شكر واجب للدكتور محمود بدر على مساعدته ليا في مشكلة حصلت معايا
بجد جزاه الله خيرا ،،،،،،،،،،،،،،، ربنا يكرمه و يبارك له في عربيته
شكر واجب للدكتور محمود بدر على مساعدته ليا في مشكلة حصلت معايا
بجد جزاه الله خيرا ،،،،،،،،،،،،،،، ربنا يكرمه و يبارك له في عربيته
محدش عرض مشاكل حصلت له في عربيته وحلولها يعني
ولا الموضوع اتقفل على كده
أنا معايا اسبيروا 96 و عداد السرعة السلك بتاعه مقطوع , ومتور المية بتاع المساحات مش شغال وعايز فوانيس قدام وإشارات وعوامة بنزين و عايز أعرف إيه أفضل متور اسقاطه ليها عشا المتور اللي فيه خفيف و الاسعار بتاعت الحاجات ديه, وشكرا ليكم انا كنت فاكر إن مفيش راكب العربية ديه غيري من كتر أما هي قليلة :)
كابل السرعة سعره حوالى 90- 100 جنيه الأصلى
موتور المساحات (الاستعمال) 25-30 جنيه و ممكن تجيب موتور اللادا شبهه تمام ب 20 جنيه جديد
عوامة البنزين مش عارف سعرها لكن متتعبش نفسك فيها لأن أى ميكانيكى أو كهربائى مش هيعرف يضبطها فممكن تعرف كمية البنزين من عداد الكيلو أفضل
فوانيس أمامى (صينى ) كريستال الواحد 150 -175 ولو لقيت حاجة استيراد نضيف هيبقى فى حدود نفس السعر و خللى بالك بتوع قطع الغيار بيبالغوا جدا فى أسعار الاسبيرو
و بالنسبة للموتور هتسقط الموتور بتاعها و موجود تمنه كامل بأدوات التغذية (دينامو- مارش -بوابة - كباس تكييف- اسبراتير- رشاشات .............) بدون فتيس 2200 - 2500
فوانيس الاشارات الكريستال الجديد الأصلى الواحد ب 90 جنيه
بالتوفيق واى استفسار تحت أمرك
دى تجربتى مع تسقيط الموتور
http://www.nilemotors.net/Nile/249311-a.html
و حضرتك من البروفايل إنك من اسكندرية
لو حضرتك حبيت تعمل الشغل ده هندلك على الناس اللى عندها قطع الغيار بإذن الله
مشكلة بسيطة فى الاسبيرو صوت ونة جامدة و مش عارف مصدرها
كانت عندى من فترة و العربيو وقفت فترة طويلة و بعد الاستعمال تانى مفيش ونة
بس بعد مشوار طويل و حمل تقيل ظهرت تانى
ركزت معاها لقيت البلى الخلفى
تم التغيير و الحمد لله الصوت راح تماما
تمن البلية الكورى و الاويل سيل بتاعها 55 جنيه
Kefo_Honda الدكتور محمود جابلك من الاخر وعلى فكره الدكتور محمود مرجع في العربية ده
الاسعار اللي الدكتور محمود قالك عليها متغيرتش كتير لكن بصفة عامة الاسعار اللي حتتقالك من البايعين لازم تفاصل فيها جامد لان البايعين بيبقى عنده تصور ان حاجة العربية ده مش موجوده غير عنده وبيغالي في سعرها
بالنسبة لكبل السرعة انا لسه مغيره من شهر ب 100 جنيه وعلى فكره هو نفسة بتاع الاوبل فكترا
الأسعار دى من فترة قريبة
الفتيس المانيوال بيعمل من 400 - 500 جنيه بكتيره
و الأوتو فى حدود 1000 جنيه
و مش عارف تمن التابلوه بصراحة
حضرتك لو بتروح بور سعيد هتلاقى حاجات العربية دى كلها
عند أشرف الشرقاوى فى الشون بنك الاسكان
و هتلاقيه أرخص سعر فى بور سعيد
و لو عايز رقم تليفونه أجيبه لحضرتك
استاذ مصطفى واستاذ محمود منورييييييييييييييييييييي ييييييييييييييييين بجد
بالنسبة لطلبات استاذ Kefo_Honda
زي ما قالك استاذ محمود انت تنزل بورسعيد وانا يا سيدى هكون فى استقبالك وهاجي معاك الشون فى بنك الاسكان بس اكتبلي بالظبط اللى انت عايزه وانا اتصل بالشيخ اللى بتعامل معاه اخليه يحضرلك اللى انت عايزه وهيظبطلك فى الاسعار مع احترامي لكلام الاستاذ محمود لان اشرف حاجته غاليه شويه عن باقى الناس .... وانا تحت امرك ومنورين كلكم
للرفع ....
أنا على فكرة من بورسعيد زي حضرتك بس حاليا عايش في القاهرة ومش بأنزل بورسعيد كتير, الحاجة بتاعت الاسبيرو قليلة قوي في القاهرة , أنا لسة راجع من الحرفين سألت على شوية حاجات اتعقدت مثلا عوامة البنزين ب 250 جنيه و سلك السرعة بـ 120 والعاكس اللي ورا بـ 200 وفنوسين ورا بـ 280 كل ده استيراد !!
ازيك يا دكتور محمود
يا رب تكون انت والاسره الكريمة بخير
بالنسبة للسفر الحمد الله سافر ت ورجعت وكل حاجة تمام التمام واكتشفت اكتشاف حلو قوي ان العربية ده في السفر احلى بكتييييييييييييييييير من المشي بيها جوه البلد والزحمة ثابته على الطريق حتى مع الحمولة محستش ان العربية تقيلة استهلاك للبنزين مع السفر احسن بكتير من جوه البلد 23 لتر لمسافة 285 كيلو وزيهم راجع
انا شاكر جدا ليك ولسؤالك
بتاريخ 30/9/2013
شراء دينامو استعمال بحالة جيده جدا ب 200 جنيه لأن اللي في العربية باظ ومش نافع يتصلح
معلومة دينامو الاسبيرو هو دينامو اللانوس هو دينامو النوبيرا الاختلاف في الطاره بتاعة الدينامو وبتتغير لكن نفس القواعد ونفس الفيش المختلف هو دينامو الليجانزا
بالتوفيق إن شاء الله
على فكرة أنا إشتريت جنبين كاملين أمامى
طنابير و تيل و جهاز ومساعد و سوستة و بطاحة (الجنب كامل) و كمان كان عليه حساسات abs
ب 200 جنيه و طلع فيهم مساعد ضعيف غيرته من نفس التاجر بواحد سليم
و لما إشتريت جبت الاجناب اللى فيها الجهاز الكبير بتاع زى الأوبل ( التيل بتاعه الاسبانى ب 150 جنيه)
و بالنسبة للكوبلن (الداخلى و الخارجى و الأكس ب 160 -180 جنيه)
الأسعار دى للإستعمال
شكرا ع التوضيح يا غالي
ربنا يباركلك فيها يا دكتور محمود
اعتقد كده ان الجنبين اللي انت اشتريتهم بتوع موديل 96 لأن اتيال ال 94 فعلا اصغر من 96 لأن اول ما اشتريت العربية وحبيت اغير اتيال البياع سألني 96 ولا 94 فلما سألته ايه الفرق طلع الاتنين وفي فرق واضح في الحجم ما بين الاتنين والتيل الكبير بتاع النوبيرا برده وعلى فكره انا شاري اخر طقم اتيال كوري كان ب 70 جنيه وزي الفل معايا
لو انا غلطان يا ريت تصحح لي المعلومة
السلام عليكم أ. مصطفى
هى الفرامل فى العربية الاسبيرو 3 أنواع
النوع اللى أنا جبته إسمه C-TypeTeves
هو هو بتاع الاوبل فيكترا
ودى صورهم من الكتالوج
http://www4.0zz0.com/2013/10/02/20/923904560.jpg
http://www4.0zz0.com/2013/10/02/20/631497829.jpg
http://www4.0zz0.com/2013/10/02/20/321163955.jpg
أنا جبت رقم واحد و التيل ب 150 جنيه
ممكن كل واحد يقولنا إيه أكتر زيت بيستخدمه في الإسبيرو و انطباعاته عنه ؟ والمسافة المقطوعة بالموتور
انا بحط شل احمر 3000 ومجربتش غيره لان المكنه عندي لانوس 1 كامه وبتريحني فى الشل
اول مره يحصلي حاجه زي كداامبارح كنت طالع من بورسعيد رايح شغلي على طريق بورسعيد اسماعيليه وكل يوم بطلع نفس الطريق ف اللى حصل وانا ماشى كان فى قضبان حديد صغيره ف طبعا انا باخدها على سرعه مش بهدي ولما جيت على سرعة 140 سمعت صوت تكه كأن صامولة طارت وفجأأأأأأأأأأأأأأأأأأأأأأ أأأأأأأأأأأأأأأة
الحمد لله طلعت منها سليم
صوت كأن انفجار فى الكاوتش القدام يمين وكأني ماشى على جنط وقامت العربيه مفرمله فجأة ولفت بيا مرتين ودخلت فى كوم رمل كان على يميني .. طبعا مكنتش رابط الحزام ف مش شدة الفرمله دماغي خبطت فى التابلوه .. نزلت اشوف ايه اللى حصل دا وانا متوقع انى مش هلاقي كاوتش ف نزلت بصيت لقيت خزنة الفرامل فى الجه اليمني لقيتها ع الارض ومتغدغة والتيل واحد منها طاير ... مع العلم العربيه كانت زي الفل ومش مزعلاني ف حاجه بس انا عايز تفسير بجد للى حصل لان لما وديتها للعفشجي مش لاقي تفسير مظبوط ومقنع
بس الحمد لله ع كل شىء
رحت انهرده عملت العربية جبت ركبتين قدام كاملين استيراد ب 450 وجوز كبالن الواحد ب 100 وجوز جلب مقصات الصغيرين الواحدة ب 20 واتنين كبار الواحده ب 25 و 8 مسامير للجنط للركبتين الواحد ب 4 جنيه .. و 10 جنيه خراطة وعلبتين باكم كبار ب 12 جنيه الواحده والمصنعيه 100 جنيه عفشجي اسطي على حق وعندو ضمير يعني تكلفة اجمالي حوالي 950 جنيه ..
حمدا لله على سلامتك ا/ عمرو
و فعلا زى ما قال ا مصطفى خللى ودنك مع كل صوت فى العربية
و بمناسبة الاصوات الأيام اللى فاتت العربية عندى كان فيها أصوات
طقطقة كل ما أكسر يمين أو شمال و أحيانا فى الطوالى و خصوصا بعد المطبات
كلمت الميكانيكى قال لى كبالن قلت له لأ قال لى هى سيبته و مشيت
رحت لواحد عفشجى قال لى كبالن قلت له مش كبالن و أصريت
ركب معى العربية و جربها و قال كبالن قلت له لأ قعد يجرب تانى و تالت
و بعدين نزل مسك العجلة الشمال الامامية و هزها جامد لقينا الركبة الشمال
بتتهز و نزل تحت العربية لقى برشام الركبة الشمال سايب و الركبة شبه سايبة
رحنا لواحد بتاع شاسيهات و لحمها فى جسم العربية لحام كهرباء
و ركبنا العربية و جربنا تمام تمام و إختفت الاصوات
علشان كدة المفروض الواحد يركز مع الاصوات فى العربية و يحاول يفرقها
لأن الميكانيكى مش هيعرف عربيتك أكتر منك
( يعنى كانوا ممكن يكلفونى تغيير كل الكبالن و مش هى السبب)