من خلال تعاملي مع اكتر من توكيل ومن خلال حكايات كتيرة سمعتها وقريتها من ناس عانت مع التوكيلات المختلفة بقى بجد نفسي اشوف حد في مصر بيشكر في توكيل العربية بتاعته
ومن اكتر المشاكل المكررة مع ناس كتير :
- قلة الذوق في مواقف كتير
– عدم احترام المواعيد
– عدم توافر قطع الغيار مقارنة بأي محل صغير
– صنايعية معظمهم حافظين مش فاهمين
– المبالغة في تقدير المصنعيات لدرجة تصل للسرقة والنصب بعض الاحيان
– تحكمات زي حتمية استخدام نوع زيت معين وده مش لازم يبقى الانسب للعربية بس بيكون طبقا لشركة الزيوت المتعاقد التوكيل معها
– الضغط بورقة الخروج من الضمان طول الوقت
– اختلاف جذري في كل شىء بين فرع وفرع مع ان فروع التوكيل المفروض تبقى زي بعض بالظبط
– خلال فترة الضمان محاولة انكار شكاوي العملاء والتأكيد على عدم صحتها دايما أو التقليل من اهميتها
– الاستهتار في سواقة ونقل العربيات للورشة لدرجة اني اعرف كذا واحد عربيته اتخبطت جوه التوكيل... الخ
طبعا كل اللي فات ده الا من رحم ربي يعني اكيد في الكويس برضه بس ياريت ندل بعض
عليه وكل واحد يكتب خبرته مع التوكيلات اللي اتعامل معاها مع نبذة عن المواقف الايجابية
والسلبية اللي صادفته.
[marq="2;right;3;scroll"]وكما قال رسول الله ص (الدال على الخير كفاعله) [/marq]