المشاركة الأصلية كتبت بواسطة MohammedAladel
يا باشا الفكرة مش فى كدا .... هو إيه الفرق بينها وبين التوران ؟ قارن بينهم هتعرف الاتنين نفس الفئة ونفس الموتور والفتيس ونفس الشركة يعتبر بس انت عارف أن عمر ما فولكس هتنزل سكودا بشكل ولا تابلوه أحسن من اللى هينزل فى فولكس لأن معروف المستوى اللى بتقدمه سكودا مستوى عادى ... أيوة فى مصر ملاك سكودا فاكرينها عربية ياما هنا ياما هناك
اساسا سكودا عربياتها كل ما بتروح للأسوأ فى الشكل وشوف حضرتك الفرق بين أوكتافيا 2006 و الشكل الجديد هتلاقيهم فنطظت منهم خالص :grinder:
وبعدين إيه معنى الكشافين المدورين من قدام دول زى ما يكونوا معمولهم فتحة بشنيور دا أنا لو رسمت برجلى هطلع شكل أحسن من كدا
أنا مش عارف حضرتك شايف فيها إيه يتبص له من برا دى ماهيندرا سكوربيو معدولة عنها
ويعنى أنا أسيب أهم حاجة الشكل وأروح بقى اقول دى سكودا دى موتورها تربو دى فتيسها مش عارف إيه الشكل عامل جذاب وعنوان العربية ..... أنا لما بشوف الفابيا بحس بحالة قرف كدا معرفش ليه ! من بواخة التصميم مستحيل يكون اللى بيصمم العربيات دى ألمانى
وصدقنى يا باشا أنا مرضاش أركبها لو ب 150 ألف بس شكلها مقزز أنا أركب جرار زراعى برستيج عنها :grinder: