الأخوة الكرام ..
عندى مشكلة فى العربية و محتاج تفسير من السادة الخبراء قبل ما أروح لحد .. حأبتدى بحالة العربية علشان تبقوا عارفين ما تم عمله
العربية أسترا h موديل 2007 و عاملة دلوقتى 48000 كم و بقالها معايا 3 شهور و فى صيانة 45000 تم تغيير مجموعة الكاتينة و سير الدينامو و بوجيهات و زيت الموتور و الفلتر.
المشكلة الأولى: دايماً طلعة العربية تقيلة شوية .. بحس أنها عربية نقل و ده فى أول الطلعة بس . يعنى ادوس بنزين العربية تتحرك بعد ثانية أو أقل و بالراحة ! بعد كده العربية بتسحب كويس و تجرى بسلاسة
المشكلة الثانية : فى الزحمة العربية برده بتتطلع بالراحة بس بيبقى فيه رجة أو رعشة بحسها فى دواسة البنزين و ده فى الأول بس ... و ده بس فى الزحمة لما بقف فترة و بعدين أتحرك بالراحة و ده بيحصل كل يوم و أنا مروح من الشغل فى أوتوستراد المعادى .
برجاء الإفادة و يا رب ما يطلع اللى فى بالى :(