يا ريت السعر
عرض للطباعة
أنا من وجهه نظري بعد لف وعناء بحث كبير ان أحسن 2 كمبوند في أكتوبر في رنج السعر بتاع 300 ألف الى 350 ألف هما قريه المنتزه ومشارق.
الاتنين جنوب الأحياء (ظهر الحي الخامس والسادس) على طريق الواحات
الاتنين جاهزين للاستلام
الاتنين مساحات الشقق تتراوح مابين 124 الى 170 متر
الاتنين في نفس رنج سعر المتر تقريبا
قريه المنتزه هي احدى مشروعات بنك الاسكان والتعمير (مشروع استثماري) والمساحات في المرحله الأولى اللي جاهزة للتسليم فوري هي 124 متر و 126 فقط (باقي المراحل في مساحات أكبر) والسعر يتراوح في حدود 330 ألف بمقدم 20% ووديعه صيانه 5% والباقي تقسيط من أول سنه الى 10 سنين بفايده 13% متناقصه
مميزات المشروع انه مضمون سواء من ناحيه الجديه أو الاداره لأنه أحد مشاريع البنك وكل مشاريع البنك ناجحه ومضمونه.الميزه التانيه انه قريب جدا لطريق الواحات,يعتبر أول نمره على طريق الواحات.طبعا جاهز وكامل المرافق
عيوبه من وجهه نظري انه كبير وبالتالي لما يسكن كله ان شاء الله هيكون زحمه ومش هتلاقي مكان ركنه بسهوله (العماره 4 أدوار كل دور فيه 4 شقق يعني 16 شقه في العماره يعني لو فرضنا جدلا ان كل شقه فيها عربيه واحد يبقى 16 عربيه للعماره) وللأسف مفيش جراجات تحت الارض
مشارق بقى مش هتكلم عنه كتير علشان الموقع بتاعهم فيه كل حاجه بس هقول مميزاته من وجهه نظري سريعا وهي انه كمبوند 5 فدادين مبني في 8 عمائر على الأطراف والباقي كله مساحات خضراء ومكان لمول صغير دورين وحمام سباحه.يعني تحسه كده مصيف على نادي على سكن على جنينه على حاجات كتير قوي :)
موقع الشركه:
Tanami Egypt, Mashareq Compound Project
اكتوبر و زايد الاسعار فيهم مش طبيعية
المتر كان فى اكتوبر لما بيكون غالى كان 1600 او 1700
لكن 2000 و 2500 يبقى حرام
من بعد السوريين مانزلوا و اكتوبر اسعارها نار
و بصراحة انا شايف اكتوبر بالاسعار دى ماتستاهلش
انا ساكن في الحي 11 - أي أسئلة او استفسارات انا تحت أمرك
جوابات الشقق دي ليها علاقة بجوابات قطع الارض في التوسعات الشمالية الي ورا مساكن الشباب - ياريت التأكيد يا جماعة
من ناحية الامان تعتبر جيدة جدا - واجتماعيا بتفرق من مجاورة لمجاورة - و من عمارة لعمارة - فيه اماكن فوق الممتازة - وفيه عماراتين اصحاب سوابق كلهم معروفين ومعزولين - فحاول تدور في المجاورات 3-4-5-6 - غير كده بتبقى جوا أوي ومستخبية اوي - انا في المجاورة السادسة شخصيا
الحي 11 عامة يعتبر اسكان متوسط - لا متميز - ولا فوق المتوسط - ولا اقتصادي زي 12 او 10 او السادس
متوسط سعر المتر من 1400 - 1500 في الحدود دي على آخر مرة سألت - والمساحات من 90 - 130 متر