تغير فلتر البنزين للفيرنا
السلام عليكم اولاً
تانى حاجه احب اشكر كل الناس اللى بتكتب عن تجربتها ف اى حاجه عملتها للفيرنا فعلاً فى ناس بتستفيد من المواضيع دى
فا انا قولت انزل انا كمان تجربتى انهردا فى تغير فلتر بنزين الفرنا و غيرت معاه فلتر الهوا بصراحه بردو :angel:
الأول نزلت التوفيقيه و دخلت عماره كدا بتبيع كل قطع الغيار قولت بلاش الناس اللى فى الشارع عشان ميندحكش عليا زى كل مره :00020140:
المهم ملفتش كتير طلعت الدور التانى كده و لقين محل استوسمت فيه خيراً :thumbsup:
المهم سألتو فلتر الهوا بكام يا حج قاللى فى 3 انواع , صينى ب 13 و تايوانى ب 17 و كورى ب 20
و بما اننى خبير طبعا قلت اجيب الكورى طلاما مش فارقه ... و هيا فعلا مش فارقه :eee: بس تقول ايه بئا D: فى حتا كده فى مخ الواحد ديما تشتغل اول ما تسمع كذا سعر قريبين من بعض و تقول ( الغالى تمنو فيه ) D: المهم جبت الكورى ابو 20 و سألتو اومال فلتر البنزين بكام راح قايللى الكورى على طول ب 25 D: اشتريتو مننو بردو
روحت البيت زى الشاطر و غيرت فلتر الهوا بنفسى و كنت ناوى اروح عند حد يغيرلى فلتر البنزين بس افتكرت اننى كنت شوفت فيديو عن تغير فلتر البنزين للفيرنا فا حلفت مييت يمين اننى انا اللى هغيرو :duh2: طلعت اتفرجت على الفيديو و نزلت و عملت زى ما عمل بالظبط و الدنيا مشيت بسهوه الحمد لله :) و رابط الفيديو اهو ‫تغيير فيلتر البنزين للفيرنا.mp4‬‎ - YouTube
بس بالأمانه العربيه فرقت جامد فى السحب بسم الله مشاء الله و نويت اعمل الحركه دى كل سنه ان شاء الله :00020140: اى خدمات يا فيرناويه اقوى عربيه فى الكره الارضيه D: