الموضوع: تغير فلتر البنزين للفيرنا

السلام عليكم اولاً
تانى حاجه احب اشكر كل الناس اللى بتكتب عن تجربتها ف اى حاجه عملتها للفيرنا فعلاً فى ناس بتستفيد من المواضيع دى
فا انا قولت انزل انا كمان تجربتى انهردا فى تغير فلتر بنزين الفرنا و غيرت معاه فلتر الهوا بصراحه بردو
الأول نزلت التوفيقيه و دخلت عماره كدا بتبيع كل قطع الغيار قولت بلاش الناس اللى فى الشارع عشان ميندحكش عليا زى كل مره
المهم ملفتش كتير طلعت الدور التانى كده و لقين محل استوسمت فيه خيراً
المهم سألتو فلتر الهوا بكام يا حج قاللى فى 3 انواع , صينى ب 13 و تايوانى ب 17 و كورى ب 20
و بما اننى خبير طبعا قلت اجيب الكورى طلاما مش فارقه ... و هيا فعلا مش فارقه بس تقول ايه بئا D: فى حتا كده فى مخ الواحد ديما تشتغل اول ما تسمع كذا سعر قريبين من بعض و تقول ( الغالى تمنو فيه ) D: المهم جبت الكورى ابو 20 و سألتو اومال فلتر البنزين بكام راح قايللى الكورى على طول ب 25 D: اشتريتو مننو بردو
روحت البيت زى الشاطر و غيرت فلتر الهوا بنفسى و كنت ناوى اروح عند حد يغيرلى فلتر البنزين بس افتكرت اننى كنت شوفت فيديو عن تغير فلتر البنزين للفيرنا فا حلفت مييت يمين اننى انا اللى هغيرو طلعت اتفرجت على الفيديو و نزلت و عملت زى ما عمل بالظبط و الدنيا مشيت بسهوه الحمد لله :) و رابط الفيديو اهو ‫تغيير فيلتر البنزين للفيرنا.mp4‬‎ - YouTube
بس بالأمانه العربيه فرقت جامد فى السحب بسم الله مشاء الله و نويت اعمل الحركه دى كل سنه ان شاء الله اى خدمات يا فيرناويه اقوى عربيه فى الكره الارضيه D: