أرجو المساعدة في كورولا 2008 mmt
السلام عليكم ورحمه الله وبركاته
اولا انا استفدت كتيرا جدا من المنتدي وعرفت حاجات كتير عن العربيات منه
ورايي انه افضل منتدي عربيات عربي
كنت اتمني من حضراتكم تساعدوني لإنني قليل الخبرة بالسيارات واول مرة هسوق
كنت بدور علي عربيه كورولا
فلقيت واحدة 2008 جنوب أفريقيا MMT 2 air bag
عامله 129 الف كيلو
ومغير لها فتيس قبل كده في التوكيل
جربت العربية فلقيت موضوع مشكلة MMT في تأخير النقلات في الاوتو ماتيك
فانا عايز رايكم في أكتر من حاجة :
1- موضوع MMT بالنسبة ليا ان اول مرة هسوق هيكون مشكلة ولا لأ وصيانة الفتيس الدورية موضوعها سهل ولا صعب ولو جبتها اشتغل احسن علي المانيوال ولا الأتوماتيك
2- سعر العربية 86 ألف فهل ده سعر كويس بالنسبة ان العربية فيها كذا حاجة :
أ- الزجاج الامامي مشروخ
ب- ممكن أحتاج أغير مكن للزجاج علشان بيعلق
ج- ظهر الكرسي بيعلق في حركته
د-العربية رشه جنب وكبتوب واخده خبطة في الرفرف الأمامي والخلفي
ذ-الشنطة الخبطة اللي فيها بسيطة في نص الباب فبتعصلج في الفتح والقفل
ر- العربية كانت مركونة فترة فممكن اغير الكاوتشات علشان شمس اسوان الجميلة
ز- العربيه مفيش اهتمام بيها فهتحتاج تنظيف كيماوي
3- لو جيت ابيها قدام هتكون متبعة في البيع ولا سهله وممكن اخسر في بيعها كام بعد 3 سنين
وياريت رايكم لو اخدها ولا لأ ولو اخدتها اشتريها علي كام أخرها
