| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 7 1 2 3 4 5 6 ... الأخيرةالأخيرة
النتائج 1 إلى 10 من 64

  1. #1

    الصورة الرمزية Karim Ibiza

    رقم العضوية : 125812

    تاريخ التسجيل : 07Jun2012

    المشاركات : 2,519

    النوع : ذكر

    الاقامة : Dammam-KSA

    السيارة: Lada 2105 1984 Sold

    السيارة[2]: Ibiza 6K 101 HP

    دراجة بخارية: لا يوجد

    الحالة : Karim Ibiza غير متواجد حالياً

    Exclamation حكايتى مع الزمان (قصدى الشكمان) ابيزا 98 - Facebook Twitter whatsapp انشر الموضوع فى :

    hasad">

    السلام عليكم ورحمة الله

    اللى متابع اللى انا بعمله فى عربيتى هيعرف انى كان لازم أغير الشكمان كااااااامل لأنى شايل الموتور الـ1000 ومسقط 1600 الـ101 حصان http://www.nilemotors.net/Nile/341077-98.html

    انا مستلم العربية يوم 14/2 وطوول الفترة دى وانا عمال أجرب فى موضوع الشكمان ده عشان عايز افهم الفكرة ايه, كان ممكن قوى انى من البداية اروح واركب شكمان كامل جديد واريح دماغى, بس انا كنت قررت انى افهم النظرية وفعلا طلع الموضوع فيه نظريات كتير

    طيب فى البداية لازم نعرف ايه لازمة الشكمان؟؟؟
    معظم الناس متفقين ان علب الشكمان الهدف منها كتم الصوت
    وان لو علبة الشكمان مخرومة العربية متسحبش
    وان لو علبة الشكمان مسدودة العربية تسخن

    معنى كده ان علب الشكمان دى مؤثرة جدا

    معنى كده انى لو ركبت علبة شكمان مرسيدس هلاقى العربية بتمشى لوحدها؟؟؟

    طيب وانا ايه اللى يخلينى أغير علبة الشكمان بتاعت عربيتى طالما سليمة؟؟؟
    ايه يعنى سقطت موتور أكبر من الموتور الفبريكة على شكمان الفبريكة؟؟؟

    ده شكل شكمان الفبريكة بتاع عربيتى من ناحية الموتور (بعد شجرة شكمان الموتور قبل علبة البيئة)



    وده شكل شجرة شكمان الموتور اللى انا سقطه



    حد لاحظ حاجة؟؟؟

    انا حسيت ان الاتنين مش نفس القطر, وعشان أتاكد جبت متر عشان أقيس بيه ولقيت أن مقاس قطر شكمان الفبريكة 42ميللى ومقاس قطر الشجرة 50 ميللى

    يعنى كده فيه فرق 8 ميللى
    طيب و ايه يعنى 8 ميللى؟؟؟ دوول مكملوش سنتيمتر واحد
    خليت بتاع الشكمانات يلحم الاتنين ببعض وفى الأخر المنظر طلع كده



    طبعا حاجة قرف
    ده غير انى كنت حاسس انى راكب جرار زراعى بسبب الصوت لأن اللحام مكانش قافل كويس بسبب اختلاف الأقطار

    كان من ضمن النواقص حساس الشكمان ولما اشتريته كان لازم بتاع الشكمانات هو اللى يركبه
    وعشان يركبه كان لازم ينضف العك ده

    الطبيعى ان عربياتنا بيكون فيها علبة خلفية + علبة نص + علبة بيئة
    أنا ملقتش عندى علبة بيئة ولقيت مكانها علبة شبه علبة النص
    يعنى انا كده عندى علبتين نص وعلبة خلفية ومعنديش علبة بيئة

    الرجل قاللى ان العلبة اللى مكان علبة البيئة مسدودة ولازم تتشال عشان يعرف يلحم على نضافة وهيحط مكانها ماصورة

    دى العلبة اللى شالها



    وده مكانها بعد ما اتشالت



    ودى الماصورة اللى حطها مكان العلبة وجنبها حساس الشكمان



    الصوت أختفى تماما والعربية بقيت أهدى وسافرت بيها مقابلة القاهرة عادى جدا و 180 والحياة حلوة
    بس كنت بسمع صوت كركبة فى الشكمان ومكنتش فاهم من ايه

    حسيت ان العربية لسه فيها أكتر وقولت ان اكيد الشكمان هو اللى عامل الكلام ده كله

    أيام وليالى وأنا ببحث عن مواصفات شكمان الفبريكة للموتور بتاعى لحد ما لقيت الصورة دى

    دى صورة شكمان الموتور بتاعى



    ودى صورة شكمان الفبريكة بتاع الـ 1000



    معنى كده ان الكلام ده بيفرق وان كل موتور ليه مقاسات خاصة بيه عشان يطلع كل امكانياته ويكون مرتاح

    طيب بمقارنة الصورتين لقيت ان الاختلاف فى قطر المواسير و كمان مقاس علب الشكمان
    طلعت جرى على بتوع الاستيراد وبتوع الشكمانات عشان اجيب الشكمان اللى انا عايزه
    سمعت كمية فتاوى بعمرى
    اللى يقولك شكمان الابيزا كله واحد
    واللى يقولك العلب دى كاتم صوت بس
    واللى يقولك يا بيه شكمانك يشيل لحد 2000 سى سى

    طيب يا جدعان وابن التيييت اللى مخترع العربية ليه معملش كله زى بعضه طالما مش بتفرق!!!!!!

    بالصدفة واحد صاحبى كان عنده علبة شكمان خلفية سبور نوعها Jasma يابانى أصلى وكان مركبها فى ابيزا بس موتور VR6
    قولتله هجربها, وفعلا ركبتها ولقيت العربية بقت بتجمع فى الـRPM الواطى أحسن من الأول بس بتموووووت بعد 4 RPM + ان صوتها جمييييل ومش عالى لأنى مش بحب الصوت العالى

    شيلت علبة النص وركبت مكانها ماصورة 2 بوصة (50 ميللى) عشان انسياب الهواء يزيد, لقيت ان استجابة الدواسة بقت أحسن لكن الأداء أضعف بكتير ومفيش عزم والنقلات بتخلص بسرعة والصوت بقى مزعج جداااااااا



    شيلت العلبة الاسبور وركبت العلبة الفبريكة بتاعت الـ 1000 الأداء بقى أحسن بس حاسس ان فيه هدر كتير فى الموتور وان مش دى قوته + انى لما كنت اجيب 5500rpm وانقل النقلة اللى بعدها بيحصل back fire كأنك ماسك مسدس خرطوش وضربت منه طلقة



    لما بحثت أكتر فى الشكمانات وفكرتها, لقيت ان الهدف من علبة النص انها تعمل حاجة اسمها back pressure ودى اللى بتدى الدفع للعربية وبتخليها تجرى
    الموضوع بالظبط عامل زى واحد بينفخ وفاتح بقه على الأخر (بدون علبة النص) وواحد تانى بينفخ بس ضامم بقه (بعلبة النص) هتلاحظ ان اللى بينفخ وضامم بقه بيكون الهواء اللى طالع منه قوته أعلى من اللى فاتح بقه

    قولت يبقى بلاش فتى وركب الشكمان كامل فابريكة وشوف النتيجة
    لقيت ان الافضل انى اجيب جديد لأن الاستيراد ممكن يبقى مسدود بسبب الركنة
    طبعا أبو اليزيد مشهور بس للأسف فى القاهرة ولما اتصلت بيهم دلونى على واحد فى اسكندرية بيشتغل فى العلب بتاعتهم اسمه غباشى فى السيوف
    روحتله قاللى انه مبقاش بيجيب منهم بس هو فى الأصل مستورد كبير للشكمانات وبيجيب ماركات كويسة زى walker امريكى و bosal بلجيكى و zara ايطالى وعنده كمان علب سعودى واستثمارى
    لقيت ان السعودى مناسب ليا كسعر وكعمر افتراضى وكخامات (3 سنوات ومقاوم للصدأ) لأنه مصنوع من مادة اسمها aluminus

    فى النهاية ركبت علبة خلفية سعودى وعلبة نص ألمانى لأنى ملقيتش المقاس بتاعى فى علبة النص سعودى





    ودى صورة المرحوم



    الميزة فى الموضوع ان العلب جاية بالمواسير بتاعتها على مقاس العربية بالزوايا اللى فيها ودى حاجة مهمة جدا للى بيفكر انه يعمل مواسير شكمان عمولة فيها منحنيات لأن المنحنيات دى لازم تتعمل بطريقة معينة اسمها تكسيح والهدف منها انه قطر المنحنى يكون نفس قطر الماصورة وده بيحتاج ماكينات معينة عشان تعمل موضوع التكسيح ده وللأسف الماكينات دى مش موجودة عند ورش الشكمانات لكن هتلاقيها فى مصنع زى أبو اليزيد, لكن الورش بتعمل المنحنيات دى عن طريق العصر وده بخلى القطر يضيق عند المنحنى وده بيخنق انسياب الهواء + أن الماصورة بتكون عرضة أكتر انها تتقطم

    المهم خلصنا التركيب ودفعت 575 جنيه ثمن العلبتين بالتركيب

    التقييم:

    الصوت شبه صوت الجولف 3 (الصوت المكتوم) جميييل جدا
    استجابة دواسة البنزين بقت أقل وده لأن بقى فيه عائق جديد وهو علبة النص
    بس مقابل كده العربية بقت بتفرك فى الطلعة بدون ما أكون قاصد, معنى كده أن العزم زاد
    استهلاك البنزين قل لأن مبقيتش محتاج أنى أجيب أخر الدواسة عشان أجرى العربية
    المروحة مبقتش بتشتغل كتير
    طلعت على طريق سريع عشان أجرب, بقيت بحس أكتر بالعزم وكمان بقى مستمر لحد الـrpm العالى بعد ما كان بيخلص فى 4rpm
    يعنى دلوقتى بيفضل دهرك لازق فى الكرسى لحد أخر الغيار
    الغيار الأول:
    قبل التركيب: 40
    بعد التركيب: 50 + سرعة التجميع بقت أسرع فى كل الغيارات

    الغيار الثانى:
    قبل: 70
    بعد: 90

    الغيار الثالث:
    قبل: 100
    بعد: 125

    الغيار الرابع:
    قبل: 155
    بعد: 165

    الغيار الخامس:
    قبل: 180
    بعد: برده 180 وده مش بسبب الشكمان, لكن بسبب حاجة تانية بس مستنى أتأكد لأن الموتور ده مش أقل من 200

    الخلاصة:
    الشكمان ده من الأجزاء المهمة جدااااا فى العربية ومينفعش فيها افتائات
    علبة النص مهمة جدا عشان تستفاد بعزم الموتور

    معلش طولت عليكم بس الموضوع ده أنا بقالى 4 شهور بجرب فيه وصرفت فيه قد ثمن الشكمان مرتين ودى النتيجة النهائية اللى وصلتلها وحبيت انقلهالكم

    Karim Samy - Business Development


    Fiat 128 Model 1983 1100cc
    Lada 2105 Model 1984 1200cc & 1300cc
    Nissan Tiida Model 2007 1600cc
    SEAT ibiza 6k Model 1998 1000cc AER , 1400cc AEX & 1600cc AFT
    Toyota Corolla Model 2013 1600cc


  2. #2

    الصورة الرمزية exact

    رقم العضوية : 10617

    تاريخ التسجيل : 13May2008

    المشاركات : 2,422

    النوع : ذكر

    الاقامة : محافظة الغربية

    السيارة: NileMotors

    السيارة[2]: Suzuki SWIFT 1994 Japan

    دراجة بخارية: Phoenix

    الحالة : exact غير متواجد حالياً

    افتراضي -

    كلام في الجون

    Dr. Mostafa


  3. #3

    الصورة الرمزية Muahmmad Honda

    رقم العضوية : 143348

    تاريخ التسجيل : 13May2013

    المشاركات : 452

    النوع : ذكر

    الاقامة : القاهرة

    السيارة: سيتروين Ax 1.4

    السيارة[2]: Honda Civic 94

    الحالة : Muahmmad Honda غير متواجد حالياً

    افتراضي -

    ربنا يباركلك فيها و يكفيك شرها .. و الف مبروك على الشكمان الجديد و شكرا على المعلومات القيمة دى !!

    بسم الله ما شاء الله و لا حول ولا قوة الا بالله [rmade]http://nileup.com/up/uploads/nilemotors_13689759171.jpg[/rmade]


  4. #4

    الصورة الرمزية Mamoud salah H

    رقم العضوية : 123571

    تاريخ التسجيل : 23Apr2012

    المشاركات : 1,618

    النوع : ذكر

    الاقامة : مصر

    السيارة: لانسر بومة-ميجانII

    السيارة[2]: اوبل فيكترا-فيات سيينا-لانسر بومة

    دراجة بخارية: sizuki

    الحالة : Mamoud salah H غير متواجد حالياً

    افتراضي -

    NOTHING to say
    just Respect and only Respect

    بصراحة يا باشا انت عملت مجهود رائع واحسن حاجة انك كنت عايو تعرف تفصيل كل حاجة بالمللي
    ربنا يباركلك بجد في العربية


  5. #5

    الصورة الرمزية hossamalsadik

    رقم العضوية : 130446

    تاريخ التسجيل : 20Oct2012

    المشاركات : 3,423

    النوع : ذكر

    الاقامة : cairo

    السيارة: Ibiza Or Golf

    السيارة[2]: Ibiza 2000

    الحالة : hossamalsadik غير متواجد حالياً

    افتراضي -

    مبروك ياكيمو الشكمان الجديد

    أخيرا ياراجل أنا مكنتش أعرف أن موضوع الشكمان ده مستمر معاك لغاية دلوقتى يبقى مخدش بالى
    وفعلا كل ماتور له شكمانه وديه حسابات مرتبطه بالسعه التريه بتعته
    ومفيش أفضل من شكمان الفبريكه نفس المقاسات

    موضوع جميل وتجربة مفيده

    تحياتى

    ماشاء الله كان وما لم يشأ لم يكن
    SEAT IBIZA 2000 MK3 (6k2)ALD Engine 1.0 8v MPI


  6. #6

    الصورة الرمزية hossamalsadik

    رقم العضوية : 130446

    تاريخ التسجيل : 20Oct2012

    المشاركات : 3,423

    النوع : ذكر

    الاقامة : cairo

    السيارة: Ibiza Or Golf

    السيارة[2]: Ibiza 2000

    الحالة : hossamalsadik غير متواجد حالياً

    افتراضي -

    وخلى بالك الشد ده مش ماتور بس ده سواق كمان

    أنتا بتفكرنى بواحد كان أسمه محمد أبيزا ( ده من العلامات فى عالم السيات) الله يصبحه بالخير
    كان بردو غاوى مواتير والواحد أستفاد منه كتير كان موسوعه

    ماشاء الله كان وما لم يشأ لم يكن
    SEAT IBIZA 2000 MK3 (6k2)ALD Engine 1.0 8v MPI


  7. #7

    الصورة الرمزية nesr6060

    رقم العضوية : 124163

    تاريخ التسجيل : 05May2012

    المشاركات : 912

    النوع : ذكر

    الاقامة : جيزه

    السيارة: .................

    السيارة[2]: SEAT IBIZA

    دراجة بخارية: .........

    الحالة : nesr6060 غير متواجد حالياً

    افتراضي -

    طيب ليه مفكرتش تشترى شكمان من نص عربيه تانيه او تشترى جديد وتريح دماغك بدل المصاريف دى كلها

    Seat Ibiza
    Audi Engine 5V
    seat ibiza 94 tunning 2000
    A.G
    ادمن جروب Seat Egypt Lovers


  8. #8

    الصورة الرمزية hossamalsadik

    رقم العضوية : 130446

    تاريخ التسجيل : 20Oct2012

    المشاركات : 3,423

    النوع : ذكر

    الاقامة : cairo

    السيارة: Ibiza Or Golf

    السيارة[2]: Ibiza 2000

    الحالة : hossamalsadik غير متواجد حالياً

    افتراضي -

    اقتباس المشاركة الأصلية كتبت بواسطة nesr6060 مشاهدة المشاركة
    طيب ليه مفكرتش تشترى شكمان من نص عربيه تانيه او تشترى جديد وتريح دماغك بدل المصاريف دى كلها
    فى واحد عنده حب فضول ومعرفه وبيحب يجرب وده عشان يتعمق فى دراسة الشيء
    وأحيانا بيحب يتأكد من معلومته من عدمه بنفسه وده بيكسبه خبره كبيره عمليه
    هيا بتكلف بس ديه غيه هوايه كده

    ماشاء الله كان وما لم يشأ لم يكن
    SEAT IBIZA 2000 MK3 (6k2)ALD Engine 1.0 8v MPI


  9. #9

    الصورة الرمزية المنسي

    رقم العضوية : 81989

    تاريخ التسجيل : 05Oct2010

    المشاركات : 3,826

    النوع : ذكر

    الاقامة : 7adayek el ahram

    السيارة: ----------------------

    السيارة[2]: ----------------------

    دراجة بخارية: لا

    الحالة : المنسي غير متواجد حالياً

    افتراضي -

    مبروك على الشكمان وفعلا تلاقى بتوع الشكمانات بيفتو وخلاص زيهم زى الميكانيكية وزى الكهربائية الا من رحم ربى منهم يعنى عندى مثلا ظبط التاكيهات فى الورك شوب العادم على فيلر معين والبنزين على فيلر معين واروح لحد يقوللى لا يابيه المفروض انهم كلهم على فيلر واحد

    [img2]http://nileup.com/up/uploads/nilemotors_13649876441.jpg[/img2]


  10. #10

    الصورة الرمزية hossamalsadik

    رقم العضوية : 130446

    تاريخ التسجيل : 20Oct2012

    المشاركات : 3,423

    النوع : ذكر

    الاقامة : cairo

    السيارة: Ibiza Or Golf

    السيارة[2]: Ibiza 2000

    الحالة : hossamalsadik غير متواجد حالياً

    افتراضي -

    hasad">

    عشان كده يتجمع الخبراء هنا فى القسم ونفتح ورشه خاصه بينا

    ماشاء الله كان وما لم يشأ لم يكن
    SEAT IBIZA 2000 MK3 (6k2)ALD Engine 1.0 8v MPI



 
صفحة 1 من 7 1 2 3 4 5 6 ... الأخيرةالأخيرة

المواضيع المتشابهه

  1. باركولى .. أشتريت مقطورة حمولة 3 طن .. قصدى 307 sw :)
    بواسطة amounir6666 في المنتدى بيــــجو
    مشاركات: 115
    آخر مشاركة: 13-12-2013, 09:02 PM
  2. دخنة سوداء من الشكمان - ابيزا 94
    بواسطة شادى عبدالمنعم في المنتدى ســـيات
    مشاركات: 12
    آخر مشاركة: 15-04-2013, 12:04 PM
  3. دوست قطه وانا مش قصدى
    بواسطة aldesha989 في المنتدى المنتــــــدى العـــــــــــام للسيــارات
    مشاركات: 28
    آخر مشاركة: 13-03-2013, 12:35 PM
  4. تجربتى مع طلوع الروح (قصدى الرخصه)
    بواسطة Shady_mas2000 في المنتدى مختــلف أنواع الدراجات النارية
    مشاركات: 21
    آخر مشاركة: 11-08-2011, 05:56 AM
  5. فوائد العياط قصدى البكاء
    بواسطة youssefmustang في المنتدى المنتــــــدى الاجتمــاعى
    مشاركات: 7
    آخر مشاركة: 13-04-2011, 10:37 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2