الانترا ٢٠١٣

**LanCeLoT** · 13-06-2013 08:57 PM

اخبارها ايه يا جماعه ؟؟
فيها مشاكل ؟؟؟
تستحمل سفر وشغل جامد ؟؟؟
عفشتها متعبه ولا مريحه ؟؟؟
عمليه ؟؟؟
اخبار اعادة البيع ايه ؟؟؟
ولا الواحد بالسعر ده يفكر في حاجه تانيه ؟؟؟

**toty_305** · 13-06-2013 09:43 PM

-أعتقد مش هتستحمل لأن الهيونداي و كيا عامه بيبوظ علب الدريكسيون بسهوله مفرطة صدقني و دي حاجه مقرفه جدا

**khaabas** · 13-06-2013 09:53 PM

بس اعتقد مسمعمتش عن مشاكل للاسكترا للالنترا

**mhkorayem** · 13-06-2013 09:56 PM

المشاركة الأصلية كتبت بواسطة toty_305

-أعتقد مش هتستحمل لأن الهيونداي و كيا عامه بيبوظ علب الدريكسيون بسهوله مفرطة صدقني و دي حاجه مقرفه جدا

علبه الدركسيون بتبوظ بسهوله مفرطه إزاي يعني؟؟؟

عموماً انا مش هتكلم غير عن تجربتي الشخصيه
هيونداي ماتريكس 2008 ماشيه لحد دلوقتي 165000 كم والحمد لله علبه الدركسيون كويسه وزي الفل مفيهاش مشاكل
وعلى فكره علبه الدركسيون للماتريكس الاصليه بره التوكيل عامله حوالي 2000 جنيه وممكن أقل كمان (ده في حاله لاقدر الله حصلها حاجه)

**toty_305** · 13-06-2013 10:06 PM

-والله علبه الدريكسيون ممكن تبوظ و حضرتك مش تحس بيها أصلا أنا في ال rb قطمه فقط مش علبه ديركسيون في الضمان سعره في التوكيل داخل ف 4000 جنيه ( مكنتش حاسس أن في أدنى مشكله العربيه عامله 10-11 ألف كيلو بس )

-الألنترا md فيها مشكله علبه الدريكسيون و م.سمير الشهاوي المنسق مغير علبه دريكسيون على 40.000 و هو في عربيه تدفع 150 ألف جنيه بتجيب علبه دريكسيون على 40 ألف

-أنا حبيت أنصح الراجل بدل ما يحصل معاه اللي حصل معاياه و لبست في عربيه بتمشي بالطبطبه جدا و بتجيب علب دريكسيون في الآخر

**khaabas** · 13-06-2013 10:11 PM

المشاركة الأصلية كتبت بواسطة toty_305

-والله علبه الدريكسيون ممكن تبوظ و حضرتك مش تحس بيها أصلا أنا في ال rb قطمه فقط مش علبه ديركسيون في الضمان سعره في التوكيل داخل ف 4000 جنيه ( مكنتش حاسس أن في أدنى مشكله العربيه عامله 10-11 ألف كيلو بس )

-الألنترا md فيها مشكله علبه الدريكسيون و م.سمير الشهاوي المنسق مغير علبه دريكسيون على 40.000 و هو في عربيه تدفع 150 ألف جنيه بتجيب علبه دريكسيون على 40 ألف :zb_sor1[1]:

-أنا حبيت أنصح الراجل بدل ما يحصل معاه اللي حصل معاياه و لبست في عربيه بتمشي بالطبطبه جدا و بتجيب علب دريكسيون في الآخر

هى المشكلة اللى كانت عندك كانت ايه وسببها ايه

**toty_305** · 13-06-2013 10:15 PM

-الصوت الشهير لما تيجي تلف الدركسيون يمين و شمال و أنت واقف بس حته صغيره يمين و حته شمال طقطقه خفيفه تك تك تك غيروا القطمه الصوت زاد

-هي تقريبا نفس علبه دركسيون ال Elantra HD و دي كانت مشهورا جدا بالقطمه و الباور اللي بيبوظ

**jojojojo** · 13-06-2013 10:28 PM

تويوتا كرولا افضل وبنفس رينج السعر

**toty_305** · 13-06-2013 10:31 PM

http://www.nilemotors.net/Nile/355968-a.html

-بص على الموضوع ده هتلاقي كمان ممكن تجيب معاك كوبلن عشان تبقى على نور و أنت بتشتري يا أستاذ

**amgomaa** · 13-06-2013 11:01 PM

انا كان معايا النترا 2012 العربيه ممتازه فى كل شئ ما عدا العفشه وانا بعت العربيه عامله 10000 كم بسبب ان كان ابتدى يظهر عندى صوت التكتكه اللى فى المطبات وعربيتى كانت خليجى ورقم اتنين العزل بتاع الارضيه وحش معرفش ده بسبب نوعية الكوتش ولا عزل الارضيه وده بيخليك تحس مثلا انك ماشى حافى واخيرا الخامات المستخدمه فى الابواب بتزيق بطريقه غريبه معرفش ده فى الابواب المطنه كمان ولا لا اما المميزات فكتير العربيه شكل اعتقد اجمد شكل الثبات ممتاز مع العلم انى عمرى ما بازود فى السرعه عن 150 تكييف رائع كماليات كتير وايام اما كانت معايا كانت بسعر معقول هاى لاين جنط وفتحه و abs 2 air bag immoblizer كانت ب 144 الف نكمل المميزات فتيس و موتور جامدين واعتقد بتوع شغل واستحمال واخيرا اعادة البيع كويسه بس معرفش اكيد لو اشتريت الهاى لاين ب 180 اكيد مش هتبقى كويسه اوى واتمنالك التوفيق