الموضوع: مساعده عاجلة فتيس الفليشيا اتكسر

ألف سلامة عليك وعلى العربية
الحمد لله على كدة، الموضوع ما بين لحام الفيتيس بعد فكه وتفريغه من الزيت وتنظيفه، وهتستغرب لو عرفت إنك ممكن تلحمه بسيلكون عظم أو سليكون حراري (غالبا أحمر أو برتقالي ومعروف عند محلات قطع الغيار) وده أحسن من اللحام لأنك لما تلحم الجزء المشروخ الفيتيس هيسخن جدا وباقي الجوان الداخلي بين الحلتين هيتحرق وهتلاقي التسريب من أماكن تانية. وبرضه اللحام الصلب مع الاستخدام والتشغيل والمطبات والحرارة ممكن يشقق (وحصلت قبل كده)
المهم نوع انبوبة السليكون يكون نمرة واحد (غالبا امريكاني) ومكتوب عليه تحمله لدرجات الحرارة العالية ولازم الزيت ينزل ونغسله من الخارج مرة واتنين ببنزين عشان ميكونش اي عازل في اللحام.
فكرة تانية وهي شراء فيتيس استيراد زي ما تفضل الأخوة ونصحوا، بس المهم متفكش الحلة أو تغيرها عشان مش هيرجع زي الأول، وخير إن شاء الله