تغيير البطارية

**excel_team2000** · 13-06-2013 09:48 PM

كنت بفكر اغير بطارية السيراتو القديم 42امبير و اجيب بطارية 70امبير حد عمل الموضوع ده و فرق معاه ولالأ لأنى حاسس ان كشافات العربية نورها اصفر بهتان و كمان حاسس ان نور التابلوه ضعف على فكرة عربيتى 2010 و عاملة 75000كيلو و البطارية اللى فيها ماتغيرتش

**MohammedAladel** · 14-06-2013 12:16 AM

غيرها بنفس أمبير بطارية المصنع لا أكتر ولا أقل هو أنا معايا ميجان المفروض 72 أمبير ماشى ب 66 أمبير بس الأداء قل طبعا ال 72 أقوى

**exact** · 14-06-2013 12:38 AM

جيب أقصى امبير يسمح بيه المكان عندك بحيث انها ما تزنقش على حاجة او تلمس الكبوت... المهم في البطارية انك ما تجيبش فولت مختلف... ولا تقلل الامبير... تزوده هيبقى ميزة ليك لأن البطاريه حقيقة هيبقى عمرها اطول... عاملة كأنك ركبت تانك بنزين اكبر

**moha4tec** · 14-06-2013 12:58 AM

انا ركبت بوش 70 امبير .بتدى 60 امبير
ما شاء الله افضل طبعا بس اخدت مكان القاعده كلها
يعنى دى اكبر حاجه تركب اصلا فى المكان دا
مرتاح معاها و مفيش مشاكل الحمد لله

**mhopa2440** · 14-06-2013 06:59 PM

أمبير البطارية ما هو الا حجم سعة التخزين فقط لا غير

كل احمال الكهرباء ف العربية بتنتقل على الدينامو بعد التشغيل ومنها النور سواء كان اصفر ولا غيره مفيش نور عربية بيشتغل على البطارية لو العربية شغاله

سعة البطارية تعني عدد المرات اللي تسمح لك بتشغل العربية بصورة متتالية يعني تشغل وتوقف وتشغل وتوقف وهكذا من غير ما تدي فرصة للدينامو انه يعيد شحن البطارية

طبعا 70 امبير افضل عشان بتديك زيادة في عدد مرات التشغيل (تحسبا لأي ظروف) والميزة اكير ان فرق السعر مش كبير خالص

**MohammedAladel** · 14-06-2013 08:33 PM

تصدق ضحكتى ههههههههههههههههههههه

**mhopa2440** · 15-06-2013 11:32 AM

المشاركة الأصلية كتبت بواسطة MohammedAladel

تصدق ضحكتى ههههههههههههههههههههه

اكيد انا لو قلت معلومة غلط تصحح المعلومة عشان الكل يستفيد وانا منهم انما معرفش اقول ايه على أسلوبك دا؟؟؟؟؟؟؟؟!!!!!!!!!! بجد مش عارف ارد عليك أزاي لأننا ف منتدى محترم

عموما دي مواضيع ليها علاقة بالموضوع ومنها ممكن تتعلم ان كلامي صح 100%

http://www.nilemotors.net/Nile/250138-a.html

http://www.nilemotors.net/Nile/336490-a.html

http://www.nilemotors.net/Nile/353433-a.html

**MohammedAladel** · 15-06-2013 12:23 PM

أنا بس ضحكت على حتة علاقة الأمبير وعدد مرات التشغيل من غير دينامو !
أصل مين يعنى اللى هيفصل الدينامو ويجرب يشغل ويدور

الأمبير هو شدة التيار بالبلدى كدا كل ما يكون فيه أحمال زيادة انت بتعلى الأمبير

**mhopa2440** · 15-06-2013 01:30 PM

المشاركة الأصلية كتبت بواسطة mohammedaladel

أنا بس ضحكت على حتة علاقة الأمبير وعدد مرات التشغيل من غير دينامو !
أصل مين يعنى اللى هيفصل الدينامو ويجرب يشغل ويدور

الأمبير هو شدة التيار بالبلدى كدا كل ما يكون فيه أحمال زيادة انت بتعلى الأمبير

طبعا مفيش حد هيعمل الكلام دا بس ف حاجات بتحصل اكتر من كدا وهديك مثالين حصلوا معايا ومعاك ومع اي حد عنده عربية ف مصر
1- لو حصل وسير المجموعة وقع او اتقطع ايه اللي هيفصل (الدينامو) واي حاجة تانية مش مهم وقتها بقها هتمشي ازاي ..... على كهربة البطارية فقط لا غير .... مدة السير هتعتمد على قوة البطارية وكمية الطاقة المخزنة فيها.... ((شفت بقى ممكن تشغل العربية وتمشي بيها والديناموا مفصول ازاي))
2- لو جيت تشغل العربية مشتغلتش لسبب ما هتراجع الفيوزات وترجع تجرب وتراجع البوجيهات وتجرب وتراجع الكابلات وتجرب وتراجع الموبينة وتجرب وتراجع فيبرة الكونتاكت وتجرب وتراجع البنزين وتجرب و....... عدد مرات ان تجرب تشغيل العربية بيكون الحمل على البطارية وكل ما كانت البطارية اعلى ف الامبير كل ما اتاحت لك الفرصة ف عدد مرات محاولة التشغيل

اكيد لازم نتعلم ونعرف المعلومة مش نظري (زي نفصل الدينامو) لأ طبعا عشان نستغلها ونستفيد بيها ف التطبيق العملي اي كان نوعة او ظروفه.

-

الموضوع: تغيير البطارية

LinkBack

أدوات الموضوع

عرض