عرض للطباعة
انا فى خانه اليك محتار بين البيجو 206 سيدان 1400 (75حصان)وبين البروتون جين 2 1600 (110حصان)
بأستثناء البنزين وعلامه البيجو ذو التاريخ العريق ايهما افضل فى الامكانيات والتقفيل و الامان والقوه والثبات والاتزان والشكل والمضمون بدون تحيز لاى ماركه 90000 الف تشترى 206 سيدان مانيوال او جين2 سبورت مانيوال وقطع الغيار وسعر اعاده البيع وياريت لو حد يعرف اى توكيل افضل
بص البيجو طبعا ماركة عريقة و اعتمادية عالية جدا و مميزة في الشارع كمان عن اي عربية تانية بس البيجو قطع غياره ناااااااااااااااااااااااا ااااااااااااااااااااااااا اااار و معقد و مش اي حد بيعرف يعمله صيانة و يشتغل فيه
الجين 2 عربية شكلها لذيذ امكانياتها اعلي كموتور يعني 1600 110 حصان و هكذا الاداء هيبقي اعلي طبعا عفشة الجين2 علي ما اسمع ناشفة شوية بس بتدي ثبات عالي انما العفشة مش مرنة في المناطق المكسرة و كده
اعادة البيع في صالح الجين2
التقفيل ال206 احسن لان حتي الان الجين 2 فيها اخطاء تقفيل في موديل 2008 و شفت ده بنفسي في المصرية
باختصار انا رأيي لو عايز اداء اعلي و اعادة بيع احسن و صيانة اسهل و اسعار قطع اقل يبقي جين 2
لو عايز تميز و اعتمادية اعلي بس قطع غالية و لازم هتبقي في التوكيل يبقي ال206 و جريها و ادائها هيبقوا حلوين و هتوفر عليك في الضريبة بتاعت الترخيص و البنزين كمان
انا مش حقدر ادي رأي مش متحيز لآني متحيزة لبيجو حتى النخاع
انا معاكى يا ssafwat ان بيجو تكسب بس اهم من دا كلة هو يكون مقتنع وغير كدا يشوف قطع الغيار والخدمات ما بعد البيع مع العلم ان 206 سيدان ايرانى وليست فرنساوى