بوهية الفيرنا كشفت وبقيت شكلها وحش اوى اعمل اية

**lolita** · 14-06-2013 04:27 PM

الفيرنا بتاعتى 2008 اسود فابريكة كلها مافهاش قلم بوهية من الكصدام للاكصدام اللى مضايقنى اوى البوهية ابهتت جدا على الكبوت و حتت فى السقف و الشنطة لاكن جنابها ممتازة بتلمع زى الفل وحاولت المعها عند بتاع الدوكو لاكن النتيجة مافيش فايدة وشكلها وحش قربت تبقى بيضة من الكبوت بالذات اعمل اية ارش والا تمنها هاينزل طيب مانا برضة لاما ابيع هايقولى بوهيتة وحشة و شكلها وحش مع ان لو العربية بوهيتها حلوة هاتبقى حالة شاذة فعلا لانه عربية استعما راقى جدااااا ونضيفة جدا من جوة و الماتو ر طلقة اعمل اية

**koj@k** · 14-06-2013 04:48 PM

متابع لأن عندي نفس المشكلة

**lolita** · 14-06-2013 04:54 PM

يعنى لو حد محترف رشلى الكبوت والشنطة كفاية بطريقة احترافية لانها مش عايزة اى سمكرة او معجون ممكن ماتتعرفش انها مارشوشة والا لا

**mando_07** · 14-06-2013 07:41 PM

سيبك من موضوع محدش يعرف أنها رشة حتى لو محدش عرف حضرتك هتقول كل تفاصيل العربية و في حالتك دي العربية مش هتحتاج معجون خالص فهيبقى وش نضافة مفيهوش حاجة و اللي هيشتري هيكشف و يعرف ده بس تمنها برضه هينزل عن الفبريكة بالكامل حاجة بسيطة، بس أنا عن نفسي النقطة د مش بتفرق معايا أوي المهم أبقى مبسوط وهي معايا ساعة البيع د مش بفكر فيها الى ساعتها

**hossamalsadik** · 14-06-2013 07:51 PM

لاحول ولاقوة الابالله
هوا السوق المصرى العجيب كده
طيب أنتا عاوز تبيع بعها على كده
عاوز تركب رشها وركب وحتى لوفكرت تبعها يبقى اسمها رشه نضافه من غير معجون وده مينزلش تمنها ده يزوده
أنا عن نفسى مخدش عربيه يقلى أنها فبريكه بالكامل وبهيتها ضيعه
أنا عاوزها فبريكه دواخل وصالون ومش مهم رشه بره ده مثل وفى غيرى كتير كده
أنما يجيلك واحد ويحاول يقلل معاك السعر بسبب أنك رشتها نضافه ده بنأدم بيبخس أشياء الناس
يعنى أنسان لاموأخذه

ولو بعتها مثلا تقول انها رشه ( من غشنا فليس منا ) ولو فيها أى حاجه تانيه قول وأستعين بالله وربنا هيباركلك .

**lolita** · 14-06-2013 08:59 PM

87 مشاهدة ياجماعة عايز استفتاء ارش والا مارشش

**p r i n c e** · 15-06-2013 12:57 AM

المشاركة الأصلية كتبت بواسطة lolita

87 مشاهدة ياجماعة عايز استفتاء ارش والا مارشش

لو عاوز تستمتع بالعربية رشها
لو الأهم عندك إن العربية سعرها مينزلش عند البيع يبقى مترشهاش
يعني القرار قرارك
بس انا لو مكانك هبقى محتار بردو بصراحة
انا بالنسبالي فكرة الاستمتاع بالعربية و إنها تبقى بتلمع و مفهاش خدش أهم من سعر إعادة البيع بس دي بتفرق من واحد لواحد
واحد صاحبي عنده صني فابريكة كلها 2008 و متبهدله خبطات و حكات و في حاجات عاوزه سمكره و دوكو قلتله عربيتك ممتازة ما شاء الله بس حرام عليك تسيبها منظرها يقرف من برا كدا
قالي لأ انا اسيبها بكرامتها كدا احسن ما اجي ابيعها ملاقيش حد يشتريها بالسعر اللي تستاهله عشان راشة برا
يعني صديقي عكسي تماما... بتختلف من واحد للتاني
شوف انت يهمك إيه اكتر سعر إعادة البيع ولا الاستمتاع بالعربية و خد قرار

**lad** · 15-06-2013 05:31 AM

مش عارف ليه على طول بنفكر و نقول لما اجى ابيع لما اجى ابيع ياسيدى رشها مدام شكلها وحش ولما تيجى تبيع هتاخد رزقها وخلاص ولما تبيع تقول انا عاوز فلوس اد كدا اللى عجبه يشترى اللى مش عجبه خلاص

**dr.hazem** · 15-06-2013 05:38 AM

فياعتقد بتترش وش ورنيش بس...
اسال كريم منير في موضوع ورشة نايل موتورز وهيفيدك اكتر ان شاء الله...
تحياتي

Sent from my Xperia Arc S using Forum Runner

الموضوع: بوهية الفيرنا كشفت وبقيت شكلها وحش اوى اعمل اية

LinkBack

أدوات الموضوع

عرض

-

-

-

-

المواضيع المتشابهه

صوت تاكيهات الفيرنا عالى اعمل ايه؟؟؟

كشفت كمبيوتر!!

هل الفيرنا 2010 شكلها هيتغير

شوفو البي ام دي عايز اعمل الفيرنا زيها

الفيرنا فيفا غليت طيب اعمل اية؟؟؟ محتاج رايكم ضرورى

الكلمات الدلالية لهذا الموضوع

المفضلات

المفضلات

ضوابط المشاركة