انا الحمد لله اشترىت ماروتى 2013 زىرو عمله الان 2500كم ..العربية ممكن تستحمل تروح شرم؟؟؟؟؟معايا راكب واحد وشنطتين سفر يعنى مفيش حمولة
عرض للطباعة
انا الحمد لله اشترىت ماروتى 2013 زىرو عمله الان 2500كم ..العربية ممكن تستحمل تروح شرم؟؟؟؟؟معايا راكب واحد وشنطتين سفر يعنى مفيش حمولة
ان شاء الله ممكن
الماروتى عربية ما شاء الله عفية وتسد وأداءها أقوى بكتير مما يوحى به شكلها الخارجى
توكل على الله بس راجع على ضغط الكاوتش والإستبن وخد معاك إزازة مياه مقطرة عشان لو حبيت تزود مياه للعربية فى الطريق وفول بنزينك وأقف مرة فى أى إستراحة على الطريق وتروح وتيجى بالسلامة بإذن الله
الماروتي من العربيات السهلة جدا و مش معقدة يعني الابلائين بتاعها عادي و ما فهاش الكتروني بس خد معاط طقم كهرباء ( ابلاتين و كوندنسر و بوجيهات) و خد سير احتياطي
ايه يا عام انت شارى فسبة!!؟ تسافر و تروح و تيجى عادى !! فى ايه بس الماروتى حلوة و اعتمادية و كمان زيرو!!
ياباشا عربيتك زيرو اتوكل على الله وربنا يقويك على الطريق ويكفيك شره وتروح وتيجي بالسلامه ان شاء الله
اكيد اي عربية تسافر لو حالتها كويسة
وعربيتك ماشاء الله زيرو ...... تروح وترجع بالسلامة ومتنساش
راجع على ضغط الاطارات
مستوي الزيت
مستوي المياة
الاستبن جاهز
العدة بتاعتك الكوريك ومفتاح العجل وشوية الحاجات المعتادة
مياة للشرب
ومتنساش دعار الركوب ودعاء السفر وتوصل بالسلامة
ياباشا تروح حتى حلايب وشلاتين بس بنزينك وكاوتشاتك ومايتك وتوصل بالسلامة ان شاء الله
الزيرو مش محتاجه ميه انا من ساعة ما جبتها من 2012 مزودهاش غير مرة واحدة
انت اهم حاجه تكون مرصص وظابط مقاسات الكاوتش لان الزيرو بتيجى كاوتشها مش مترصص
الف شكر على كل الردود