معلش سؤال أخير . مش ححتاج أدخل كود للكاسيت ؟ و المحطات اللى متخزنة على الراديو كلها حتطير ؟
عرض للطباعة
lمش هتحتاج كود كاسيت
موضوع التأثير عالRPM على فكره ملحوظ في الاسترا لكن في الفكترا مش ملحوظ خالص
الرعشه في بدال البنزين دي مش مشتحيل !!! البدال اصلا سينسور ازاي يترعش !!! انت تقصد الموتور بالفتيس بيترعشوا ماشي
دي ممكن حاجتين
المكتةر بيتلت على خفيف ... شوف بوجيهاتك
طقم دبرياج ... و مفروض الرعشه تزيد مع سخونه طقم يعني في الزحمه بقى امشي اقف امشي اقف
وبعدين طقم الدبرياج ب 2000 جنيه مش حوار
ملحوظه اخيره مش عارف هتتفقو معايا ولا لأ لكن انا بعمل كدا
فتيس الايزي ترونك ميتدسلوش بنزين في الزحمه الخانقه دي .. يمشي معاك زي الحلاوه
اولاً أنا من زمان نفسى أسمع منك نصيحة فى أى مشكلة علشان كلامك دايماً فى الجون :)
نيجى بقى لمشكلتى .. أنا مغير البوجيهات من أقل من 3000 كم (بوجيهات gm) فأعتقد إن الموضوع مش بوجيهات :((( و شكله طقم دبرياج ! بس هو فعلا بـ 2000 جنيه ؟ انا سمعت 4000 من واحد صاحبى معاه أسترا 2007 ..
حضرتك تقصد إيه بانى مادوسش بنزين فى الزحمة ؟ أمال العربية حتمشى إزاى ؟
متشكر لإهتمامك و أرجو إن سؤالى ميكونش إتسأل قبل كده علشان متزعلش من التكرار :)
العفو يا باشا ..
العربيه سحبها حلو ؟ بتدور على طول ؟ مبتحسش بتنتيشه ولو خفيفه جدا وانت ماشي و مشعر بنزين ؟
عايزين نتأكد ان العشه مش من الموتور انه متلت بس !
و رعشه الدبرياج معروفه قوي على فكره !! و دي اكتر حاجه بكرها في المنيوال و قبل كدا عمري ماغير طقم دبرياج الا عشان الرعشه دي مش عشان الاسطوانه خلصت
ال 4000 دي لو من التوكيل لكن من برا التوكيل الطقم اللوك ب 2000 جنيه
م انت لو مدي a1 او m1 وسبت فرامل العربيه هتسيب دبرياج براحه و تتحرك لوحدها بدون بنزين و تفضل تشعرلها فرامل فقط و تتحكم بالفرامل فقط ... جرب الموضوع دا لو مجربتوش قبل كدا
العربية سحبها حلو (بيقل حاجة بسيطة مع التكييف) - بتدور بسرعة
موضوع النتشة ده قليل قوى بحس أن العربية نطت منى فى بداية المشوار يعنى على السلانسيه و أعتقد ان ده عيب منى أنا (يمكن هى دى النتشة اللى قصدك عليها)
حلو قوى موضوع الـ a1 و m1 حأجربه أكيد
المهم أنت تنصحنى أعمل ايه دلوقتى ؟ أطلع على صابر و أكشف و أغير طقم الدبرياج و لا أمسح الميمورى بتاعة الفتيس بفصل كابل البطارية ؟
معلش لو بتقل عليك :)
يا باشا عيب عليك
والله انا اظن فك البطاريه مش هيحل مشكلتك
و صابر انا معرفش شغله ازاي ! لكن احمد فهمي بيشكر فيه جدا
انت ممكن تجرب حاجتين
1- تحط قالب طوب قدام العجله من قدام و تتدور و تنزل فرامل اليد و تجيب A1 و تسيب فرامل الرجل وتسيب العربيه دقيقه بالظبط
العربيه هتسيب دبرياج وهتحس بال RPM بيقل والموتور بيضعف شويه كدا الكنترول بيعيد اكتشاف ال touch point والعربيه مش هتمشي عشان قالب الطوب اللي قدام العجله بعد كدا جرب العربيه بقى
لو مفيش فايده هتحتاج تعمل touch point بالtech2
لو مفيش فايده بعد التأكد من ان الموتور مش متلت .. طقم دبرياج
وموضوع النتشه مقصدش بيه الطلعه لا والربيه ماشيه على غيار محدد الرابع كثلا مش وهي بتنقل
بكره حأجرب الموضوع بتاع قالب الطوب و لو لا قدر الله منفعش يبقى حضرتك حتقولى أعمل موضوع الـ touch point فين ؟ أنا أتعملت مع صابر و عرفته من أحمد فهمى و النتيجة كانت مرضية .. لو تحب ترشح لى حد تانى ؟
أنا متشكر جداً لمساعدتك و إن شاء الله بكره حأبلغك عملت إيه ..
عاشور بك .. معلش رديت متأخر عليك .. حبة ظروف بس الحمد لله على كل شىء
جربت موضوع قالب الطوب و بعدين سبتها لمدة دقيقة و طلعت اجرب و مفيش فرق ملحوظ ... العربية أدائها ممتاز لو أنا مش ماشى كتير و تقيلة بس فى الأول بس بعد كده بتنقل عادى . المشكلة فى الرعشة اللى فى الزحمة
أنا ركزت فى اللى انت قلته و هو إن الرعشة فعلا جت بعد السخونة و أمشى و أقف و أمشى و أقف !!! دايماً فى الزحمة و الحر ... شكلها طقم دبرياج ؟ :(
لو الموضوع 2000 جنيه غير المصنعية مقدور عليه بس فعلا يعمل فرق و يجيب نتيجة و العربية تمشى بسلاسة .. و الله أنا حبيت العربية دى قوى بس صعبان عليا تكون بترعش كده و هى عاملة 48 ألف بس !!!