الموضوع: بجملة اللى بيحصللى - بالمرة بقى شوية مشاكل

الأول اعذرونى لو فيه غلطات
عشان باكتب من الموبايل
و انا بايت فى المستشفى مع ابويا

الموضوع بدء الجمعه اللى فاتت
العربية حبت تستهبل
فرده كاوتش ورا
باظت خالص
ما علينا
ربنا يكرمه شريف جاللى و جابلى فردة كاوتش عشان هو مغير طقم
و ركبتها و مشيت
العربية متلته
و لمبة الزيت بترعش
بس كان لازم ارجع المستشفى

تانى يوم نزلت
لقيت سلك بوجيه مقطوع

و حاولت اشغله باى طريقه
مرضيش

ما علينا
يوم الأحد
نزلت الشغل مضطر لوجود التزامات عندى
بس اللى مطمنى انى اخوبا عرف ياخد اجازه و قاعد مع ابويا

خلصت مشوارى بالعافية و روحت للميكانيكى
و جربنا سلك تانى
العربية متلته
قاللى طقم البوجيهات ده اتكل على الله

لاحول و لا قوة الا بالله
لا وقته و لا اوانه
بس قدر الله و ما شاء فعل
قاللى هاديك سلك بدل اللى بايظ لغاية ما تجيب طقم

المشكله بوجيهاتى متفكتشى من سنتين
و قفشة قفشة زفت
ساهة و نص نسايس فيها لغاية ما فكوا و جبت لقمة 16 بيد جديده
غير كده كان لا يمكن يفكوا

و اللى لقيته عشان يوم الأحد
واحد فاتح
عنده دانسو 2 شمعه يابانى بس شكله ابن حلال

الميكانيكى قاللى هاراجع التقسيمه عشان السير مرخى
لقيناها فى الضياع الأبدى
مقدمه بتاع 4 سنات او 6
قاللى الشداد وحش و خللى السير ينط
بس ما علينا

ركبنا البوجيهات و خلصنا
و العربية دارات اربعه و ظبط الماف
بس لمبة الزيت بتنور سلانسيه برضوا

قاللى زيت و فلتر و بعدين نشوف
عشان لو مكنشى كده يبقى سبيكه خفيفه
بس صوت الموتور كويس
لا ترزيع و لا حاجة
بس انا عندى عيب من فترة ان لمبة الزيت بتتأخر فى الطفى

يبقى احنا بنتكلم فى حاجة من تلاته
1. زيت و فلتر وحشين ( مش بعيد خالص لأنى مهمل فى حوار الزيت ده )
2. سبيكه
3. طرمبة زيت

الأحتمال اللى هو محطوش
يساعه الزيت تكون وحشة

كلمت فادى اتأكد من المعلومه
قاللى جرب ساعه الزيت الأول
و بالفعل لقيت السلك بتاعها مهزوز

بس العربية تسخن او مشوار حلو
الدنيا تبقى مسخرة
لمبة الزيت ترعش
و لغاية ما تفضل منوره على طول
بس لمسه على البنزين تطفى

والله انا مش فاضى لوجع القلب ده عشان مش وقته معايا خالص
بس ايه رأيكم و اقتراحاتكم

اه
و كشفت على تكييف العربية عند واحد صاحب واحد صاحب ابويا
وقاللى الدورة ممتازه
بس الشفط سيل بتاع الكباس مودع خالص
و نصحنى انى اغير الكباس


شكراً