نداء عاجل لكل أصحاب الكيا السيراتو الدخول فورا

**moumen_hs** · 13-06-2013 12:57 PM

السلم عليكم ورحمة الله
ياجماعة حصلت حاجة النهاردة مع عربيى زميلى فى الشغل معاة كيا سيراتوموديل 2010 راكن قدام الشغل لقنا السايس داخل علينا وبيقول يأستاذ الحق السايس زميلة فتح عربيتك بالخطاء ودورها ومشى يوديها لصاحبها صاحب العربية قلة دية مش عربيتى
المهم مفتاح العربية سيراتو 2011 بتاعة الراجل فتح على عربيت صاحبى ودورها خرجنا نشوف القصة بنفسينا وخدنا المفتاح من صاحب العربية المفتح طبعا الاصلى ودورنا بنفسنا العربية يعنى مفتاح عربية فتح على العربيتين -
نكلم التوكيل نحكى القصة البهوات يقولنا هاتو العربيتين وأحنا نشوف القصة الرجل طبعا قال ياجماعة أنا مش فاضى المفتاح بتعكم مش بيفتح عندى المشكلة عندكم- طبعا التوكيل ودن من طين نجبلهم الكود بتاع العربية التانية ورقم الشاسية بردوا مفيش فيدة شوية نصابين ولا ستين فى سبعين

ياريت الى عندة حل ياجماعة الموضوع خطير لكل واحد عندة العربيى الزفت دية

**inspiron** · 13-06-2013 01:13 PM

ده تهريج بكل المقاييس..المفروض واقفة جامدة مع المسئولين عن العربية دي..دي أسهل عربية تتسرق

**el diesel** · 13-06-2013 02:01 PM

تروح التوكيل و تعمل مصيبة هناك بس قبل ما تروح حضرتك تكلم صاحب العربية التانية وتصور العربية فيديو وهيا بتفتح من المفتاح التانى ويكون الفيديو واضح علشان مفيش حد يقدر يفتح بقه معاك هناك

**moumen_hs** · 13-06-2013 02:34 PM

بعد مفواضات مع مهندس تانى فى التوكيل وعمل شكوى فى البية الاولانى الى عايزنا نجيب العربيتين قال هو هيبعت حد من الصيانة يشوف الموضوع على الطبيعة - وبعدين اتصلوا وقالو نروح بالسيارة على التوكيل وأحنا -نشوف الحل وتم التوجة لتوكيل أبو رواش وهنشوف الى هيحصل أية وجارى المتابعة أن شاء الله لاحقا

**ahmedalaahosny** · 13-06-2013 02:51 PM

ايه ليه ياعم الحاج هى سيراتو ولا لادا 2107 !!!!
مع احترامى بس ده تهريج يعنى ايه مفتاحين يفتحوا ماشى انما يدوروا العربية !! من رايي تغير المفتاح عندهم بس مش عارف التكلفة على مين بس هتبقى مطمن وياسلام لو تركبلها ايموبلايزر اللى هو المفتاح المشفر يبقى عنب العنب

**moumen_hs** · 13-06-2013 03:29 PM

المشاركة الأصلية كتبت بواسطة moumen_hs

بعد مفواضات مع مهندس تانى فى التوكيل وعمل شكوى فى البية الاولانى الى عايزنا نجيب العربيتين قال هو هيبعت حد من الصيانة يشوف الموضوع على الطبيعة - وبعدين اتصلوا وقالو نروح بالسيارة على التوكيل وأحنا -نشوف الحل وتم التوجة لتوكيل أبو رواش وهنشوف الى هيحصل أية وجارى المتابعة أن شاء الله لاحقا

تم تغير جميع كوالين السيارة والكونتاك والشنطة فى التوكيل مع عدم دفع اى مصاريف
ولشرح الاسباب أن دة حاجة مش بتحصل الى كل خط أنتاج سنوى ممكن يكون فى عربية وحدة وسوف يتم مخاطبة كوريا بهذا الخطاء الغير وارد وأفتكاسات أية
المهم غيرنا الكاولين ونصح مهندس الصيانة بتركيب أنذار للعربية وتم الاتفاق على شراء أنذار spy 5000 وشكر فية لان الانذارات الموجودة عندهم غالية ومش قد كدة وهما يركبة مع دفع المصنعية أن شاء الله
ونرجوا من جميع الاخوة الحذر وتركيب أنذار عاجل وشكرا لمشاركة سيادتكم