السلام عليكم ورجمه الله
هل هناك تطبيق اندرويد لمعرفه التكدسات فى شوارع الفاهره وشكرا
عرض للطباعة
السلام عليكم ورجمه الله
هل هناك تطبيق اندرويد لمعرفه التكدسات فى شوارع الفاهره وشكرا
أكيييد
في اتنين بفضل مشغلهم طول طريقي ذهابا وعودة من العمل
Wasalny - وده بيجيبلك خريطة القاهرة وعليها رسم للطرق تبعا لحالة المرور وسرعات العربيات عليها - بيستخدم GPS بتاعك في تحديد مكانك وسرعتك - علشان يحدث بياناته - وانت باستعراض الخريطة تقدر تحدد مثلا تاخد كوبري اكتوبر ولا نفق الازهر ولا الدائري - بيقسمهم 3 الوان احمر واصفر واخضر
والبرنامج التاني - Zello - عليها قناة اسمها "مرور القاهرة الكبرى" - دي قناة بالصوت - كل الي عليها بينقلوا اخبار المرور - حادثة هنا - زحمة هناك - وتقدر تسأل انت جاي من نقطة كذا رايح مكان كذا انهي احسن طريق دلوقتي - ظريف برضه
شكرا بجد
بيقولك
"بيقولك: كان بداية البرامج دي وله فضل السبق فيها - لكن لم يتابع بتحديث نفسه - واحتفظ بعيب قاتل - وهو انك لازم تركز وتقرأ الكلام الي مكتوب كله عن طريق معين علشان تفهم الحالة المرورية للطريق ده - وده وقت وتركيز مش سهل توفيرهم اثناء القيادة
عكس Wasalny - بنظرة "خاطفة" :D - بتفهم الطريق واقف لحد منطقة كذا وبعدين بيمشي وفيه طريق تاني موازي ليه كله ماشي مثلا وخلاص - تبدا تتصرف بناء على كده
والعيب التاني ان الوصف بيبقى بناء على وجهة نظر الي بيكتب - ده شايف الطريق واقف تماما - والتاني شايف انه ماشي كويس علشان كل يوم بيبقى كده - عكس Wasalny بياخد سرعتك وسرعةغيرك GPS وخلاص - مافيش وجهات نظر
أنا بستخدم بيقولك من زمان .. و كنت قبله بستخدم وصلني .. بس معرفش ان وصلني اتطور كده.
أنا شايف أنه zello افضلهم
لانك مش محتاج تركز على الموبايل
الموضوع كله بالصوت و كمان ممكن تتفاعل و تسأل على الطريق الي انت عايزه و بيبقى أدق و اسرع في تحديث حالة الطرق
أنا بستعمله
الصراحة اسوا حاجة في بنرامج بيقولك اللغة العجيبة اللي بيكتبوا بها لا محصل عربي ولا انجلزي
الحقيقه ان zello مع الأسف معتمد علي ا لابدات بتاع اللي موجودين علي المحطه المخصصه للمرور و ده بيبقي في نسبه اجتهاديه بس بيمشي حاله و لكن لو مظبطش معاك متضايقش
بسم الله الرحمن الرحيم
و الله فيه كمان برنامج اسمه Matabat ، بجد مفيد أوى