الموضوع: للأسف الشديييد ....التوك توك خلاص بقى امر واقع ....ولكن بعض اقتراحات لاحتواء المشكلة

المشاركة الأصلية كتبت بواسطة k_e

كنت فاكر ان بعد الثوره هيجي مسئولين يفكروا في مشاكل الناس ويشوفولها حلول زي اي بلد محترمة
لكن للاسف فات اكتر من سنتين وكأنك يابوزيد ما اتغديت

العيب أن البلد شبعانة جهل ....... و المسئولين بسبب التركة الثقيلة من أيام السادات بيخافوا يأخدوا أي قرارات جذرية لحل أي مشكلة لأن الرعاع ستثور على أي تغيير جذري .

و لكن لا مانع من الشكوى ليل و نهار من الحال و الأحوال .
و أيضا أستسلام تام من الحكومات المتعاقبة للوضع القائم ...

تحس كدا أن ربنا عز و جل مش راضي علينا و على اللي بنعمله .

المشاركة الأصلية كتبت بواسطة tutankhamoun

اللي يغيظيك يا عم ياريس ....... ان أصحاب التكاتيك
لا بيدفع ضرائب .......... و لا بيدفع تراخيص ....... و لا أي حاجة و كمان بيأخد بنزين مدعم (الدولة مستورداه ) و كمان يمشي يبلطج على خلق الله .

انا بكرهم و بكره اللي نزلهم مصر

و حسبي الله و نعم الوكيل في كل واحد في ابلد بيفكر في مصلحته الشخصية بس

مفيش حد في البلد دي بيفكر في حال الناس و يدرسوا أي قرار بيأخدوه قبل ما يتنيلوا يأخدوه ؟؟؟؟؟؟؟؟؟؟؟؟

ومين قالك انهم مدرسوش. هما درسوه كويس ولقو انهم هيعملو (وعملو بالفعل) ثروات طائله من استيراد التكتك عشان كده مش هتلاقي أي قرارات لمنعه

المشاركة الأصلية كتبت بواسطة tutankhamoun

ما هي العربيات السوزوكي أصلا تجميع مصري ............ المصنع في 6 اكتوبر .

بشوف تريلا محمله عربيات سوزوكي طالعه من أكتوبر تقريبا يوميا خصوصا بالليل وطالعه على القاهره. لو تشوف بقى عربيات الافيو والصني الزيرو وبتوع المعارض سايقنها وبيلعبو بيها زي البهلوانات يصعب عليك اللي هيشتريها بعد ما تكون اتخبطت واترشت وده كله عشان يوفرو فلوس ونش يشيلها للمعرض.

المشاركة الأصلية كتبت بواسطة acc.eslam arif

البتاع المقرف ده ملهوش غير حل وحد
اوقف استيراده هو وقطع غياره لانه بيبوظ بسرعة وبكده خلال سنة سنتين مش هنشوفه تانى

والحل البديل



وياسلام لو تبقى من الاول العربيات اللى مصنع النصر يعمل زيها لما يشتغل

دى فكره ممتازه وبدون الدخول فى مشاكل وشد وجزب ... خاصه بعد ما مرسى اعطاهم الصلاحيه فى اكتر من خطاب مما ادى وده اكيد الى تطاولهم على كل شىء .