للبيع : كراتين نسلة لاعلى سعر ( رجل يخزن مياه نسلة ههه) شوفوا الصور !

مسا الخير عليكم
انا عارف ان التجارة شطارة ... بس الموضوع هنا يختلف
صاحبنا من ساعت ما اتحرق مصنع مياة نسلة ... كل الناس باعت مخزونها الا هو قام شال كل الكراتين في المخزن ... ولمن شحت المية في السوق وبقت الناس تتنشق على قزازة مية تشربها قام الاخ مطلع الكراتين وعرضها لاعلى سعر وقام بعها الكرتونة ب ٤٥ جنية طبعاً ناس كتير هتقول وايه يعني عادي مفهاش حاجة. اه انا معاك عادي بس تقول ايه على السعر ده اذا قلتلك قبل ما يتحرق مصنع نسلة كان سعر الكرتونة ب ٢١.٥ جنية وكانت قبل كده ب ١٨ جنية كمان !!!

فتصور الراجل ده اول واحد في مصر عرض كراتين نسلة على ٤٥ جنية الكرتونة

https://fbcdn-sphotos-b-a.akamaihd.n...23743327_n.jpg

لاحظوا الراجل مخزن كمان كراتين مياة بركة هههههه

https://fbcdn-sphotos-a-a.akamaihd.n...36800795_n.jpg

https://fbcdn-sphotos-g-a.akamaihd.n...18085650_n.jpg

https://fbcdn-sphotos-h-a.akamaihd.n...03618582_n.jpg

ياترى هو مش احتكار سلعة الناس محتجاها حرام شرعاً
وهل هذا الاخ يسمى تاجر ولا اسمو ايه !

@@@@@
وتحياتي

هههههههههههههه حرام اكيد اي احتكار لاي سلعه حرام ما هو ممكن يبيع بنفس السعر القديم ويكسب بردو على اساس ان مفيش الا هو اللي بيبع

اولا مصنع نستله شغال بس مش بكامل طاقته
صانيا ده مش احتكار ﻷن فيه انواع مياه تانيه كتير قي السوق
ثالثا المياه الطبيعيه غليت لوحدها بس مش كده
رابعا الغلط على اللي وافق على السعر واشترى

واضح ان الراجل ده من بتوع الجمله في 6اكتوبر في السادس صح

وكمان الله أعلم مش ممكن تكون دي ميه مغشوشه أصلاً؟

كل كام يوم يمسكوا مصنع تحت بير السلم بيغش الميه ويملاها مية حنفيه ويعبيها في أزايز ماركات مشهوره

اقتباس:

---

المشاركة الأصلية كتبت بواسطة mohammadrashee

اولا مصنع نستله شغال بس مش بكامل طاقته
صانيا ده مش احتكار ﻷن فيه انواع مياه تانيه كتير قي السوق
ثالثا المياه الطبيعيه غليت لوحدها بس مش كده
رابعا الغلط على اللي وافق على السعر واشترى

---

معاك ... بس الناس مطره بالذات الي عندو فشل كلوي او معندهوش يشتري فلتر .... انا اتاخرت في الرد على فكرة علشان كنت بدور على الفيس في صورة كانت منشورة لواحد مصري زمااااااااااان علقوه وجلدوووه في وسط الناس وكل ده ليييه لانوا رفع سعر رغيف العيش ساعت الفيضان واستغل حاجة الناس .
المياه يا عزيزي ليها وضع خااااص ... بمعنى ان امرءة حبست قطة ولم تطعمها او تسقهاااااااااا .... ( فدخلت النار)
وان رجلاً رأى كلباً يأكل الثرى يعني التراب من شدة عطش الكلب. ... فسقاه سقى الكلب فدخل الجنة .
واذا كنا كمصرين هكذا نفعل ببعضنا في وقت الازمات بدلاً ان نتكاتف .... اذا كنا كمصرين كل منا يستغل حاجة الاخررر .... ويمتص. دم الاخر .... فلماذا نلوم على اثيوبيا اذا استغلت حاجتنا للمياه !!!
انها حقاً لمئساااااااة وشيء يحزن لمن واحد يخزن المياة في اهلك اللحظات. لحظات المياه شاحه من السوق والبلد علشان يبيعها بسعر عالي !

اقتباس:

---

المشاركة الأصلية كتبت بواسطة mohammadrashee

واضح ان الراجل ده من بتوع الجمله في 6اكتوبر في السادس صح

---

صح :)

اقتباس:

---

المشاركة الأصلية كتبت بواسطة marsguy

وكمان الله أعلم مش ممكن تكون دي ميه مغشوشه أصلاً؟

كل كام يوم يمسكوا مصنع تحت بير السلم بيغش الميه ويملاها مية حنفيه ويعبيها في أزايز ماركات مشهوره

---

هو المغشوش كتيرررر في السوق فعلاً و مزبوط
بس المية دي بالذات معتقدش لان هو كان محوشها ... وحتى طريقة التخزين خاطئة ... وتالت تربع الكراتين متبهدلة اخر بهدلة

[color="sienna"] عارفين يا اخواني سعر الكرتونة. الان من المصنع ب ٣٠ جنية
ولو هتشتري الكرتونة. هتشتريها ب ٣٣ جنية او ٣٢ جنية فقط

لكن ان توصل سعر كرتونة المياااة النسلة المخزنة يعني مياه راكدة تحت اشعت الشمس ل ٤٥ جنية ليه انشاء الله هيا كرتونة مياه زمزم هههههههه.

فاين وزارة التموين. من هذه السبهللة .... اين دور جمعية حماية المستهلك. !!!
ولا هما ملهومش فيه وكل واحد في السوق حر ... ده على مستوى سعر دقيقة المكالمة لشركات اجنبية تلاقي الشركة عاوزة ترخص المكالمة للشعب. يقوم جهاز حماية المستهلك ولا الاتصلات يقولوا لأ ممنووووع ترخص علشان متضربش السووق . ودي سعر دقيقة مكالمة ... فما بالكم بمياااه الشرب :) وتحياتي

[/color]

المفروض انه محدش يشترى منه
ولا احنا كده كل ماتغلى الحاجه نشتريها !!!

دي مياه معدنية يا جماعة
فيه ناس مش قادرة تدفع فاتورة كل 3 شهور بتاعت مياه الحنفية
نقول الحمد لله على النعمة اللي إحنا فيها

دى مش تجارة و لا شطارة. . . ده استغلال لازمة احتياج الناس لسلعة و اللى بيعمل كده و يتربح من احتياج الناس مؤكد ربنا هينتقم منه. . . و نتخيل كده واحد مريض بالكلى و مضطر يشترى بالسعر ده لما يرفع عينيه للسماء و يشتكى يبقى التاجر المستغل ده ممكن يحصله ايه عاجلا او اجلا ممن يمهل و لا يهمل. . .
يافطة التجارة شطارة دى ياما اتحط تحتها غش تجارى و خداع للزبون و بيع سلع معيبة و بلاوى ربنا ينتقم من كل اللى بيعملها. . . الراجل ده احسن حاجة محدش ييجى جنب كراتينه دى لحد ما يبقى مجبر يصرفها بسعرها العادى

انا بصراحه مش فاهم ......مع احترامى بس دى اولا مياة معدنيه يعنى اللى مش لاقى حيشرب مياة حنفيه ,وعلى فكرة انا بشرب مياة حنفيه عادى رغم انى عندى مقدره انى اشترى معدنى او فلتر, ثانيا دا مش احتكار لان فيه مليون نوع مياة معدنيه, بالاضافه ان المياة المعدنيه مش شحه فى السوق علشان الناس تضطر انها تشترى النوع دا بالذات من الراجل دا.
الناس اللى حتشترى من الراجل دا هما الناس اللى مبتشربش غير النوع دا ودى اسمها رافهيه يدفع 40 بقى يدفع 50 هو حر, لان المضطر حيشرب من ام 15 جنيه الكرتونه.
ولا اييييييييه؟؟

الازازه كده واقفه بكام

يا خوفى من حوار الميه دا :(

ايه ده كله هههههه !