عرض للطباعة
السلام عليكم ورحمة الله وبركاته
لو سمحت انا كنت عايز اشتري برتون ساجا (ده طبعا من اللي قرأته عنها في المنتدي الجميل ده)وعندي شوية استفسارات:
1- مش عارف 2013 نزلوها ب 4 زجاج كهرباء؟ اصل في كونتاكت قالوا كده (زجاج كهرباء خلفي - يوجد) هل ده صحيح؟
2- كنت عايز اتفرج عليها الاول وكمان لو (test drive) يبقي اجمل بس مش عارف فين؟
3- لو هشتري من التوكيل هيبقي في حجز (مدته قد ايه لو في) ؟ لو عايز استلم علي طول ايه احسن مكان اشتري منه؟ وياريت العنواين سواء توكيل او غيره من فضلكم
وجزاكم الله خيرا
يا جماعة حد يرد عليا لو سمحتوا
موديل 2013 نفس موديل 2012 ....... مفيش اى تغيير فى الزجاج ...... الزجاج الامامى فقط هو اللى كهرباء والخلفى يدوى ..... بخصوص التسيت درايف والمعاينه فقدامك حاجة من الاتنين ..... اما من خلال التوكيل فى ابو رواش وتقدر تحجز بالتليفون ..... اما من خلال جروب الساجا عالفيس بوك هتلاقى مليون واحد يساعدك هناك سواء فى التيست درايف او المعاينه او حتى الشراء من الجروب ممكن برضوا ......
بص أنا هحاول أفيدك بخبرة عملية و تجربة شخصية
العربية ساجا ليها مميزات و عيوب هبدأ بالمميزات : -
1 - العربية ثباتها رائع جدا فى الطريق الطوالى و الملفات حتى على السرعات العالية و حتى لو انت لوحدك .
2 - العربية واسعة و مساحة وضع الاقدام فيها رائعة حتى فى الكنبة الخلفية
3 - بالنسبة لسعرها فيها كماليات تتفوق بها على السيارات التى فى نفس الفئة مثل الايرباج و حساس الركن الخلفى و الفوج لايت امامى و خلفى و جنوط سبور و غيرها ...
4- على حد علمى ان معدل الامان فيها عالى بالنسبة لفئتها
5 - سحب العربية قوى حتى فى الاوتوماتيك
6 - العفشة ناعمة تخليك ماتحسش ان ظهرك بيوجعك على الارض المكسرة و المطبات يعنى العربية بتاخد و تدى اكثر شوية من العفشات الناشفة عشان تقلل احساسك بالارض المكسرة و تحافظ على ظهرك ..
العيوب : -
1 - استهلاك البنزين للأسف سئ لا يقارن ب 1300 سي سي خصوصا جوة البلد و الزحمة و الاشارات تقريبا 120 كيلو متوسط الاستهلاك فى الصفيحة بدون تكييف و لكن على الطرق السريعة و السفر جيدة من 250 الى 280 كيلو فى الصفيحة على سرعة 120 او 100 تقريبا بدون تكييف برضه - ديه تجربتى الشخصية ممكن في بعض الاعضاء تقول كلام مختلف شويه بس مش هيبقى الفرق كبير على ما اعتقد
2 - قطع الغيار غير متوفرة كتير هتتعب لما تلاقيلها قطعة غيار- ممكن كمان متلاقيهاش فى التوكيل و تقعد تحجز بالشهور لحد ما ييجى عليك الدور ممكن بعد كده المشكلة ديه تتحل لما العربية تنتشر اكثر
3 - بها بعض عيوب الصناعة ( حصل معايا ان البطارية ماااااتت فى اول 5 شهور !! روحت غيرتها فى الضمان ببطارية acdelco - المساعد الخلفى ضرب زيت و بقالى دلوقتى اكثر من 3 شهور حاجزه بس العربية بتمشى و لكن لازم يتغير
4- العربية تكنولوجيتها عالية شوية يعنى مش اي حد يفهم فيها و حساسة قوى للبنزين المغشوش اللى هو سمة اساسية فى بلدنا و لكن ماشية برضه
5 - الباور متوسط او جيد و ده عشان يخلليها ثابتة فى السرعات العالية لكن مش زى نعومة باور الكورى و اليابانى
يا ريت تكون استفدت من المعلومات ديه و ربنا يوفقك للخير ان شاء الله .....
خش علي السايت واحجز تيست درايف ..
دي معلومات هايلة قوي ربنا يكرمك وتفيد الناس اكتراقتباس:
المشاركة الأصلية كتبت بواسطة amrseif
متشكر جدا علي ردودكوم الهايلة، جزاكم الله خيرا