الموضوع: كل ما يتعلق بالدايو الاسبيرو " مشاكل - قطع غيار "

المشاركة الأصلية كتبت بواسطة amr elshamy

دلوقتي أجدعان انا قولت انزل اجرب العربيه وانا عارف ان الموبينة بايظة ... قولت ادور انا وحظى ولما جيت ادور لقيت المارش بيكح كأن البطارية ضعيفة ... بس البطارية كويسه شغلت الكاسيت وشغلت كل انوار العربيه مع الكلاكس وكله تمام بس مش عارف ايه حكايه المارش اللى طلعتلي فى البخت دي .. انا شاكك ان ممكن يكون المشط هو اللى عامل كده ...

المشكلة ده اعتقد كده مشط الاسبراتير لأني مرة عربيتي عملت نفس الحركة واشتريت موبينة جديده على نها موبينة بايظة وفي الاخر طلع المشط ولما غيرته العربية دارت من اول تكة وانصحك بمشط استعمال لأن الجديد كلة مضروب وغير معاه وش اسبراتير واسلاك بوجيهات وان شاء الله تبقى زي الفل

المشاركة الأصلية كتبت بواسطة mostafa . Ahmed

عيب عليك والله

حبيبي يا درش تسلملي يا ريس على ذوقك .. ابقي ابعتلي رقمك ع الخاص

المشاركة الأصلية كتبت بواسطة mostafa . Ahmed

المشكلة ده اعتقد كده مشط الاسبراتير لأني مرة عربيتي عملت نفس الحركة واشتريت موبينة جديده على نها موبينة بايظة وفي الاخر طلع المشط ولما غيرته العربية دارت من اول تكة وانصحك بمشط استعمال لأن الجديد كلة مضروب وغير معاه وش اسبراتير واسلاك بوجيهات وان شاء الله تبقى زي الفل

بس انا حاسس ان المارش اللى مش موصل يا درش .. ع العموم هشوف كدا وربك يسهلها من عده . مزاجي وحش والله العربيه بقالها اسبوع سايبها واقفة وظروف شغلي مش مخليانى عارف افضى علشان اصلحها

كدة غالبا مشكلة بطارية

مش معنى إنها بتشغل الكاسيت ممكن تدور العربية

ممكن تدورها زق أو تدور العربية ببطارية تانية

أو وصلة من حد

و إن شاء الله تدور و إبقى إكشف على خرج الدينامو

المشاركة الأصلية كتبت بواسطة mahmoudbadr

كدة غالبا مشكلة بطارية

مش معنى إنها بتشغل الكاسيت ممكن تدور العربية

ممكن تدورها زق أو تدور العربية ببطارية تانية

أو وصلة من حد

و إن شاء الله تدور و إبقى إكشف على خرج الدينامو

والله يا دكتور محمود انا بقى اللي حصلت معايا حاجة غربية بمناسبة موضوع الدينامو
فاكر حضرتك لما كنت بشتكي ان العربية عندي ساعات تبطل لما اجي ادوس فرامل العيب ده اختفى لما ركبت الدينامو الجديد بنسبة كبيره فهل الدينامو ليه علاقة بعيب زي ده ؟؟؟؟؟؟؟؟

المشاركة الأصلية كتبت بواسطة mostafa . Ahmed

والله يا دكتور محمود انا بقى اللي حصلت معايا حاجة غربية بمناسبة موضوع الدينامو
فاكر حضرتك لما كنت بشتكي ان العربية عندي ساعات تبطل لما اجي ادوس فرامل العيب ده اختفى لما ركبت الدينامو الجديد بنسبة كبيره فهل الدينامو ليه علاقة بعيب زي ده ؟؟؟؟؟؟؟؟

خللى بالك يا أستاذ مصطفى حاجات كتير ممكن تحصل و تتصلح بالصدفة

بس الصنايعيى بيستسهل و يخليك تغير حاجات بتكون سليمة

(مرة العربية كان فيه قافلة فى التابلوه لفيت بالعربية لما دخت شهر كامل

و كل واحد يقول لى العيب كذا غير و هات جديد و فى الآخر اكتشفنا العيب

بالصدفة برده)

يعنى مثلا تدوس فرامل فالعربية تبطل معناها

إن فيه سلك مكشوف بيلمس أرضى فالعربية تبطل

ودى عن تجربة كل ما اقف على مطب أو غيره العربية تبطل

و لاحظت بالليل الاقى نور العربية يخفت جدا و تيجى مبطلة

قعدت أدور لغاية ما لقيت سلك مكشوف بيلامس جسم العربية

فممكن يكون حصل كدة عندك ولما الصنايعى إشتغل غطى ألأاسلاك

إنما لو الدينامو مش حلو مش هيشحن البطارية فبالتالى الأولى إن العربية

مش هتدور

المشكلة يا دكتور ان مفيش صنايعي بيفهم ومحل ثقة وعنده طول بال على الشغل كله حافظ مش فاهم
واول ما تقوله ده فلان عمل كذا في عربيته او انا قريت معلومة على النت بتقول كذا يبصلك من فوق لتحت وميعجبوش الكلام كان اللي واقف يكلمه ده فني خراطة مع احترامي لفني الخراطة

بصيت على زيت الفتيس يا درش ولا لأ وهل الفتيس عندك بينتش

زيت الفتيس مضبوط والفتيس شغال كويس لا بينتش ولا حاجة