السلام عليكم
بداية الكلام انا عملت الموضوع دا علشان مش بشوف اي حاجه خاصه بالاسبيرو مع ان المنتدى دا من اكبر المنتديات الخاصة بالسيارات فى مصر وعمتا انا معايا اسبيرو والعيله كلها تقريبا اسبيرو ف لو حد عندو مشاكل فى العربية يقولي وانا هرد عليه او اي حد عايز يسال على اي قطع غيار برضو يبعتلي وانا مش هبخل بالرد عليه
انا عمرو من بورسعيد
ربنا يبارك لك ويجعل مشاركتك فى ميزان حسناتك .
متابع لانها كانت مع الحاج موديل 96 اوتوماتيك والصراحة كانت جميلة جدا بس يعيبها غباء الصنيعية ف المنصورة كانوا بيركبولها طرمبة بنزين نوبيرا بروح واحده فكانت دايما طرمبة البنزين بتلسع من الكهربا
هيا فعلا عربيه محترمه ومش كتير اللى بيفهومها وبيحبوها واذا كان على الصنايعيه الحمير دول مفيش اكتر منهم ..
اخيرا حيبقى في موضوع عن الاسبيرو
شكرا يا أ / عمرو انا معاك في الموضوع ده
انا معايا اسبيرو 96 اتوماتيك
نورتنى يا أ/ مصطفى وربنا يباركلك فى الاسبيرو
اظن يا أ / عمرو ان قطع غيار العربية ده في بور سعيد زي عندنا في اسكندرية موجوده ومفيهاش مشكلة
تمام موجودة يا باشا بس جشع التجار ابتدو بعلو حاجه بسيطة فى السعر بس هيا موجودة ولو احتاجت حاجه عرفنى
لأ انا عندي في اسكندرية كل حاجة موجوده والحمد لله جديد واستعمال بأستثناء بعض الحاجات في الاستعمال بتبقى نادرة شوية
امثلة لبعض الحاجات اللي اشترتها واسعارها
1- مشط اسبراتير جديد ب 200 جنيه وباظ بعديها بشهرين واشتريته استعمال ب 200 برده وهو ده اللي عاش معايا
2- وش اسبراتير جديد ب 75 جنيه
3 - طقم تيل امامي وده زي بتاع النوبيرا بالضبط ب 70 كوري
4- سير تقسيمة كونتيننتال ب 70 جنيه وبرده زي بتاع النوبيرا
5- طقم سير دينامو + تكييف 65 جنيه ودول زي بتوع اللانوس على فكرة
6- حساس جكمان جديد ب 550 جنيه وده كان غالي قوي اصريت انه يبقى جديد علشان مبحبش وجع الدماغ مع ان الاستعمال كان ب 100 جنيه
في موضوع سايق ليا نزلت من البيت لقيت العربية مخبوطة http://www.nilemotors.net/Nile/299652-a.html اشتريت لها صاج من عند بتوع الاستعمال كالتالي:
1- نصف خلفى كامل بفوانيسه والعاكس بالاريال + اكصدام خلفي + اكصدام امامي + رفرف امامي يمين + الشنب الامامي ( 4200 جنيه ) السعر ده بعد فصال انا واحد صحبي مع الراجل وكنا تاني يوم رمضان فالراجل اخر ما زهق وافق عليه
2- طقم فوانيس امامي كامل كريستال كان الراجل عايز 750 جنيه اخدتهم ب 550
3- مرايتين جانب كهربا بيتقفلوا مش ثابتيين ب 500 جنيه
اسعار الصاج ده من سنه يمكن وزياده معرفش دلوقت ايه الوضع
ده بعض الصور للعربية ( ابقة قول ماشاء الله في سرك هههههههههههه )
[IMG]http://i1166.photobucket.com/albums/...ps63c5c16d.jpg[/IMG]
[IMG]http://i1166.photobucket.com/albums/...ps97f4cf9f.jpg[/IMG]
[IMG]http://i1166.photobucket.com/albums/...ps19b603d9.jpg[/IMG]