عرض للطباعة
هي فكره مجنونة جت علي بالي كده فا قلت اسأل رجالة العصابة عن الموضوع ده
يا تري إيه امكانية تركيب فتيس ايزي ترونيك علي فيكترا بي ٢٠٠٠ سي سي ٩٧
الموضوع كله بدأ من شهر و أنا بدور علي أسترا h عشان والدتي و جربت عربيات كتير و الفتيس عجبني بس عملت بحث بسيط علي النت و غالبا محدش فكر في الموضوع قبل كده
كان الأستاذ طناني اتفرج علي فيكترا 95 وكان فيها فتيس ايزي ترونيك
أنا فعلا شوفت موضوع الاستاذ طناني بس لمل دورت لقيت في فتيس اسمه getrag نزل في فيكترا A كنسخه سبور محدودة بس منزلش في ال B بس ده تقريبا مش ايزي ترونيك اصلا
لو بتتكلم على نفس فتيس الاسترا اتش والفكترا سي بالكنترول بتاعه ... مستحيل
عشان الفكترا سي والاسترا اتش كلها شبكات نقل المعلومات المسماه بال CAN buss
و كمبيوتر فتيس الايزي ترونك شايف كل الداتا بتاعه العربيه زي
الrpm
الkm/h
بدال البنزين
سويتش الفرامل
و جميع الاشارات اللي ممكن يحتاجها عن طريق اتنين وير فقط عليهم كل المعلومات دي اللي هما ال high speed canbuss
الفكترا بي 97 مفيهاش canbuss كل المعلومات بتتنقل بالطريقه التقليديه و هي كل اشاره على وير لوحدها
على فكره الفكترا بي 1600 اوتو الايكوتك فيها canbus بين كمبيوتر الموتور و كمبيوتر الفتيس
الاسترا البرازيلي ال1600 اوتو نفس الموضوع
الكورسا سي ال1600 البرازيلي فيها canbuss رابط بين التابلوه والبودي كنترول موديول bcm
من اول 2007 وال canbuss بقى هو الطريقه الرئيسيه لنقل المعلومات و هو تلات انواع
low speed data
mid speed
high speed data
وخلي بالك من 2007 نزل ال CANDI الجهاز اللي بيركب بين ال tech2 وفيشه الاعطال والسبب ان الtech2 مبيفهمش canbuss فالcandi بيترجمله
لو تلاحظو الفكترا سي ولاسترا اتش لازم يركب الكاندي عالتيك تو عشان يقرا
هو أنا تقريبا مفهمتش حاجه غير انه مينفعش عندي
أنا فعلا كان قصدي علي فتيس الفيكترا سي والاسترا اتش
طيب بالنسبة للفتيس الستيبترونيك اللي طناني باشا شافو في الفيكترا ايه ده إيه قصته؟ وهل ينفع عندي وللا لأ؟
طيب بما ان المواتير الايكوتك فيها ال can buss ممكن اسقط ايكوتك ٢٠٠٠ سي سي بتاع البي ٢ علي الايزيترونك بتاع ال سي؟
ليه مفهمتنيش بس :(
طيب باختصار الايزيترومك ممكن يركب على مواتير ال Z
موتور الفكترابي ال2000 سي سي الاتنين كامه اللي بيقولو عليه ايكوتك اسمه C20sel ومفيهوش canbuss ولا ممكن يركب عليه ايزيترونك
موتور فكترا بي 1600 سي سي الاتنين كامه .. دا ايكوتك بحق و حقيقي واسمه Z16XE
الموتور ده نزل في فكترا سي و في ميريفا و نزل معاه ايزيترونك لكن كنترول الايزي ترونك برضو مختلف عن الفكترا سي الللي في مصر اللي موتورها Z16XEP , والاسترا اتش اللي مواتيرها Z16XEP,Z16xe1&Z16XER
لازم تسقط مكنه من دول معاها الايزي ترونك بتاعها
أنا كده فهمت
أنا كده فهمت كده يبقي في سؤالين
اولا هل موتور الفيكترا سي ينفع يتسقت عندي ولا هيعمل مشاكل
ثانيا أنا اصلا كنت عايز الفتيس ده علي الموتور ال ٢٠٠٠ سي سي بتاعي بس بما انه مش هينفع يبقي ينفع اسقط ٢٠٠٠ بتاع فيكترا سي بالفتيس بتاعه؟
معلش يا عاشور باشا أنا أسئلتي كتير و هتعبك معايا بس الايزيترونك ده عجبني اوي
و مشكور علي معلوماتك القيمة
نصيحه من اخوك بيع الفكترا وجيب استرا اتش او فكترا سي لو الفتيس عاجبك قوي كدا
عشان تسقط موتور فكترا سي بفتيسه عندك الفكترا سي كلها canbuss بخلاف الفكترا بي
الفكترا سي فيها CIM الفكترا بي مفيهاش .. فاكس خالص بصراحه
فاكس فاكس أنا اصلا كنت عايزه علي موتور ٢٠٠٠ مش ١٦٠٠
بس بالنسبة الفتيس الستيبترونيك اللي طناني باشا شافه في الفيكترا ٩٥ كان عامل عنه موضوع من فترة ده إيه نظامه؟
انا عمرى ما سقت ربيه ايزى ترونيك..
هو ايه ميزته لانى اسمع ان التعود عليه صعب وانه فى الاصل فيتيس مانيوال ولازم تشيل رجلك من على الدواسه عشان ينقل؟
ما كده العربيات الاوتوماتيك العاديه اريح منه
هو فعلا في الاصل فتيس منوال عادي جداً وده بيديك ميزه المنوال في السحب يعني مفيش إهدار للعزم زي التورك كونفرتر (الفتيس الاوتو العادي) بس هو كل عيبه بالنسبة للناس انك بتحس بالنقله زي المنوال لانه بيفك ترس معشق وبيعشق ترس تاني علي عكس الاوتو العادي نقلته مش محسوسة اوي الا لو انت مركز مع العربيه جامد
بس موضوع تشيل رجلك من علي البنزين عشان تنقل ده كلام فارغ
ونصيحه متسمعش رأي حد في الفتيس ده ميكنش ركب العربيه و ساقها عشان هتسمع احلي فتي :)
تحياتي