تقرير صيانة الاف للانسر في السعودي جروب
السلام عليكم
انهارده كنت واخد ميعاد لصيانة الالف بعد ما العربية عملت 1200 كيلو مع ان انهارده الجمعة بس عرفت انهم بيشتغلوا الجمعة ولاقيتها فرصة اني فاضي
طلعت على الدائري وللاسف تهت :eee: ولاقيت نفسي نزلت مؤسسة الزكاة .. يا نهار اسود اسود انا قلت خلاص العربية راحت هتتاخد مني بعد شوية وحطيت ايدي على قلبي وجريت بسرعة لحد ما طلعت على الدائري تاني ونزلت في النزلة الصح على موقف العاشر والحمد لله وصلت للمكان في ميعادي الساعة 10 والدنيا كانت فاضية خالص بما ان انهارده الجمعة
اول ما وصلت لاقيت عامل كده قال لي استنى هنا وبعدين سألني هتعمل صيانة ايه ؟؟ قلتله صيانة الالف قال لي طيب اركن هنا ركنت وقام مغطي كرسي السائق بس والطارة وجه مسؤول مبيعات شكلة مش مهندس ولا حاجة وكتب صيانة الالف وخد الرخصة وطبعا مسألنيش اي حاجة ولا انت عايز ايه ولا ايه المشاكل اللي عندك مفيش خالص :whtauwant:
بعد كده في واحد جه خد العربية وقال لي اطلع استريح فوق على ما نخلص طبعا مش بتشوف العربية ولا بيتعمل فيها ايه .. طلعت في مكان استراحة كده مفيهوش اي حاجة غير كراسي ومكيف ولا في مجلة ولا اي حاجة عملها وكمان المية مقطوعة في الحمامات وحاجة تقرف
بعد 10 دقايق كده زهقت من القعدة قمت نزلت وخدت بصة كده على الورشة ولاقيتهم بيشتغلوا في عربيتي مع ان كان في ناس جاية قبلي بس انا كنت حاجز ميعاد
ودي صور خدتها لورشة ولعربيتي
http://nileup.com/up/uploads/nilemotors_13712368961.jpg
دي عربيتي
http://nileup.com/up/uploads/nilemotors_13712368962.jpg
لاقيت واحد شافني قال لي معلش استريح فوق ممنوع تقف هنا :bluescreen:
خدت لفة في المكان ورحت المعرض اللي هو توكيل ليفان وكان قافل للاسف ودي شوية صور للمكان
http://nileup.com/up/uploads/nilemotors_13712368963.jpg http://nileup.com/up/uploads/nilemotors_13712368974.jpg
وكان في عربية عندهم عاملة زي الميني من بره ومن جوة زي ال 127 ههههههههههه صيني بقا
http://nileup.com/up/uploads/nilemotors_13712368975.jpg
بعد 50 دقيقة بالظبط لاقيت واحد جاي ينادي انهم خلصو نزلت بقا وقال لي غيرنا فلتر وزيت توتال بيقعد 10000 وقلتله عايز باقي العلبة ههههههههههه
الصيانة الجاية هي صيانة ال 10000 الاف .. كان في خبطة في الشنطة قلت لهم عايزكم تبصوا عليها قالوا لي معلش انهارده الجميع ومهندس السمكرة مش موجود :afterboom: طب لو عايز اركب حاجة في العربية قال برضو معلش مفيش ولا مهندس موجود :bluescreen:
تقييمي للخدمة بصراحة سيئة مفيش مهندسين ومكان انتظار قذر ولا في حد موجود ولا حاجة نشربها ولا نسلي وقتنا ولا اي حاجة
اي استفسارات انا موجود