لما حرارته بتعلي بيفقد القدره علي التزييت

يبدو أنك تتعامل مع صنايعية سيئين

اقتباس:

---

المشاركة الأصلية كتبت بواسطة moltoman

اولا : انا معايا 128 موديل 80 جابت لي الفكر الفتيس اول ما ادور العربية حلو وسط مش هنقول ناعم بس بعد مابمشي شوية والعربية تسخن الاقي الغيرات تقيلة جدا خصوصا الثالث والرابع كشفت علي الزيت والمعلقة والعصاية وكلة تمام والمارشيدير ثقيل كدة كدة

---

يعني بتعض وبتخربش قبل التعشيق مثلاً ؟؟؟
يحتمل تكون الإسطوانة وحشة وعايزة تتغير

اقتباس:

---

المشاركة الأصلية كتبت بواسطة moltoman

ثانيا :ازاي اعرف ان المساعدين الاماميين وحشين او عايزين يتغيروا لان انا تعبت من الموضوع ده العربية وانا ماشي بحس بكل طوبة وياسلام لو دخلت في شارع مكسر بحس ان العربية بترقص والاقي تخبيط تحت رجلية و روحت لمليون واحد بتاع عفشة واحد غيرلي الجلب للمقصات مع انها كانت سليمة وواحد غير جلب الميزان مع انها برد كانت سليمة دة غير علبة الدركسيون اللي اتلعب فيها مائة مرة وهي نفس المشكلة اخر حاجة واحد قالي المساعدين بجد انا تعبت
ساعدوني عشان انا جالي الخفيف لاما هبعها واخلص بس العربية اصيلة وحلوة وكانت زي الفل :sorry::sorry::bouncy::bouncy:

---

ستقوم بعمل إختبار معين وهو كالتالي:
- 1 - قم بهز السيارة من فوق المساعد الأمامي الأيمن بالعدد واحد إثنين ثلاثة أربعة مع كل عدد تضغط على المساعد للنهاية للأسفل ثم ترفع يدك
وبعد العدد أربعة أترك السيارة حرة وأنت في أسفل نقطة وصلت لها في الضغط
- 2 - في حالة أن السيارة ستصعد إلى أعلى ثم تنزل قليلاً ثم تصعد مرة أخرى وتقف فإن هذا المساعد جيد
- 3 - في حالة أن السيارة تأرجحت عدد مرات أكثر من الخطوة رقم 2 فإن هذا المساعد معطوب وخربان وبايظ
- 4 - هناك حالة خاصة وهي أن تجد المساعد يرفض النزول بسهولة عندما تضغط عليه وكأنه قافش وهنا يكون خربان أو بايظ أو معطوب أيضاً
- 5 - تابع الخطوات السابقة مع بقية المساعدين كل على حدة

الف شكر لكل من رد بس يجماعة انا مغير زيت الفتيس في شهر 5 اللي فات وبالنسبة للمساعدين مش ممكن يكون حاجة تانية غير المساعدين للعلم فقط