الموضوع: تجربتى مع تكييف سامسونج 3ح ماكس

المشاركة الأصلية كتبت بواسطة أحمد كمال

لو حضرتك خايف على حاجتك من الحسد مننا يبقى جاي تقول لنا عليها ليه؟


اسلوب مستفز للغاية بصراحة

الصراحة المشاركة دي كنت عاملها مع جروووب تاني وكلهم صحابى وواخد عليهم وواخدين علي فما بيزعلوش مني
ومحدش يزعل مني ياجماعة انا بهزر ولا حسد ولا حاجة

المشاركة الأصلية كتبت بواسطة abdulhafeez

في حاجات بتفرق كتير في تبريد التكييف اكتر من النوع
واهم حاجة الحمل الحراري على المكيف
يعني مكيف شغال في درجة حرارة 45 مش زي 40 مثلا ولا زي 35

ثانيا ودي مهمة برضو ... وهو وضع الغرفة يعني غرفة في الدور الأخير والسقف مش معزول ضد الحرارة وكمان الغرفة غربية يعني الشمس بتخبط فيها من الساعة 2 الظهر لحد المغرب دي برضو بتفرق كتير

ثالثا ودي برضو مهمة مكان الكباس الخارجي ... لو الكباس محطوط في الشمس اكيد هيتاثر ومش هيبرد كويس وهياخد وقت كتير علشان يدي تأثير ... مقارنة بكباس محطوط في الظل طول اليوم اللي في الظل هيكون تبريده احسن واسرع وكمان استهلاكه في الكهرباء هيكون اقل من التاني اللي في الشمس

وبرضو الكباس ما يتحطش في مكان مكتوم علشان حرارة الجهاز ماتردش عليه فتبريده يقل

في ناس بتحط الكباس فوق السطح ... دا بقى بيدبح المكيف بالشمس طول اليوم .....
طبعا في ناس هتقول ان الشمس مش هتفرق في قوة المكيف .. هرد عليهم رد بسيط اوي ....... هو الجو اصلا بيكون حر علشان الشمس هي اللي بتسخن الجو ... فاكيد لازم التكييف يتأثر ........

يعني لو درجة الحرارة 45 والكباس في الشمس دا معناه ان درجة حرارة الكباس حوالي 60 الى 65 .... ومعظم الكباسات بتفصل عند درجة حرارة 60 لحماية الجهاز من الضغط العالي ........ يعني مش هتستفيد بالتكييف لو الحر شديد قوي ........ المروحة اللي جوة الغرفة هتجيب هوا بس مش هيكون بارد

طيب احنا نعمل ايه بقى لما نركب الجهاز .........
1- اختيار جهاز مناسب لحجم الغرفة الحصان تقريبا يكافئ 10 متر مربع يعني 3 حصان يكفي لحد 30 متر مربع
2- لو الغرفة فيها حمل حراري عالي زي ما تم ذكره فوق يبقى تختار سعة حصانية اكبر يعني لو الغرفة 22 م تختار 3 حصان مش 2.25 حصان

3- وضع الكباس في الظل قدر المستطاع وان صعب الموضوع يبقى يتحط في الجهة الشرقية مش الغربية وما تحطش الجهاز فوق السطح (( احسن مكان انك تحطه في البلكونة ))

4- منع الشمس من الدخول للغرفة بوضع الستائر او تفييم زجاج الشبابيك

5- حاول ما تجبش 1.5 حصان لانه بيتعب بسرعة بعد فترة ولما الحر بيشد جامد مش بيبقى فعال قوي


وشكرا

مشاركتك قيمة ومفيدة
شكرا على ردك المفيد للجميع